澳門大利來記豬扒包

營業中

休息中

作為一間澳門超級名店其實我今次都係第一次幫襯，主要原因係行行吓落雨又有少少肚餓於是就決定學大家朝聖，入去坐低梗係叫豬扒包啦，其實深入面都預咗麻麻哋，如果唔係都唔會咁多年以來去親澳門都絕對冇衝動去幫襯吓佢，當然主要嘅原因係我好怕排長龍。豬扒味道OK，不過個包唔係好熱，當然都唔使講脆唔脆啦，我自己覺得呢種硬身嘅豬仔包係要夠熱夠趣先至好食，咬落去要「索索」聲先至夠爽，佢完全做唔到呢種效果，再加上幫襯嘅時間其實唔係好多客，所以直覺話我知呢間嘢都係名過於實，可能出咗名之後有啲嘢係會變質嘅。已$40一個豬扒飽嚟講，我自己覺得價錢偏高。