沛記咖啡室 (已結業)

由細到大我都好鐘意食牛油蛋糕, 呢到既合桃牛油蛋糕係我記憶中最好食既! 離遠已經聞到佢濃濃既牛奶味就知新鮮出爐, 摵開佢既時候中間仲有熱氣升起架! 蛋糕外層焗到岩岩好既金黃色, 未放入口已經聞到好香濃既牛油味. 搣左一角放入口, 蛋糕面焗到脆脆地但係蛋糕內部就軟綿綿咁, 睇下先知原來佢蛋糕中間既密度好高, 口感非常綿密. 我平時咁鐘意食牛油蛋糕, 呢到既牛油蛋糕暫時真係最好食. 一個細細既size真係唔係好夠食, 好彩將最後一啖放入口既時候已經遠離左沛記, 如果唔係我又要重多磅喇!