影片
更多
2018-08-21
5846 瀏覽
今次黎到澳門就係為左試下呢間新開業不久，但已聲名遠播既Alain Ducasse at Morpheus. 曾獲米芝蓮星星既Alain Ducasse今次係澳門插旗，傳聞仲話佢勁過Joël Robuchon係澳門既天巢，好奇心驅使下一於黎挑戰下！事先聲名小妹並不是專業食評家，只係業餘鍾意食好野，無係餐牌上既前菜名，佢用一啲法式英文講我聽我真係唔太聽得明，如有不足敬請見諒。講番餐廳嘅環境，係有啲驚喜，由Reception帶你入到去餐廳，個啲好靚既白色燈柱沿路都係，好科幻好迷宮，真係好似拍戲嗰啲場景咁。不過樓底有啲矮，所以有啲壓迫感，都係天巢有氣勢得多！一坐低佢就會推架餐酒車埋黎介紹佢幾支酒比你，再問你飲邊支，無從拒絕。真係以為佢係請我飲，咁緊係唔係啦！我地要左杯Private Label($188)同Rose($360)，都好飲既，特別係佢知Private Label真係好唔錯。比起Rose佢比較抵飲。下面張相係Rose,無影到Private Label。倒完杯酒，就上餐前小食。有炸(or焗？)菠菜小雲呑，𥚃面係碎菠菜餡，味道淡淡地。仲有魚生配脆片，塊脆片只係咸咸地無咩味。食完小食就會拎
事先聲名小妹並不是專業食評家，只係業餘鍾意食好野，無係餐牌上既前菜名，佢用一啲法式英文講我聽我真係唔太聽得明，如有不足敬請見諒。
講番餐廳嘅環境，係有啲驚喜，由Reception帶你入到去餐廳，個啲好靚既白色燈柱沿路都係，好科幻好迷宮，真係好似拍戲嗰啲場景咁。不過樓底有啲矮，所以有啲壓迫感，都係天巢有氣勢得多！
一坐低佢就會推架餐酒車埋黎介紹佢幾支酒比你，再問你飲邊支，無從拒絕。真係以為佢係請我飲，咁緊係唔係啦！我地要左杯Private Label($188)同Rose($360)，都好飲既，特別係佢知Private Label真係好唔錯。比起Rose佢比較抵飲。下面張相係Rose,無影到Private Label。
Pol Roger Rose
$360
445 瀏覽
0 讚好
0 留言
倒完杯酒，就上餐前小食。有炸(or焗？)菠菜小雲呑，𥚃面係碎菠菜餡，味道淡淡地。仲有魚生配脆片，塊脆片只係咸咸地無咩味。
食完小食就會拎餐牌比你，不過我地係email訂位所以一早睇左個餐牌可以即刻落單。一場黎到緊係叫Signature Menu！
落左單無耐就有人推架麵包車過黎，係你面前好用力咁挖呢舊特製既新鮮法國牛油。可能我哋係第一枱，舊牛油又喺雪櫃拎出嚟冇耐，佢挖到面都紅晒，真係辛苦佢咯！呢架車上另一位主角係呢塊由法國新鮮運黎唔知有幾多穀既麵包（應該多過十穀！）每人只有一少片，應該好名貴。不過片多穀包又真係真材實料，”實的的”的，好飽肚！不過真係好麥好穀，唔係人人岩食。之後先再拎第二盤麵包出黎，有軟包同小法包2款，選擇比較少。盆麵包砌得好靚，好似藝術品咁。
跟住會有青豆凍湯，係一碗充滿住青豆既糊仔。鍾意青豆既你一定會鍾意！
青豆凍湯
259 瀏覽
0 讚好
0 留言
成晚既重頭戲就係跟住呢碗名貴既地中海紅蝦凍配金魚子醬。單叫價值1000蚊一份！餐牌話signature menu既佢只係半份，但已經好夠喉。一圈厚厚既金魚子醬，被凍湯啫喱圍住，下面仲有好多既地中海紅蝦剌身，蝦刺身被蝦膏醬覆蓋着，呢個配搭係一絕既，好鮮甜好好味！不過本人覺得Robuchon既魚子醬好食啲。
Pol Roger Rose
$360
445 瀏覽
0 讚好
0 留言
食完鴨肝，之後有活締手線捕海鱸連魚鱗、翠玉瓜。魚囉，唔係特別出色。個堆綠色野係啲蔬菜囉，無乜美感。
Steamed duck foie gras, cherry-rhubarb, toasted brioche & Line-caught sea bass, violon courgettes and redcurrant, cooking jus
188 瀏覽
0 讚好
0 留言
佢地上菜動作 好優雅好齊，兩個人一人一碟放上枱再一齊揭開個蓋，好齊，幾好睇嫁其實！
我地有個唔食牛，大廚就煮左碟羊。應該係焗羊排配肉汁，我覺得呢個係成晚最好食！
呢舊羊肉有羊肉該有的羶味，個塊皮烤得特別香脆可口，同燒腩仔個層皮有幾分相似，不過係薄身版！真係超超超好食！係我食過最好食既羊肉呀！
另外香煎牛仔肉、雞油菌、番茄，有牛肉味既，但無驚喜。
Roasted saddle and chop of lamb, green peas, eel, cooking jus & Seared farm veal chop, girolles and tomatoes
336 瀏覽
0 讚好
0 留言
甜品之前仲有芝士拼盆，就4款芝士，我淨係知道Blue Cheese，其他都聽唔到係咩，仲有孜然，莓醬同蜜糖比你配著芝士食。盛載既器皿好別緻！
CHEESE
178 瀏覽
0 讚好
0 留言
甜品有2款：
先有草莓及覆盆子，鮮忌廉芝士雪芭，普通雪芭一杯，混感草莓醬同有新鮮大大粒覆盆子墊底。
跟住有咖啡、巴黎自家廠房朱古力、烤蕎麥。佢用左一大篇幅介紹呢個甜品，有雲呢拿雪糕，雪糕下面有啲可可咖啡粒，苦苦的同雪糕一齊食味道好夾好有口感！但其實主角係個可可殼！佢地既朱古力係喺巴黎自家朱古力廠房製造，咁個殼就係自家廠房加工運過黎，有個自家可可園咁話！但無得拎走既。
右下角個塊朱古力係你食完甜品飽到嘔既時候拎出黎，係Alain Ducasse at Morpheus個Logo，當然都係自家朱古力廠製造！拎到埋黎係你面前切比你睇，食下又好好食喎！係黑朱古力，𥚃面係啲碎左既咖啡豆，有口感好好食！真係好好食！可惜我真係飽只能食到2小塊，食唔哂，但佢唔會比你拎走.....只限堂食咁話。好浪費姐....
Coffee and chocolate from our Manufacture in Paris, toasted buckwheat & Strawberry and raspberry, fromage blanc sorbet
143 瀏覽
0 讚好
0 留言
走既時候會送過一小盒Alain Ducasse自家法國巴黎朱古力廠既朱古力比你帶走，一盒11粒唔同味既，幾好食嫁。不過我比較懷念個一大塊堂食朱古力！
Roasted saddle and chop of lamb, green peas, eel, cooking jus & Seared farm veal chop, girolles and tomatoes
336 瀏覽
0 讚好
0 留言
埋單$4831.2，試過就好囉，並不如傳聞中美好，我還是比較偏愛Joël Robuchon！
Mediterranean gamberoni delicate gelée, gold caviar
$998
166 瀏覽
0 讚好
0 留言
張貼
