吳廷記

營業中

休息中

黎得澳門多左之後，唔想次次都係食啲大路嘅豬扒包杏仁餅嗰啲。今次上網搵完一輪，見到樣懷舊野好有興趣。原來吳廷記係老字號潮式餅點，冬天有賣冷糕，不過今日冇，所以叫左個人人手執一個嘅紅豆餅。Size同我地嘅燒餅差唔多，手掌心咁大，糯米質地的餅皮，裡面包住甜甜嘅紅豆蓉，煎到好香，少少脆脆地，唔會好油，熱辣辣好似食緊麻糬咁，一啖咬落去好軟糯，非常好食。餅同餡比例啱啱好，食哂一個都唔會膩，以後去澳門掃街又多個選擇，下次黎都要再買。