里斯本地帶餐廳

營業中

休息中

依間餐廳係我本人暫時係澳門最好食ge葡囯菜。以前去過船屋、Fernando's、小飛象等等 -但一直都覺得味道爭啲。今次黎澳門，試新地方，竟然有驚喜。里斯本個廚係得ge。我哋兩個人叫左一道前菜、兩道主菜、及兩道甜品。前菜同主菜我都卑好高分。蒜茸炒蜆味道剛好，蜆肉肥美。咖喱蝦勝在夠香 -- 不辣。另一主菜為餐廳主打之一：牛排加雞蛋、火腿。牛排雖然未到上乘質素，但有牛味、肉質夠軟，配煎雞蛋拿、火腿帶有一點鹹味，十分獨特！甜品就不過不失，木框布丁唔夠船屋ge鬆化。我哋點咗支葡萄牙紅酒 -- 以$250一支酒ge價錢，算係飲得，要求唔係太高。不過，當晚有兩個小小缺陷，令到餐飯美中不足： 一，其中一位侍應身體不適，咳咗成晚 -- 一來打擾氣氛，二來不合衛生，尤其豬流感盛世，佢哋警惕性太低啦！二，餐廳有小小味道，唔知係冷氣問題定其他。。。希望餐飯管理可以改善以上兩點。