葡韻美食店 (已搬遷) 新店位置

本來諗住去十月初五街李家菜試吓, 但係因為8點要去金光綜藝館睇演唱會, 驚一來一回嘥時間, 所以最後都係留喺氹仔搵食, 之前食過葡韻覺得唔錯, 今次又去食過。 因為中下午去完牛記、文哥2間店食到好飽, 大家到晚飯時間都唔係好肚餓, 所以只係叫咗幾樣嘢食就算。我哋4個人坐低, 一點完菜店員就放低一籃4個麵包, 啲包仲係熱既, 外脆內軟。 埋單睇吓張單先至知係要收錢既, 4個包20大元。