影片
更多
2024-10-21
1431 瀏覽
去澳門住2日，最後一晚唔想去咁遠食，所以去食朋友介紹的新濠影匯餐廳自助晚餐。我哋喺app 買會平少少。食物方面刺身有幾款都係魚，我唔食魚，所以無食過。壽司種類都多，不過啲壽司飯好酸，我點完鼓油都覺得好酸。我鍾意食蟹，而我好怕有時啲蟹腳好咸，但呢到啲蟹腳就啱啱好，唔會太咸，所以我都食左好多。另外最回本嘅龍蝦，每次只岀一個口味，龍蝦多肉幾好食。燒肉皮好脆，唔會太咸，不過肥膏就多左啲。當晚俾到驚喜嘅竟然係即煮嘅海鮮粥，我只係揀左乾瑤柱、蝦、粟米同咸蛋，碗粥熱辣辣好鮮味，佢另加嘅油炸鬼好脆，連朋友都話正！呢到嘅自助餐性價比一般，但當晚唔多人，食得好舒服，基本任何嘢食我都無排過隊。另外職員非常有禮貌要讚一讚。
我哋喺app 買會平少少。
食物方面刺身有幾款都係魚，我唔食魚，所以無食過。壽司種類都多，不過啲壽司飯好酸，我點完鼓油都覺得好酸。
我鍾意食蟹，而我好怕有時啲蟹腳好咸，但呢到啲蟹腳就啱啱好，唔會太咸，所以我都食左好多。
另外最回本嘅龍蝦，每次只岀一個口味，龍蝦多肉幾好食。
燒肉皮好脆，唔會太咸，不過肥膏就多左啲。
當晚俾到驚喜嘅竟然係即煮嘅海鮮粥，我只係揀左乾瑤柱、蝦、粟米同咸蛋，碗粥熱辣辣好鮮味，佢另加嘅油炸鬼好脆，連朋友都話正！
呢到嘅自助餐性價比一般，但當晚唔多人，食得好舒服，基本任何嘢食我都無排過隊。另外職員非常有禮貌要讚一讚。
張貼
