唐吉柯德

營業中

休息中

每次去澳門都一定會搵葡葡牙菜嘅餐廳試吓，今次同朋友去呢間唐吉柯德，佢係澳門唯一一間同時提供正宗西班牙菜同地道葡葡牙菜嘅餐廳。唐吉柯德前身係做聖母灣葡式燒烤美食，為咗搵返當年熟悉嘅味道，特登邀請有澳門地道葡餐四十幾年經驗，前聖母灣葡式燒烤美食嘅大廚作為本店顧問。等客人可以一次過試晒兩個國家嘅美食～今次叫嘅每道菜式都好有驚喜-白汁蟹肉扇貝：呢道菜由嫩滑嘅扇貝同鮮美嘅蟹肉組成，搭配濃郁嘅白汁。扇貝嘅鮮甜同蟹肉嘅鮮香喺口中交織，每啖都令人回味無窮。-西班牙海鮮天使面：海鮮嘅鮮味同醬汁香料味道融合，加上天使面嘅滑嫩，令人感受到海洋的嘅鮮味同異國風情。-紅酒牛肉粒：用優質安格斯牛扒切粒烹煮，食落滿口牛肉鮮味，紅酒汁丶葡萄乾蒜茸香味，特別嘅做法，一試難忘-大蒜煎章魚：充滿濃郁嘅大蒜香氣，煎至金黃嘅章魚外脆內嫩，口感十足-木糠布甸：木糠布甸細膩嘅餅乾同綿密嘅布甸層疊，帶嚟豐富嘅口感對比。