影片
更多
2019-05-21
220 瀏覽
去到澳門就唔一定係食葡國菜嘅，今次就試下位於澳門百老匯嘅呢間東北菜！我見佢喺澳門都好幾間分店，相信質素都唔錯就揀咗呢間！- 東北菜就當然有我最鍾意嘅餃子啦，呢度嘅餃子全人手製，店內有透明玻璃俾你睇住佢包，餃子皮比出面食嘅真係煙韌啲無咁易爛，而且佢除咗韭菜白菜芹菜等一般餃子餡外，最為特別嘅係佢有款雞蛋餃，就無肉嘅但一樣都咁好味！呢個「拉皮拍黃瓜」都係傳統涼菜，黃瓜非常爽口而且夠晒凍，加埋自家製醬汁，食落少少辣但好開胃。 「韭菜盒子」都係中國東北嘅傳統小食之一，唔多地方會做，因為都係啲手工菜，入面包住滿滿新鮮既韭菜，外脆得嚟都唔會感到油膩，都值得一試！ 主菜方面當日就試左兩個招牌菜，就係「石板黃花魚」同「東北一鍋出」，「石板黃花魚」炸到外脆但魚肉keep到juicy 同滑，醬汁辣辣地但又唔會蓋過魚嘅魚味，做得都幾出色！而「東北一鍋出」嘅味道非常家庭式，有紅燒肉、排骨、粟米豆角等配料，而且薯仔栗米吸晒蔬菜嘅甜味，配埋玉米餅點住嚟食，岩晒一家大細一齊分享！ 總括黎講，呢間餐廳都幾適合一大班人食，因為份量好多而且味道真材實料，好有家的味道！
-
東北菜就當然有我最鍾意嘅餃子啦，呢度嘅餃子全人手製，店內有透明玻璃俾你睇住佢包，餃子皮比出面食嘅真係煙韌啲無咁易爛，而且佢除咗韭菜白菜芹菜等一般餃子餡外，最為特別嘅係佢有款雞蛋餃，就無肉嘅但一樣都咁好味！
呢個「拉皮拍黃瓜」都係傳統涼菜，黃瓜非常爽口而且夠晒凍，加埋自家製醬汁，食落少少辣但好開胃。
「韭菜盒子」都係中國東北嘅傳統小食之一，唔多地方會做，因為都係啲手工菜，入面包住滿滿新鮮既韭菜，外脆得嚟都唔會感到油膩，都值得一試！
主菜方面當日就試左兩個招牌菜，就係「石板黃花魚」同「東北一鍋出」，「石板黃花魚」炸到外脆但魚肉keep到juicy 同滑，醬汁辣辣地但又唔會蓋過魚嘅魚味，做得都幾出色！
而「東北一鍋出」嘅味道非常家庭式，有紅燒肉、排骨、粟米豆角等配料，而且薯仔栗米吸晒蔬菜嘅甜味，配埋玉米餅點住嚟食，岩晒一家大細一齊分享！
總括黎講，呢間餐廳都幾適合一大班人食，因為份量好多而且味道真材實料，好有家的味道！
張貼
