卡夫卡

營業中

休息中

呢間店不設預訂，所以到店先攞籌，再到附近行吓街返來都未遲，因為真係長期都有人等位。小王子：係甜品櫃入面都有十幾款選擇，我覺得最靚係呢個，非常適合影相呃like，而口味就係外層慕絲，中間有紅莓醬同啫喱，對於我嚟講我覺得偏甜，所以食唔晒反而係呢個....招牌奶茶：我一向對港版奶茶有偏愛，覺得澳門奶茶唔夠茶味，所以都冇乜期望，但呢個好味，有用伯爵茶？茶味濃，奶泡滑，微微甜味，贊！原味梳乎厘：蛋味濃，唔太甜，佢都有4-5種口味，但當日只有朱古力同原味，下次有機會要試伯爵茶味。香蕉朱古力吐司：賣相不及小王子但係超好食，因為方包入面有牛油沙糖焗過，再加上雪糕，最需要技巧嘅可能係個朱古力cream，但已經夠贏。