柏林頓班戟屋(美式班戟專門店) (已結業)

對上一次同閨密嚟柏林頓班戟屋已經係兩年前，雖然香港啲CAFE宜家開到周街都係，但係好似柏林頓呢一種味道就真係只有柏林頓先食到，喺澳門嘅更可以話係得佢一間。由於我地嚟之前已經食到七成飽，所以我地只係叫咗一杯飲品同一份PANCAKE SHARE：唔記得咗叫咩名，淨係記得有好香荔枝味，甜甜地又未至於「甜野野」，非常推薦去完大三巴曝曬先之後叫嚟飲，感覺就好似飲杯冰凍嘅庶汁咁，好爽呢個係做緊PROMO嘅綠茶PANCAKE，佢個名叫做「抗氧化綠茶班戟」好好笑，其實柏林頓嘅PANCAKE有陣「住家味」，即係唔會好似連鎖快餐店啲PANCAKE咁機械化嘅味道，佢嘅綠茶係食落口有淡淡地果隻茶香，而唔得係「一味得個綠」好假好化學果隻綠茶味，一份有三大塊厚厚地嘅PANCAKE，紅豆蓉味道天然唔會過甜，仲有我都幾欣賞佢嘅CREAM，平時我唔食CREAM嫁，但係佢嘅CREAM係輕飄飄好似空氣咁，加埋落PANCAKE一齊食真係好正，呢個「抗氧化綠茶班戟」絕對值得一試。其實兩個女仔嗌一份PANCAKE兩杯飲品都已經好足夠，仲有就係見左右兩台都食緊一個三文魚嘅意粉好似唔錯咁，下次都想嚟試下佢地啲意粉！