影片
更多
2008-12-22
29 瀏覽
星期六因為屋企有2個人生日+預祝聖誕, 決定坐金光黎四季食自助餐5點黎到訂位, 點知侍應話full哂, 不過可以試下6:30walk-in, 咁就好乖乖咁行完威尼斯人, 6:00準時等位, 到6:15, 侍應話可以比位我地, 超開心, 咁就做左第一位入場既客人趁仲有15分鐘, 拎部傻瓜機影下先啦~冷盤唔算有驚喜, 不過有大量既小龍蝦(唔係新葡好深色果d怪樣龍蝦), 帶子, 大蝦, 蟹腳....最正都係有龍蝦食(7:00開始就好多人排隊拎, REFILL左最少5次)熱盤類有燒牛肉(已預切好), 東星班, 特色葡菜...最大驚喜係有法國芥末子芥辣醬, 原裝法國貨, 正! 星班已經起左骨, 切好一片片, 想食咩部份叫靚仔廚師切出黎, 好服務!廚房仲有印度燒爐, 燒出黎既乳酪三文魚, 燒雞, 食落夠滑.涷肉有驚喜! 原隻風乾火腿即切, 加上各種風乾火腿, 腿迷必試!芝士有6款, 葡/法/瑞士既羊奶同牛奶芝士都有, 乾果類有夏威夷果仁甜品係最正!! 2大甜品雪櫃, +蛋糕, 生果盤+朱古力噴泉, 最討我歡心係放朱古力既擺設, 估唔到朱古力都可以咁放原來仲有雪糕收收埋埋, 要叫侍應去拎(侍應解釋話
5點黎到訂位, 點知侍應話full哂, 不過可以試下6:30walk-in, 咁就好乖乖咁行完威尼斯人, 6:00準時等位, 到6:15, 侍應話可以比位我地, 超開心, 咁就做左第一位入場既客人
趁仲有15分鐘, 拎部傻瓜機影下先啦~
冷盤唔算有驚喜, 不過有大量既小龍蝦(唔係新葡好深色果d怪樣龍蝦), 帶子, 大蝦, 蟹腳....最正都係有龍蝦食(7:00開始就好多人排隊拎, REFILL左最少5次)
熱盤類有燒牛肉(已預切好), 東星班, 特色葡菜...最大驚喜係有法國芥末子芥辣醬, 原裝法國貨, 正! 星班已經起左骨, 切好一片片, 想食咩部份叫靚仔廚師切出黎, 好服務!
廚房仲有印度燒爐, 燒出黎既乳酪三文魚, 燒雞, 食落夠滑.
涷肉有驚喜! 原隻風乾火腿即切, 加上各種風乾火腿, 腿迷必試!
芝士有6款, 葡/法/瑞士既羊奶同牛奶芝士都有, 乾果類有夏威夷果仁
甜品係最正!! 2大甜品雪櫃, +蛋糕, 生果盤+朱古力噴泉, 最討我歡心係放朱古力既擺設, 估唔到朱古力都可以咁放
原來仲有雪糕收收埋埋, 要叫侍應去拎(侍應解釋話雪糕櫃放出黎, d雪糕因為成日開門攪到易溶)
服務一流, 侍應一直加水(新葡要叫先會加), 每次走開侍應都會摺番好餐巾, 值100分!
唯一缺點: 可能因為之前既毒蠔事件, 無生蠔食, 同埋無鵝肝類...
張貼
