影片
更多
2011-10-19
251 瀏覽
期望越大，失望越大，我真係咁大個人未食過咁差同搵笨既自助餐，仲要發生喺五星級酒店四季身上，唉！講返食物，7點幾去到有啲食物已經唔refill，包括部分熱盤，鐵板燒等，本來我想要4隻蝦(只係普通蝦)，佢話已經賣晒，好難先搵到4隻比我喎，所以燒完一轉已經無喇！燒牛肉、燒豬頸肉燒完都係生嘅，燒牛肉我諗得兩成熟，我話好生喎，個廚師竟然只係笑笑口，冇反應......熱食得十樣左右，但唔太熱，同埋普通到唔普通。有啲連牌都冇，唔知係咩，我問廚師係咩湯呢，佢話"應該"係XXX湯......冷盤方面，蟹腳龍蝦其實味道都好，都幾鮮甜，但要等refill(已經唔多人拎都要等)，其他冷盤唔多新鮮，啲刺身擺到啲顏色都唔係太"令"，我連生果都唔敢食，因為瘀瘀黑黑咁；而甜品都唔多，連雪糕都冇，我又問其中一款啫喱係咩味，阿廚師又係話唔知，激死！總括黎講MOP$428+10%真係超唔值，我覺得只值$200左右。之前食評出現過既食物相片同當晚情況已經唔同晒，服務都只係一般，唯一好處係真係好寧靜同唔駛同人迫。不過咁既質素，冇乜人會再黎食梗係唔駛同人迫啦......總之我食完呢餐後真係又火又失望，浪費左我一晚食buffet
講返食物，7點幾去到有啲食物已經唔refill，包括部分熱盤，鐵板燒等，本來我想要4隻蝦(只係普通蝦)，佢話已經賣晒，好難先搵到4隻比我喎，所以燒完一轉已經無喇！
燒牛肉、燒豬頸肉燒完都係生嘅，燒牛肉我諗得兩成熟，我話好生喎，個廚師竟然只係笑笑口，冇反應......
熱食得十樣左右，但唔太熱，同埋普通到唔普通。有啲連牌都冇，唔知係咩，我問廚師係咩湯呢，佢話"應該"係XXX湯......
冷盤方面，蟹腳龍蝦其實味道都好，都幾鮮甜，但要等refill(已經唔多人拎都要等)，其他冷盤唔多新鮮，啲刺身擺到啲顏色都唔係太"令"，我連生果都唔敢食，因為瘀瘀黑黑咁；而甜品都唔多，連雪糕都冇，我又問其中一款啫喱係咩味，阿廚師又係話唔知，激死！
總括黎講MOP$428+10%真係超唔值，我覺得只值$200左右。之前食評出現過既食物相片同當晚情況已經唔同晒，服務都只係一般，唯一好處係真係好寧靜同唔駛同人迫。不過咁既質素，冇乜人會再黎食梗係唔駛同人迫啦......總之我食完呢餐後真係又火又失望，浪費左我一晚食buffet既quota全晚實在太氣憤，所以連相都唔影喇！
張貼