新海灣

營業中

休息中

記得對上次可以食葡國菜大概都有10幾年前，果次係同屋企人食，印象中個味道唔係咁啱自己，唔係話特別好食，所以唔會特別揀去食，但係呢排食得太多中餐，西餐，日式，韓式，忽然就想試一試另外一種口味，所以就揀咗呢一間葡國菜試下。入到去發現個地方唔算話好大，但係有兩層，老闆侍應來講全部都係葡國人，點菜都需要用英文，但食譜係有中英選擇的。對於葡國菜其實我唔係好熟悉，睇住個菜單嘅時候都唔知係乜嘢，咁老細就好快親行嚟話比我聽有邊啲係餐廳嘅必食推介，咁我亦都順理成章叫咗三個老細推介的菜色。八爪魚沙津--全部嘅配菜都切成一粒粒，有青椒，有八爪魚，有番茄，有洋蔥同埋薯仔。味道食落酸酸地，有橄欖油嘅味道，仲有d香草味道。質感嚟講係淋身的，每樣嘢都煮到淋身，食落去都幾夾。葡國炒蜆--呢個炒蜆係一絕，估唔好甘好味。首先來講就係d蜆已經係好新鮮，好鮮甜，好飽肉。真係唔知佢用咗啲乜嘢方法嚟煮，食嘅時候會有牛油嘅香，亦都有啲鹹鹹地嘅味道吊下，亦都會有啲好creamy 嘅味道，食落去嗰陣味真係從來都未試過,估唔到葡國有啲咁好食嘅菜式。葡國海鮮飯--呢個葡國海鮮飯嗰陣味覺得有少少似西班牙海鮮飯，但係呢種比起上嚟會有更加多湯。