影片
更多
2009-01-29
130 瀏覽
是日係女同事最後一日响我公司做嘢，佢相約咗大老闆、兩名高層同埋我呢個小腳色一齊去食晏。既然係佢最後一日，所以大老闆提議食一啲比較好嘅嘢。大老闆雖然响澳門做咗廿幾年，但係始終比較抗拒中餐，如是故我地揀咗食葡菜。呢間葡國餐廳係大老闆嘅另一間心頭好，佢認為呢間供應嘅午餐係公司附近最好味嘅。 入到去，店舖面積唔係好大，格局係一般澳門地道葡國餐廳。店裡擠滿了人，如果唔係大老闆同餐廳老闆熟，我地一行五個人都唔會咁容易搵到位。餐牌上可供選擇嘅午市套餐唔多，只有寥寥數款。我揀咗一客鴨肉焗飯，除此之外我亦試咗少少魷魚焗豆。先講吓魷魚焗豆，睇落好似係白豆，連埋啲魷魚粒一齊食，感覺都唔錯，除咗有淡淡嘅魷魚味之外，仲有豐富嘅豆味。可惜只係試咗一啖，試唔真呢味，下次一定要再嚟試。至於我叫嘅鴨肉焗飯，同樣係好味道。呢味焗飯除咗有鴨肉之外，仲有數塊葡式香腸。鴨肉一啲都唔韌，一點都唔乾，有豐富嘅鴨肉味。香腸切成薄片，香腸入面慘出嘅肉汁同埋脂肪，令整碟焗飯更加香噴噴。焗爐嘅火喉控制適中，外面一層嘅飯焗得脆脆的，但又唔會覺得硬。裡面嘅飯因為得到外面嘅飯鎖住咗啲水份，所以特別軟綿綿。外面香脆、裡面香軟，雙重性格，雙重享受
入到去，店舖面積唔係好大，格局係一般澳門地道葡國餐廳。店裡擠滿了人，如果唔係大老闆同餐廳老闆熟，我地一行五個人都唔會咁容易搵到位。餐牌上可供選擇嘅午市套餐唔多，只有寥寥數款。我揀咗一客鴨肉焗飯，除此之外我亦試咗少少魷魚焗豆。先講吓魷魚焗豆，睇落好似係白豆，連埋啲魷魚粒一齊食，感覺都唔錯，除咗有淡淡嘅魷魚味之外，仲有豐富嘅豆味。可惜只係試咗一啖，試唔真呢味，下次一定要再嚟試。至於我叫嘅鴨肉焗飯，同樣係好味道。呢味焗飯除咗有鴨肉之外，仲有數塊葡式香腸。鴨肉一啲都唔韌，一點都唔乾，有豐富嘅鴨肉味。香腸切成薄片，香腸入面慘出嘅肉汁同埋脂肪，令整碟焗飯更加香噴噴。焗爐嘅火喉控制適中，外面一層嘅飯焗得脆脆的，但又唔會覺得硬。裡面嘅飯因為得到外面嘅飯鎖住咗啲水份，所以特別軟綿綿。外面香脆、裡面香軟，雙重性格，雙重享受。
餐後飲品唔包，要自己另外叫，食得已幾飽，所以都冇再嗌，況且呢餐係「羅漢請觀音」，都係保住自己荷包，唔好太破費。五個午市餐共二百九十幾蚊。平均每人六十蚊有找(四個人挾即係七十幾蚊)。價錢係一般葡國餐廳嘅中位數，但觀乎食物嘅質素，還是值得推介嘅。
張貼
