影片
更多
2010-08-25
77 瀏覽
做足功課上網找good comment 嘅酒店自助餐, 一心諗住花費多些都要食得開心舒暢, 點知都係哀左.星期日brunch連加一及扣除discount後要4百元一位, 以價錢來說, 在澳門都算數一數二, 無問題, 好食就抵番曬, 點知食品唔得之餘, 重要受氣...自助果汁不正常的甜, 肯定勁溝糖水.即開生蠔: 個開生蠔哥仔開蠔慢到無人有, 排隊等5分鍾閒閒地, 以為唔去大陸客多的酒店餐廳會少人D舒服D, 錯晒! 網上勁讚的海鮮吧更令人大失所望 , 無大聖子、大蜆提供, 好失望, 龍蝦無味,長腳蟹腳、蝦又霉又唔甜, 青口唔新鮮, 就算是即開生蠔, 只有咸咸的海水味似是新鮮, 但一D鮮甜味都無, 總之無一樣吸引人食完想encore. 講開長腳蟹, 白烚涷蟹腳完全無鉗開便上盤, 問waitress 要鉗問足三次都未有, 佢地話餐廳好少鉗, 叫我地等一等, 唔係哎麻 – 5星級酒店!!!放風乾黑毛豬的蝶常常空空如也, 估唔到堂堂美高梅”枯寒”成咁, 定係佢地D伙計太懶?負責“畢” 雪糕個哥仔又好似發緊夢, 要朱古力加芒果, 佢一野就“畢” 落雲呢拿度, 想點?切魚生個亞叔最無禮貌, 要多兩隻
星期日brunch連加一及扣除discount後要4百元一位, 以價錢來說, 在澳門都算數一數二, 無問題, 好食就抵番曬, 點知食品唔得之餘, 重要受氣...
自助果汁不正常的甜, 肯定勁溝糖水.
即開生蠔: 個開生蠔哥仔開蠔慢到無人有, 排隊等5分鍾閒閒地, 以為唔去大陸客多的酒店餐廳會少人D舒服D, 錯晒!
網上勁讚的海鮮吧更令人大失所望 , 無大聖子、大蜆提供, 好失望, 龍蝦無味,長腳蟹腳、蝦又霉又唔甜, 青口唔新鮮, 就算是即開生蠔, 只有咸咸的海水味似是新鮮, 但一D鮮甜味都無, 總之無一樣吸引人食完想encore. 講開長腳蟹, 白烚涷蟹腳完全無鉗開便上盤, 問waitress 要鉗問足三次都未有, 佢地話餐廳好少鉗, 叫我地等一等, 唔係哎麻 – 5星級酒店!!!
放風乾黑毛豬的蝶常常空空如也, 估唔到堂堂美高梅”枯寒”成咁, 定係佢地D伙計太懶?
負責“畢” 雪糕個哥仔又好似發緊夢, 要朱古力加芒果, 佢一野就“畢” 落雲呢拿度, 想點?
切魚生個亞叔最無禮貌, 要多兩隻帶子手好以分佢副身家咁, 冤口冤面, 拿第二次時佢話: “帶子解緊涷, 你轉頭先出來”, 我問大約等幾耐, 佢答: “遲D啦” 我問: “遲D即係幾耐” 佢好盟咁答: “15分鐘啦! ” 我話: “要15分鐘你就唔好叫我轉頭出來啦. 哈, 佢竟然擰歪面唔理我, 登時火都離埋, 走去同經理投訴…
熱盤少, 非常一般, 但還可以.
甜品算係最好一環, 貴精不貴多, 但真係食左都補唔番.
如此受氣的一餐, 盛惠4百大元一位, 比著係你重會唔會幫襯?
張貼