影片
營業時間
今日營業
07:30 - 23:00
星期一至日
07:30 - 23:00
以上資料只供參考, 請與餐廳確認詳情
前日（31-8-2024 Sat）朝，同老公忙咗一輪後，都夠鐘食晏，去邊喥食？我哋又要去宜家傢俬攞咖啡渣用喇，但宜家傢俬食嘢唔抵，唔順便喇，老公提議呢家，好啦。我哋嚟到時，剩返最後一張卡位，掃QR code睇menu，要咗：2. 叫嘢食免費嘅凍豆漿唔夠凍，又淡又稀。1分5. $62.00嘅豬軟骨飯老公揀咗雞絲飯，豬軟骨夠腍同好入味，唔差。佢大讚雞飯有好多蒜，好好味。5分6. 跟餐嘅海帶貢丸湯開頭味道清清地，貢丸亦正常，飲到底，飲到啲胡椒味，OK冇問題。3分3. 叫嘢食加$12.00嘅宇治抹茶紅豆鮮奶抹茶味唔太濃，唔大粒紅豆夠腍同甜，好飲過豆漿。4.5分4. $42.00嘅涼拌蔥油海蜇份量唔多，食落味道又鹹又酸，嘥我哋錢同quota。0.5分1. $68.00嘅三杯雞飯呢個係我老公已經食完佢嗰份台式豬軟骨至到嚟，而且呢個係冇湯跟，亦冇得揀咩雞飯。佢應該係即叫即整，熱騰騰，所以我唔食豬軟骨，食咗三杯雞先，三杯雞惹味同濃，唔太辣，幾好味。4.6分衛生：有蠓，老闆即時處理收集用過嘅餐具車。2.5分服務：開頭送豆漿嚟嘅時候，問我哋要唔要飲管？我哋唔要。跟住畀宇治抹茶紅豆鮮奶時，就冇問即刻放低支飲管，好彩支飲管係有包裝，最後我哋都係冇用到而畀返佢哋。抵食係1.63分題外話：原來我係第一次喺台灣麵食午餐。上次食評係2023年11月21日刊登嘅呢篇： https://www.openrice.com/zh/hongkong/review/%E6%95%91%E4%B8%8D%E4%BA%86-e5138581
繼續閱讀
所以小朋友嘅味蕾都幾清晰，我上次食呢個花枝丸係元朗台灣麵，今次食呢款係炸嘅，然之後曬啲黑椒定係椒鹽，佢已經食得出有辣味，然之後同你講「呢間嘅花枝丸好辣。」不過蕃茄湯底呢可能始終都係佢連鎖餐廳，蕃茄湯底嘅味道都同元朗嗰度一樣米線份量冇咁多，不太韌，較林，而且嬰兒早上比較勞碌，因此吃得較多，我只係剩低少少米線可以食。而且呢次因為見到珍珠奶茶+10幾蚊，慳返個錢就只係嗌咗杯凍檸茶，連珍珠奶茶啲珍珠都冇得食，因此難免冇上次咁飽肚。
繼續閱讀
十幾年前有個朋友常和我放工後相約在此食飯、呻下工作的苦與樂，但是最近十年我都無食過，今晚諗唔到食什麼，友人提議台灣麵，就去食下是否仍是那個味道.懶人之選二人餐：🥘貢丸湯&酸辣湯：貢丸湯加胡椒粉很惹味；酸辣湯個人覺得過酸🥙肉燥白菜仔：原本以為是香港的白菜仔，但原來是台灣的白菜仔，有驚喜，肉燥惹味，菜很爽有點清甜，意外好食😋🧆黑松露醬鹽酥雞：食嘅時候根本想不起黑松露味，食完才想起黑松露在哪裏😅 但係鹽酥雞皮有脆，肉有滑，係好食的，而且很大舊，根本唔係小食的份量🍜椒鹽排骨新竹米粉&三寶乾拌新竹米粉：米粉與餸分開上，擺滿成枱，很大的排場以為四餸一湯😅，米粉還是以前的味道，那是椒鹽豬扒，不是排骨吖，份量很多，到最後兩個人根本吃不完🧋：凍檸茶&台式奶茶：味道正常最後埋單都係$208，好似無加一，味道正常，呢個價錢超級抵食，自己買同煮一定貴過呢個價錢，所以係可以例入晚餐名單
繼續閱讀
今日出荃灣，諗嚟諗去都唔知食咩，但成日路過一間台灣麵都見到滿座，就入去試下啦星期六中午，都有套餐供應，抵讚叫咗一個原味牛肉新竹米粉，本人對台灣米粉情有獨鍾等咗5分鐘就上菜啦，米粉上面鋪面酸菜，未食都覺得好開胃，以套餐嚟講，牛肉有4大件，分量滿意先飲牛肉湯，充滿牛肉既香味，飲完唔會口渴，唔係味精湯嚟牛肉入口嫩滑，無筋，一咬即開，好食套餐另跟一杯飲品，揀熱飲或者豆漿就唔需要加錢，其他台式飲品就另加錢，合理價錢今次由於一個人既關係，所以叫唔到小食，好多款小食都好吸引，價錢唔算太貴，希望下次帶多兩個朋友一齊食
繼續閱讀
同朋友經過荃灣，見到一間台灣麵店，晚餐居然有煲仔飯，好奇入去試吓，真的不錯，值得一試。臘腸排骨煲仔飯非常足料，臘腸至少有 8 片，排骨鋪滿成個飯面，老實講其他煲仔飯店嘅料最多只有三分二，估唔到一間台灣店食煲仔飯咁足料，而且飯不會煮過頭變晒飯焦，飯煮得剛剛好，火喉控制得恰到好處，飯微焦，十分滿足。朋友叫咗個蒸肉餅煲仔飯老實講，煲仔飯內嘅肉餅厚度，比起其他店真係厚好多，肉餅又厚又彈牙，加埋啲煲仔飯豉油，簡直係絕配呀！足料抵食的煲仔飯
繼續閱讀