影片
開飯介紹
榮式燒雞扒首間在新界的分店。
繼續閱讀
附加資料
設有16張枱子。
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
今日同個囡去咗屯門市廣場食榮式雞扒專門店到食晚餐。我哋叫咗個雞扒親子飯，$58，好抵食！雞扒親子飯一上碟，就見到好大塊雞扒😱同埋好大片既滑蛋！雞扒煎得好香脆，又唔肥，加埋黑椒，好好味！啖啖肉，好啱我呢啲食肉獸！另外，佢嘅滑蛋真係好滑，配埋啲飯一齊食，我囡食到津津有味👍叫左多飯，份量好足，我同我囡兩個都夠食，個人覺得超級抵食，價錢唔貴，味道都好好，係晚餐既一個好選擇，我囡話下次又要嚟食，下次可以試下其他菜式😋
繼續閱讀
服務態度極差，永久黑名單。兩大兩小叫咗三個飯，三杯嘢飲，埋單2百幾。小朋友食嘢食得慢，坐咗45分鐘，然後侍應就係咁過黎話坐左成個鐘都唔走。仲要行埋黎鬧，話小朋友坐唔定，係咁坐係到郁嚟郁去。我食個飯比錢仲要受佢氣。呢d 真係垃圾餐廳黎。不如你限制小朋友唔可以入內，食飯唔可以超過30分鐘，食唔完都要起身啦。門口仰要係無人等緊位。嬲到飯都未食曬起身走。以後都唔會再黎。成日話香港人北上消費唔留港，呢d 咁既服務態度邊個仲想入黎消費呀
繼續閱讀
去到屯門商場，夜晚想食少少嘢。上網一search，見到呢間港式嘅雞扒店好似唔錯，價錢亦都可以，所以就去試一次。餐廳雖然都係商場裏面，但係其實位置都有啲難搵。雖然唔使排隊，定係餐廳keep住都係客滿嘅。咁去到梗係要試一試去過雞扒啦，好多食客當日都係有點呢個餐。雞扒飯份量都尚算可以啦，原本以為有好大嘅雞扒，最後上菜嘅時候見到有兩塊細嘅。雞扒醃得好入味，可以話同美極嘅醬料相似，而側邊配上的蔥油點就好唔錯，味道都相當配合。
繼續閱讀
榮式雞扒飯甲屯門時代廣場平民食品環境普通裝修，沒有打卡的需要食物這裏主打榮式榮雞，當然要點榮式雞扒飯吧，這個的性價比最高，因為只有他有兩大塊榮式雞扒，能夠有雙重的享受，味道和質感都非常出色總結值得一食
繼續閱讀
收工去屯門練習前又係要搵老友食晚餐先，行下時代廣場見到呢間榮式燒雞扒都個知開左好耐但又未試過，2個人又食唔到好多野就入去試試啦。入去坐底都係QR code落單，鋪面不大位唔算好多，環境都叫乾淨企理，門口有個大燈牌睇餐，入去有需要都可以叫侍應攞餐牌睇。雞藕天成黎到呢度當然要試佢地既招牌雞扒啦，講講佢地d餐改名都幾得意，呢份雞藕天成即係雞扒加煎蓮藕餅，雞扒係用燒的，同一般茶餐廳擺落炸爐炸既感覺唔同，燒出黎外皮都算香脆，肉質唔會好乾，果然唔錯，蓮藕餅都算出色，望落好似好乾咁但內裡唔乾，食到粒粒蓮藕粒，肉既比例會多少少，無點溝過粉，口感味道都唔錯，飯既軟硬都適中，另外仲有榨菜同蔥油撈黎食更香口。榮式雞扒叻沙米粉老友食叻沙米粉，要加6蚊，我試左啖湯，味道唔算好濃，不過都食到椰香同沙嗲味，都唔錯。凍檸茶凍飲加5蚊，檸茶茶味就普通d，叫左少甜無咁甜。如果想係屯市呢度普通食1餐呢間係唔錯既選擇，侍應既服務態度都唔錯，見有枱客唔太識用QR code都好耐心咁教，食物同環境都ok，價錢合理。
繼續閱讀