影片
港鐵銅鑼灣站 F1 出口, 步行約6分鐘
繼續閱讀
電話號碼
55404057
營業時間
今日營業
12:00 - 21:30
星期一至日
12:00 - 21:30
以上資料只供參考, 請與餐廳確認詳情
喺銅鑼灣除咗可以一嚐百年老店嘅餅店之外喺加路連山道都開始越開越多特別嘅餐廳而並唔係連鎖餐廳， 嗰度相對嚟講，遠離銅鑼灣嘅中心清靜得多😌食完嘢仲可以去附近嘅維園行一轉感受吓大自然嘅氣息。 😙而喺加路連山道就有一間性價比超高嘅西式餐廳就係Dad & night ， 🤩就好似個名一樣，無論朝早定係夜晚都可以合適😍喺朝頭早嘅時候呢一度食班尼迪，又有營養而且配搭豐富，選擇可以有煙三文魚或者煙肉或者巴馬火腿甚至係食素嘅話就有牛油果蕃茄，😍另外仲有自選早餐同埋全日早餐去揀😙煙三文魚班尼迪— 🍳無論係早餐定係晏晝班尼迪都係一個幾唔錯嘅選擇，🍳而且營養高，底層嘅Muffin配埋煙三文魚同埋水波蛋上淋上一層最緊要嘅蛋黃醬。 🍳配搭非常之乾淨，而且味道極之濃郁。🍳切開一半蛋黃慢慢咁樣流出嚟為個味道增添層次， 煙三文魚風味濃厚，🐟而菠菜就好好咁樣中和晒咁多款嘅味道帶嚟清新嘅感覺🐟芝士漢堡配炸薯條— 🍔以一個$48嚟講，性價比係極之極之高， 厚嘅漢堡包再配上一層又係厚嘅漢堡扒，🍔喺廚房度新鮮咁樣煎好咗零舍香🥩再配埋經典嘅車打芝士片， 🧀簡單又熱辣辣嘅漢堡，咁就整好咗，配埋粗薯條，絕對係經典嘅美式漢堡🍔鐵板紐西蘭草飼牛柳— 🥩食得西餐，當然亦都唔少得有牛扒嘅選擇，牛柳最好嘅地方就係啖啖肉， 🥩五成熟嘅時候就係最正，中間嘅嫩紅色再加埋外層焦香咗嘅啡肉色就係最好嘅對比同時食出兩層唔同嘅肉質，🥩另外側邊就配埋芝士焗薯條又係非常邪惡嘅配搭，但係味道真係一流🍟Day & Night銅鑼灣加路連山道5號地舖
繼續閱讀
當我發現同事原來同我一樣咁為食，而且口味相當接近，食好西當然要捉埋佢🤪今次我地揀左一間新開既西餐小店，環境乾淨企理，而且無加一，銅鑼灣地段來講都算高CP🥩鐵板紐西蘭草飼牛柳 $138 （黑椒汁｜7成熟）呢度主打鐵板牛肉，牛肉咬落juicy，配埋咸香微辛既黑椒汁，令牛味更突出，仲有少少木魚絲，充滿日式風格；香脆薯條加埋芝士充係邪惡既化身😈😋🍝意式紅醬意大利粉 $68意粉軟硬適中，而且幾掛汁，味道酸甜開胃，鍾情紅醬意粉既我地都覺得唔錯😋🍟黑松露薯條 $30香濃黑松露醬配炸薯條又係另一種口味😋今日一次過滿足兩個薯條願望🤭份量慷慨，可2-3人share
繼續閱讀
呢排成日去紀律部隊會做運動，就會經過呢一間餐廳。喺門口見到佢個餐牌嘅扒都幾吸引，今晚就同老公走咗入去食。雖然舖頭比較細，但裝修都幾靚幾chill。我哋叫咗一份牛柳同肉眼扒餐，食落口已經覺得好Juicy。啲扒加咗白酒好香，佢啲芝士薯條又做得好好食。喺呢個飲食業寒冬真係要支持吓小店，尤其是係呢間咁高質嘅餐廳。佢仲要冇收+1服務費，價錢都十分公道。下次再去試吓個下午茶餐，見到佢啲tea set四五十蚊份都好抵。
繼續閱讀
銅鑼灣我常去行街， 因時代廣場常有推廣活動， 最近得知有間新開業的「Day & Night」，餐廳別緻舒適，主打西式食物，有鐵板餐、意粉、小食及串燒等，而且午餐、下午茶時間優惠更多，性價比不錯👍香脆三文魚配酸豆白酒🍶忌廉汁香脆可口的三文魚腩肉嫩滑溜， 鮮味十足，加上配料開胃惹味值得一讚🧡酸辣雞茄汁尖通粉🍝番茄🍅濃厚帶辣更提升鮮甜味，配以一口口雞肉口感又豐富Day & Night 銅鑼灣加路連山道5號地舖
繼續閱讀
老闆話今日啱啱開業一個月，眼見星期五晚好爆場呀，要等位呀！ 黃金蝦（6隻）$68。蝦都幾大隻酥脆，唔過份油膩， 黃金比例點到即止惹味。加埋支裝冰凍Hoegaarden 啤酒 $28，超正！配埋隻酒杯一齊上好有儀式感。烤半殼蠔（牡蠣）$84/2隻。配合海鮮醬，將蠔既鮮味帶出！偷聽到隔離枱都讚好食喎。鐵板10安士西冷扒$132。保持了肉質的嫩滑，帶有獨特的鐵板烤風味，相信師傅經驗廚藝之高質，芝士墊低上面的粗身薯條加少許雜菜，雜菜有水份另到整件事不會太乾身，還keep到水份，欣賞。如果你係銅鑼灣附近，不妨真係黎享受下午茶入手先呀， 菠蘿包炸魚薯條都有。一定要介紹黎感受下。
繼續閱讀