尖沙咀厚福街新開的米線店，咁岩今日家人黎搵我食午餐，所以就一起去試試. 同平時食開的連鎖式米線店比，呢間乾淨企理. 同行家人叫左蟲草花椰子雞米線（加bb辣），真心覺得個湯係一流，雞肉好滑 而我叫左豬扒酸辣米線加豬潤，都好好食（勁足料），湯底唔係味精的味道，同平時食開其他米線店大有不同. 兩個人埋單$133….抵食而且份量好足 同行的那位家人本身唔係十分喜歡食米線的人，但佢今次食完後竟話下次再黎食 👍👍👍

時隔一年多，我們又來到這間越菜咖啡廳，看到餐牌又推出了更多的新菜式、新飲料了！！！ 這次的新菜品有越式咖哩牛肋條配斑蘭椰香飯、越南蟹肉醬配脆球餅、咖啡骨、荔枝雲朵咖啡、香茅青蘋果茶！ 有新菜品當然要全部都來一份，首先是一個開胃前菜，越南蟹肉脆球餅。把蟹肉沙律、青瓜、蘿蔔絲放進球裏面，拍起來就是高級；一口吃下去（嘴巴小的可以弄破，夾起來吃），蟹肉沙律的蟹味濃郁新鮮，配脆餅口感不得了！ 現在吃東西講究儀式感，咖啡骨、惹火上身鹹檸豬頸肉就給到我滿滿的儀式感。先用咖啡把雲朵沖下去豬軟骨，再夾起來品嚐，咖啡加棉花糖的味道都進去了軟骨裏面，就是好吃！！ 惹火豬頸肉的火點起來當刻讓人非常驚喜，我就最愛看這種，然後豬頸肉燒得很剛好！ 配了shake shake雞軟骨炸物當小吃，保持了水準，加入紅椒碎一起搖，非常惹味！ 男朋友點了一越式咖喱牛肋斑蘭飯，外觀別緻，份量不少，咖哩的椰味濃郁，飯上有些紅椒碎粒，並有淡淡的斑斕味道。好吃的程度是連怕辣的他也能一口接一口地吃，最後才不斷的找水喝。 荔枝雲朵咖啡，來到看到雲朵泡沫上有些玫瑰花碎覺得很可愛，很漂亮，帶荔枝味的冰咖啡也不錯喝。香茅青蘋果茶直接喝好喝但較甜，倒在加冰杯了裏喝就剛好。

偶然發現一間隱藏的咖啡店，店內的裝潢簡約而不失格調，每一個角落都透露著主人的細心與用心。職員的熱情接待，推介白情人咖啡的創意構思，將白朱古力與latte融合。以$40的價格享受這樣的美味，實在是物超所值。 **個人回頭指數：9/10**，這樣的高分評價，足以證明這間咖啡店的魅力。雖然少了甜品的陪伴，但這並不影響整體的美好體驗。期待未來，這裡能夠增加更多的甜點選擇，如蛋糕、曲奇等，讓這個小小的空間，帶來更多的驚喜與滿足。 在這個繁忙的都市生活中，能夠有這樣一個地方，讓人放慢腳步，享受一杯好咖啡，實在是一件幸福的事。希望這間咖啡店能夠繼續保持它的特色與品質。當然，如果能夠有更多的甜品選擇，我會讓這個評分從9分提升到滿分10分。這不僅僅是對咖啡店的期待，也是對生活中小確幸的追求。另外附近比較多盲人店，請務必留意路面。

同個老死傾開偈，原本佢都未嚟過觀塘啲廠廈食私房菜，咁就啱喇，難得三人行就一於帶佢哋嚟試吓「御膳」。因為食過好幾次，出品高質，水準穩定，永無失望，所以先夠膽推薦俾大家。仲有就喺貪佢價位唔算高，亦都做得有特色。 一出電梯對正就喺餐廳，老友嘅第一個印象就喺別有洞天嘅感覺，估唔到廠廈有啲咁類型餐廳，帶少少神秘感。而推門內進，地方唔大，夾夾埋埋都喺6、7張枱左右，裝修簡約，光猛整潔，有別一般大酒樓、大酒家嘅奢華，賣嘅喺服務同食物質素。除咗散點，仲有好多款套餐，2-12人餐都有，如果懶諗，就索性俾個「筆直」店家等佢幫你度。冬瓜瑤柱海鮮羹 廣東人都喺喜歡飲湯先，所以，就先上呢個海鮮羹，估唔到我哋就只喺3個人，但份量上就俾到一大湯碗，夠每人分到兩整大碗。最正喺湯頭非常之清甜，口感綿密柔滑，加上落料一啲都無手緊，裡面有好多鮮蝦仁粒、帶子粒、冬瓜絲及大量乾瑤柱，所以，鹹鮮味十足，非常之好飲！玻璃脆皮乳鴿 喺店家近嚟嘅招牌菜之一，即叫即做，師傅話推出嚟喺省一省招牌。先講外觀，炸得好靚仔，色澤非常均勻亮麗，由於新鮮炸起，咬落熱焫焫，薄薄嘅外皮夠晒酥脆，肉質就非常之嫩滑細緻，卻好有肉汁，無論用料，抑或烹煮手勢都好有水準。香煎花龍蝦 好多時食龍蝦都喺上湯焗、芝士焗或蒜蓉蒸，但今次就香煎，簡單得嚟都考功夫。由於龍蝦已斬件，咁比較易分，煎得色澤金黃，啲肉一撩就起，成大大嚿肉放入口，不知幾爽，亮點喺蝦肉彈牙到不得了，又極有蝦鮮味，加點點豉油王去煎，更有提鮮之效。墊底嘅脆麵都唔好錯過，卜卜脆，過吓口癮。白胡椒爆炒南非鮑魚 繼續又喺海鮮菜式，再嚟喺南非鮑魚，一上枱就散發出濃濃白胡椒香，鮑魚爆炒之後，好有鑊氣，口感軟腍得嚟仍保持一份柔韌感，雖然白胡椒味比較搶，但不失鮑魚嘅鮮甜味。溫馨提示，如果唔食得太辣嘅朋友，就事先向侍應講聲「少辣」，等師傅唔好太重手。極黑豬叉燒 燒烤嘢一向梗喺即燒即食就最好架啦，呢度嘅叉燒賣點就喺即燒，加上採用西班牙黑毛豬，夠誠意又用料正。出嚟嘅成品真喺寧舍唔同，叉燒肉質極之鬆化細嫩，脂香中又滲出少少酒香，加埋少少燶邊位，老死都大讚正呀喂！上湯浸春菜 春菜唔好話食，聽都喺印象中第一次，咩喺「春菜」，個樣同個口感都有少少似芥菜，但質感比較嫩啲；又似似哋菜心，有嗰份清甜味，都幾特別，加上吸滿上湯，食起嚟更為鮮味。師傅話唔喺成日有靚春菜，出一輪又可能無咗。極黑豬叉燒揚州炒飯 同你講揚州炒飯就梗喺無咩特別啦，但加咗上述嘅極黑豬叉燒粒，仲有新鮮蝦仁，立時升級晒啦。的確個炒飯炒得好有水準，一來飯粒分明，二來唔好炒得好油，入口既爽身，又香口、夠鑊氣，再者，飯內混有好多叉燒、蝦仁、蛋絲，口感十分豐富。仲有，份量多，又喺每人分到兩大碗，食完真喺飽晒。 抹茶奶凍 最後餐廳仲會奉送甜品，等呢餐有個甜美作結。是次甜品喺抹茶奶凍，做得唔錯，好有抹茶嘅清幽香味，個口感就做得挺身，但又夠軟滑。都話佢哋保持到水準，時隔5年再嚟，啲嘢都無令人失望。連埋酒水都喺每人四百多少少，招呼熨貼，上菜有序，速度又啱啱好，更唔會話要幾時交枱，等客人慢慢食，慢慢傾。仲有免開瓶費、免切餅費、又無加一，好啱一大班老友嚟搞吓大聚會。

今晚食泰國菜，餐廳泰國裝潢好有泰國風情 冬蔭功湯 正宗泰式烹煮冬蔭功湯，用足泰國材料包括蝦、菇、檸檬葉、青檸等，十足泰國風味😋 肉碎生菜包 可以選牛豬雞肉，最後揀左豬肉碎，用生菜包豬肉碎加瓜片好好味 飛天通菜 腐乳炒飛天通菜好有咸香味道，通菜特別美味 皇后大蝦蛋網炒金邊粉 炒金邊粉再有加上美味大蝦，上面舖滿精美網狀蛋漿，旁邊有辣椒粉及花生碎，混合一齊食更好味，而大蝦好爽口 椰青 新鮮椰青好清甜，椰肉爽滑 珍多冰 椰汁珍多冰有三色啫喱好味道

高質高級韓國菜🇰🇷，就算星期一晚都Full House 😳 人氣不容忽視！ 環境都係走高級路線，食物價格港島區價格，但份量都合理。 前菜 有我鍾意食嘅魚板！ 韓式生牛肉 $215 韓式生牛肉伴以蒽、蒜、松子等，撈匀後再配脆炸紫菜，加上凍口感，食落軟綿，牛味適中，超好食😋 炸青陽辣椒釀豬肉 $86 炸青陽辣椒釀豬肉做法特別！有啲似香港嘅煎釀三寶咁，最外層裹咗麵一層薄薄麵包糠，青陽辣椒微辣釀埋豬肉碎，開胃小食。 海膽紫菜包飯 $380 海膽紫菜包飯同為必點，雖然價格稍高，但係海膽之下係仲有生牛肉！2款都係貴價食材，海膽鮮甜再配生牛肉，雙重滑溜。 八爪魚牛肋骨 $245 八爪魚牛肋骨都有驚喜，店員即時幫你剪八爪魚腳，牛肋骨有成4大件，每件快都炆到入哂味，肉好容易就離骨，但又唔會炆老哂，依然保持到質感。 元祖蒜頭辣燉雞鍋 $385 元祖蒜頭辣燉雞鍋好大鍋，相信係有一隻雞嘅份量，雞件上枱煮12分鐘撈匀就食得，愛蒜之人必定鍾意，好重蒜香，反之唔太辣，但油份都相對較重，適合佐飯食，配料仲有菌類、年糕、薯仔，如果加個麵底入去夠哂邪惡👿 Lime Soda $48 & See You $108 Lime Soda 相對較抵飲，想幾大杯，See You 就係西柚為主調嘅Cocktails，都適合襯返濃味菜式。

屯門紅橋向來是美食及酒吧集中地，今天到訪位於井財街新開業不久的「LUMOS Restaurant and Bar」享用午餐 裝潢雅緻用心呈現奢華感，座位用上高貴湖水綠配搭大體灰色雲石，加上玻璃反射跟光影的結合，感覺浪漫優雅；逢星期三、五、六及公眾假期更有 Live Band 表演，添加用餐氣氛 ---------- 手撕燒烤醬豬肉絲，洋蔥及番茄酸種麵包三文治配法式炸薯條 $108 午餐附上餐包、餐湯/沙律及餐飲 餐包富纖維及麥香，加上有鹽牛油很滋味；餐湯為黑松露忌廉湯，稀稠度適中，味道不錯 手撕豬肉絲緊實富燒烤醬味道，配搭脆身酸種麵包、洋蔥及番茄，味道平衡而不膩 ---------- 坑烤紐西蘭一級肉眼牛扒 (200克)配蔬菜及法式薯條或扁意粉 $158 午餐附上餐包、餐湯/沙律及餐飲 餐包軟鬆細緻；沙律菜新鮮；肉眼牛扒點選7成熟，厚切緊緻帶淙淡牛香；扁意粉煮至剛熟保持口感，味道調得輕身不過鹹

餐廳位於尖沙咀北京道1號嘅高層，地鐵站行過去都非常方便，而且唔會好遠，大概係5分鐘嘅路程，餐廳主要係食意大利嘢為主，今日我哋就食完嘢先去，去咗飲Cocktail，好彩今日個天都冇乜雲，成個景都非常靚，店員亦都好貼心咁問我哋鍾意啲乜嘢base既酒，我哋一杯揀咗伏特加一杯揀咗gin, 兩杯都非常好飲，酒味唔會好濃，適合食完飯之後小酌一杯，而且overall 環境都非常舒適，去埋個景都幾靚，有機會會再返嚟幫襯！

萬眾期待嘅樂麵，終於喺將軍澳開設分店啦！🥳 入面嘅環境優雅舒適，燈光柔和，一路行入去就有種被拉入日本嘅感覺！而且呢度柔和嘅燈光，無論午餐定晚餐都特別適合。進入門口， 係你猶如走進咗日本一樣！  首推嘅就系呢間店嘅招牌「真熬雞白湯」🍜，湯底由豚肉、鴨肉同雞肉熬製而成，湯色潔白濃稠，配上彈牙嘅日式拉麵，每一口都充滿滿滿嘅惊喜😍。濃郁嘅湯底，而且擁有深厚嘅滋味同口感，真系好難忘。
一碗面啲配料都好實在，由豚肉、鴨肉、雞肉配上佢嘅特製醬油溏心蛋🥚，蛋黃滑滑嘅，蛋白彈牙！再配上清香嘅蔥花、京蔥、鮮嫩嘅筍、香醇嘅紅椒絲，實在系一頓美食嘅享受啊！😋  再嚟就係我超推嘅「唐揚日本秋葵釀蝦膠炸串」，秋葵的甜美與蝦膠的滑嫩，伴隨著炸得恰到好處的外皮，每一口都是滿足，好讓人難以忘懷！
再講番返去樂麵嘅「真熬雞白湯」啦，食過都知，呢個湯底同香港其他拉麵店真系有分別，湯底醇厚但又唔會太膩，食得出來湯底入料充足，而且明明可以感覺到每種食材都喺湯底發揮咗最大嘅效果❗😊總之無論食咗幾多次，我都仍然覺得樂麵嘅每一款拉麵都好有水準，每一次食都會食到好滿足！如果你都係拉麵發燒友，絕對唔可以放過呢間樂麵啊！👍

之前同朋友行開利園附近 發現正潮樓原來喺銅鑼灣開設左新店 即刻約埋幾個朋友去試下 ✨鵝肉拼鵝肝 滷水香濃 鵝肉入味軟腍 鵝肝軟滑 豆腐嫩滑 ✨紅燒魚翅 依照古法處理 魚翅落足料 用上金勾翅老 配搭雞火腿等 食材熬製 濃厚甘香 魚翅彈牙 ✨富貴石榴蟹 係已經失傳潮州手工菜式 石榴蟹用左蛋白皮 包住蟹肉 蝦同馬蹄等餡料 包成石榴形狀 面層加入蟹膏作點綴 賣相精緻 皮薄餡鮮 ✨玉枕白菜 係一道逐漸失傳嘅傳統手工菜 用左津白菜葉 包住豬頸肉 鮮蝦 蝦米同香菇等餡料 外層爽脆 內餡鮮味 味道口感都好豐富 ✨脆皮酸甜蠔 用上新鮮台山蠔 鮮甜嫩滑 外層炸到金黃酥脆 脆卜卜口感 再配上自家製酸甜醬汁 惹味 ✨香炒瑤柱鬆 係一道傳統潮州菜 以日本瑤柱絲 加入馬蹄 韭菜同肉鬆炒 香氣十足 用上生菜包住食 口感味道更清爽 ✨梅汁蒸馬友魚 店家獨創做法 馬友魚嫩滑鮮甜 配搭特製嘅酸甜梅汁 清新開胃 ✨欖仁南瓜羹 欖仁鬆脆 南瓜羹濃稠的湯羹 加入粟米等配料 口感更豐富 ✨豆醬炒麻葉 麻葉味道帶甘 配搭鹹鮮豆醬 幾夾 ✨芋頭炒香飯 加入芋頭粒同香菇等配料 飯炒得乾身 粒粒分明 ✨菜脯炒粿條 粿條軟彈 菜脯脆口惹味 炒得乾爽 唔油膩 ✨桔餅姜薯粿 潮州傳統小食 姜薯係潮汕特有薯類 粿皮彈牙 內餡有幼滑薑薯蓉 配搭清香橙皮 味道唔太甜 總結：賣相精緻 食物可以 環境舒適好坐 裝潢典雅古色古香 另有獨立包廂 適合商務宴客 服務唔錯 價錢可以 而家推出左 魚翅 海參 鮑魚同燕窩套餐 性價比唔錯 今次亦發現原來仲有下午茶供應 下次再黎試下先

今晚，我哋就嚟到位於銅鑼灣嘅iza'bis，為咗慶祝朋友生日🥳。由裝修到燈光氣氛，每處都透著難以言喻嘅舒適感。食材水準極高，服務員亦十分貼心，總會在你需要嘅時候給予幫助。 💠 大師海鮮桶 💠這個價格$988嘅海鮮桶，實在物超所值！活加拿大龍蝦、活青口、活蜆、扇貝、大蝦、魷魚都超新鮮😋。龍蝦肉質豐富，入口即解，帶飽滿海洋嘅味道。而當青口同蜆遇上專門配襯嘅汁料，香氣四溢，滋味無法抵擋。再有扇貝同大蝦🦐，蝦肉彈牙，扇貝鮮甜，以至魷魚同松葉蟹🦀，每款海鮮都令人著迷👍。 與海鮮桶一同蒸煮嘅新薯同甜粟米，吃後口感濃醇，十分美味。整體嚟講，大師海鮮桶絶對是嚟iza'bis必點嘅菜品！💠 田園沙律💠 搭配自家嘅醬汁，新鮮既蔬菜口感 crunchy ，平衡咗海鮮嘅味道，讓人感覺清爽😊。 餐廳嘅氣氛和服務都好棒，同朋友共享美食嘅時光，實在好開心🙏。iza'bis 的美食措不及防， 一定會再來的！💖💖

📍Pane e Latte (赤柱) 赤柱赤柱市場道25號啟厚閣地舖 @paneelattehk 去咗赤柱意大利餐廳Pane e Latte食早餐,環境優美寧靜，而且冇乜人,可以坐幾耐都得☺️ 餐廳入邊有好多唔同嘅手工牛角包選擇,仲有意大利薄餅同埋各款甜點,可以喺餅櫃度自己揀 ☁️Salmon Croissant 手工牛角包有另外烘過 非常鬆脆 配埋滑蛋同煙三文魚 口感唔錯 ☁️signature Croissant Bombo 係店舖入邊招牌嘅牛角包 外型好似蝸牛咁 係一層層嘅酥皮 切開入邊係滿滿嘅吉士醬 吉士醬唔太甜 有淡淡嘅橙香味 ☁️Matcha Latte 個茶唔太苦 配埋香滑嘅牛奶 好好飲 ☁️Hot Chocolate 朱古力味濃郁，而且唔太甜 ☁️Tiramisu 滿滿芝士忌廉入邊有浸咗咖啡嘅手指餅 手指餅唔太濕，口感分明 ☁️Hazelnut Gianduja Bombo 上面嘅堅果非常脆 配埋入邊軟滑嘅榛子醬 感覺食緊一個金莎味嘅冬甩 #赤柱#赤柱美食 #香港#hongkong #hkfood#hkfoodie

旺角家樂坊新開咗間 台式餐廳 雞煲火鍋任食放題 $198/位 餐廳裝潢好有台灣特色 雖然全場爆滿 店員依然有禮 有效率 有三種口味嘅雞煲選擇 我地揀✨三杯雞煲 醬汁配上嫩滑雞肉，份量充足 有齊唔同部位 食完雞煲之後就可以加湯打邊爐 自助區食物乾淨衛生 仲可以落單揀選其他火鍋配料 ▫️美國牛板腱▫️鴨血 追加咗幾轉，好好味 ▫️迷你滷肉飯 滷肉飯好有份量 每啖米飯都均勻沾上滷肉汁同肉粒 ▫️鹽酥雞 外層香脆．炸粉唔會太厚 係必點嘅台式小食 ▫️林香檸愛文芒果檸檬茶 竟然有林香檸檸檬茶 加入芒果味．多片厚切新鮮青檸 酸酸甜甜又冰凍 ▫️仙草珍珠奶茶 香滑嘅台式奶茶 加入仙草同珍珠 帶出煙韌又滑溜嘅口感 係今年食過最抵嘅雞煲放題 滿足滿意有下次

上星期約左朋友來呢間位於銅鑼灣嘅蟹仙食海鮮蒸氣石鍋，以蒸氣石鍋去蒸海鮮，更可食到海鮮嘅鮮味！原汁原味更好味！ 仲有專人幫手去計時蒸唔同嘅海鮮呢， 我地揀咗尊貴海鮮套餐（$449/位）， (粥底及醬油費$15/位) ，一共有十款食物！ 包括: 🔸野生膏仔蟹/罕有藻食綠膏蟹 🔸太平洋饅頭蟹/台灣花尾龍躉片 🔸野生琵琶龍蝦/澳洲青年龍蝦 🔸台灣九孔鮑魚 🔸大西洋野生青口(當日冇貨轉成蟶子) 🔸加拿大野生海虎蝦 🔸 韓國釜山珍珠蠔 🔸紐西蘭刀貝蚌/紐西蘭月亮貝/ 黃金翡翠螺/蟹皇大元貝(4揀2) 🔸有機蔬菜籃 特別推介幾款必試！ 🐚蟹皇大元貝 大元貝大大隻，味道好鮮甜又彈牙， 加上蟹皇💛，鮮味更奢華呀！ 🦪台灣九孔鮑魚 鮑魚好新鮮，未蒸前仲好生猛， 口感彈牙，肉質鮮美！ 🧡野生琵琶龍蝦 第一次見呢款琵琶龍蝦，樣子雖然冇一般 龍蝦咁靚，但食落肉質彈牙爽甜，值得試試！ 🦐加拿大野生海虎蝦 海虎蝦口感彈牙，肉質鮮嫩！ 食到最後仲有一個匯聚海鮮精華嘅粥底， 粥底超鮮味的！另外仲有糖水送， 當日係另外椰汁雪燕，香甜又滋潤呀！

聽講係喺筲箕灣嗰度開過嚟，雲吞麵都係要食老字號，雖然係基本嘢，但係唔係間間都好好食，今次呢間就係少數好食的🚀🚀🚀 切腩四寳湯粉(清湯腩，魚蛋，牛丸，雲吞)： 這碗湯粉的清湯濃度適中，帶著豬肉的鮮美味道。豬肉腩煮得酥軟多汁，帶來濃郁的肉香。魚蛋有著彈性十足的口感，增添了豐富的口感層次。牛丸彈牙有嚼勁，散發出牛肉的濃郁風味。雲吞皮薄而滑嫩，內餡鮮美可口。 雙併撈麵(南乳豬手，炆腩)： 肉質軟嫩美味。炆腩肉香四溢，口感酥軟多汁。撈麵的麵條富有彈性，與豬手和炆腩的醬汁完美融合，帶來口感豐富的享受。特別講一下佢嘅辣椒油，配埋撈麵真係一流❤️❤️❤️ 酥炸魚皮： 酥炸魚皮外脆內嫩，金黃酥脆的外層散發著誘人的香氣。浸落湯度亦都可以吸收湯嘅精華。 即炸雲吞： 內部的餡料鮮嫩多汁，口感豐富。即炸雲吞經過炸製後散發出誘人的香氣，帶來一種外酥內嫩的口感享受。^_^ 蠔油菜心： 蠔油菜心清脆爽口，口感十分令人愉悅。蠔油醬汁帶有鹹香的味道，與菜心完美融合。