影片
營業時間
星期一至日
07:00 - 23:00
以上資料只供參考, 請與餐廳確認詳情
澳門朋友介紹，原本放棄去揾這地方, 一心隨便行, 一抬頭就見這間舖, 企正係門口, 這是緣份嗎?唔想食咁飽只係叫左豬扒飽, 肉質唔乾, 夠味道而不太咸咸牛肉飽, 咸牛肉加左洋蔥好味只係個飽唔夠翠口加支涷檸檬可樂真係樂透心
繼續閱讀
2月3日, 今次嘅澳門之旅快到尾聲, 我地嘅平民澳門生活, 又點少得去食個正正式式嘅澳門茶餐廳~ 呢間金葡喺新馬路附近, 近就近, 不過唔熟路嘅我地行咗好耐先搵到, 估唔到想食個茶記都幾辛苦~ 7點幾入到去, 人流唔多, 餐牌上都有幾多澳門特式嘅食品, 揀咗好耐加上仲有個澳門朋友推介, 我地叫咗d好夠平民嘅澳門特食~::: 葡式焗海鮮飯 ::: $35焗飯用個煲仔上,個汁溶溶地咁都焗得幾香~ 以為葡式焗飯係用平時食葡汁嗰d黃黃地色嗰隻汁, 但係呢種汁係用上焗豬嗰d茄汁. 又真係估唔到, 味道都幾好味, 雖然d海鮮又係普普通通嘅蟹柳、魚柳、魷魚, 但係每一樣加埋個茄汁配合都幾好~ 個飯焗得乾得嚟個汁可以濕潤番, 令到d料都唔會好乾, 而個汁又可以撈得晒成個飯食, 唔錯~::: 沙丹牛脷飯 ::: $35沙丹呢樣野真係喺港式茶餐廳見唔到, 我地都唔知係點樣樣嘅一個飯, 個沙丹又有乜特別呢? 我地都係經友人介紹, 先知係d乜~ 原來沙丹特別之處唔係個汁, 而係在於隻荷包蛋, 白白滑滑咁放喺白飯上面, 拮開個蛋黃d蛋汁就流入d飯度, 撈埋一齊食十分之惹味~ 而個汁, 其實同焗飯個汁差唔多, 都係酸酸甜甜嗰隻茄汁咁, 牛脷都幾爽口, 夠淋易咬開亦都仲有牛味, 唔會好似香港d茶餐廳咁, 韌得嚟冇味道~ 雖然係普通嘅碟頭飯, 不過都唔常喺香港食到, 幾特別~:::西柚子蜜 ::: $13西柚子蜜都幾重手, 味道本應都夠, 但弊在d冰都落得好重手, 成杯未免太凍, 要減d冰先唔會溝稀杯野!::: 凍檸茶 ::: $12凍檸茶味道偏甜, 檸檬雖多但係味道唔濃, 普普通通啦~本來都叫咗個葡式馬介休球, 只不過食下食下, 已經食晒個飯都未見個馬介休球, 原本好想食都等到不耐煩… 唯有取消個order, 下次再食過呢d地道嘅澳門茶餐感先~
繼續閱讀
響議事亭斜對面, 上斜繞過蛇羹(舊時係粥店), 見到綠色矮欄杆, 見到間四川野轉彎就到...呢間係茶記格局, 晚餐都冇乜款揀, 就係非雞雞扒飯揀, 有湯有甜品, 又係冇茶啡(要用湯換, 食完先知)...一路以為葡萄園既非洲雞好好味, 點知一食呢間就發覺高一班! 果種香辣油油地個感覺最正! 雞扒唔會乾實, d醬汁都係薄薄地包住件雞, 唔會大大劈咁撻響上面, 唔會覺得膩, 後面果兩舊薯仔都炸過黎好香口的!
繼續閱讀