杏甜品 (Soy Street)

Open Now

Now Closed

無錯！我再次食杏甜品！今次來到的是旺角分店！今次仍然是order椰皇湯圓燉雙皮奶和木蓮凍！😆再次order上次食過令J妹念念不忘的爆漿抹茶湯圓！🤤 食過的話就會明白！ 連K唔係 #抹茶控 都喜歡的抹茶流心餡🤤🥭 芒椰木蓮凍 $62豐富！色彩繽紛！吸引！有芒果爽冰、芒果肉粒、芒果汁、4色小芋圓、椰果、木蓮凍爽冰，形狀望落似細細雪糕，其實咬落是幼細的芒果汁碎冰芒果肉粒，甜！完全唔酸！木蓮凍，以木蓮籽製作，口感滑捋捋似愛玉/仙草加配 青鑽 +$5原來青鑽是薏米粒爆珠🥥 椰皇湯圓燉雙皮奶 $69可選椰汁 / 杏汁湯圓 (3 pcs)轉抹茶口味 +$0再加配 湯圓 (2 pcs) +$10椰皇湯圓燉雙皮奶，內有3粒黑芝麻湯圓，可免費轉為抹茶湯圓 / 榴槤湯圓 / 花生芝麻湯圓J妹另外再加配多2粒抹茶湯圓！ Total 5粒抹茶爆漿湯圓！正！😆今次選椰汁，比杏汁更香更濃！ 配埋爆漿抹茶湯圓更加是不得了！必點！！🤤_______________杏甜品 (旺角)旺角豉油街25-31號地下3號舖_______________

呢間糖水店主打食杏仁嘅甜品佢哋推出嘅木蓮凍人氣度好高次次去親都要點嚟食💛核桃露木蓮凍 $42今次試下熱食嘅木蓮凍 原來又有另一種感覺木蓮凍質感比仙草更嫩滑熱食口感會更軟綿綿搭配核桃露食味道香濃 口感幼滑又好味💛抹茶湯圓 $42湯丸配有桂花糖水 味道唔太甜湯圓咬開有流心效果 滿滿抹茶甘香味質感幼滑 令人回味無窮💛呂宋芒小丸子杏仁茶吸吸 $55杏仁茶味道濃厚 配合甜酸味道呂宋芒 味道好夾入面好多小丸子 口感非常軟糯增加成杯飲品嘅層次

不嬲都鍾意食中式甜品❤️次次經過都大排長龍覺得一定係好好食 所以就決定排長龍都嚟試下由2月中試咗第一次到而家我諗我已經食咗5-6次🤣加上天氣暖暖哋 食返個暖嘅甜品就最啱～而我每次都係食椰皇桃膠燉雙皮奶 ($67)😝桃膠份量非常多食極都仲有 雙皮奶個奶味又十分香濃有得揀配椰汁或者杏汁既然店名都叫得做「杏」咁梗係揀配杏汁啦！杏汁潤 桃膠養顏簡直係perfect match！啖啖都係濃濃嘅「杏」福滋味🥰喺其他甜品店都食過同樣嘅甜品價錢差唔多 亦同樣有用椰皇裝住但質素真係唔同level..呢度真係足料 同埋味道濃郁好多有次仲加咗三粒芝麻湯圓可惜冇影到相皮薄煙韌 咬一啖流心芝麻餡即刻流出嚟啲餡又夠足料令成個甜品再錦上添花呢度設有會員制$300至$5000都有交易價錢就好似credits咁 畀你入落張卡當現金用仲會送coupons 當然入得愈多錢就愈多福利啦😛我哋join嗰個係最低門檻嘅$300送一款迷你甜品同木綿冰如果試過一次覺得正 會再嚟嘅都幾建議join因為2個人食一次都差唔多$130🤔食3次基本上就用晒啲credits 但又有coupons送～旺角同尖沙咀店我都去過尖沙咀大少少 旺角店坐落真

呢間主打健康低糖嘅甜品店成日有人介紹(´• ω •`) 一直都想幫襯 早排經過旺角分店 終於去試咗～甜品配搭幾有特色 但同時食材好簡單 味道純樸 無嗰啲甜到漏嘅花巧嘢 的確幾健康 ♡.♥ 椰皇桃膠燉雙皮奶 $⑥⑦原個椰皇咁燉 想唔香都難( ´ ∀ ` )ﾉ燉奶用𝟛.𝟞牛乳製作 夠哂軟滑 每啖都充滿椰香同奶香 桃膠口感亦剛好 完全無雜質 食到最後連d椰子肉都挖哂出嚟～真係差在個殼未食落肚🥰.♥ 呂宋芒椰木蓮凍 $⑥②好大兜(＾∀＾)第一次食木蓮凍 原來好似仙草咁 同樣滑溜 食落甘甘甜甜 除咗鮮芒果肉 仲有舊芒果沙冰🍧同埋小芋圓 椰果 整體都唔會太甜 好有咬口.♥ 抹茶湯丸 +$𝟙𝟘 / 𝟚粒好少見茶味湯圓啊～口感軟糯軟糯 仲有流心效果 茶味微甘 不錯啊.♥ 四色小芋圓 +$𝟙𝟘細細粒好可愛 食落幾煙韌 不過四款味唔算好突出 印象中蕃薯味就最濃(*^-^)

鍾意飲杏仁茶嘅千祈唔好錯過！呢間嘅杏仁系列甜品真係好好味😋, 值得一試！而且佢哋都有幾間分店, 想試都好方便呢！ 🥭呂宋芒小丸子杏仁茶吸吸杏仁茶每日新鮮現磨, 口感非常香滑, 加入新鮮芒果肉🥭, 份量好多, 足足有半杯！芒果好鮮甜, 同杏仁茶味道好夾！推介👍🏻 🖤芝麻合桃露聞到好香嘅核桃味同芝麻味, 濃稠度恰到好處, 甜度適中, 質感都算順滑, 芝麻味比較突出, 略略蓋過合桃味。下次可以試埋湯圓，應該更加豐富呢！

有日係旺角收工都無咩胃口，唔想食晚飯，於是同事提議去食甜品，就去咗呢間杏 ALMOND 。我同朋友講我對於杏汁麻麻地，接受唔到果種杏汁味道，但俾佢鬧番我轉頭話仲有其他種類唔一定食同杏汁有關甜品。入到去鋪仔細細， 唔建議一大班人去食因為排隊有機會等好耐，店舖入面都有張貼用餐時間為30分鐘告示，唔適合吹水gathering 。必食招牌第一位有杏仁茶燉蛋白$55但因為唔啱口味無叫到，所以叫咗第二位既椰皇湯圓燉雙皮奶$69，而湯丸就選擇咗抹茶湯丸。湯圓有3粒，湯圓入面係抹茶餡比較好少見，仲要皮薄唔痴口，餡又香滑，好好味。

慢慢解鎖但每次來都必定想吃雙皮奶很奶很滑而且椰皇自帶淡淡椰子清香（只是淡淡，沒很濃）榴連、桃膠與湯圓都試過最後長留心中的是桃膠口味味道最長青亦最健康另外「杏」是招牌每次拉朋友來吃都大力推介要來碗杏仁茶非濃厚糊狀而是偏水的清新口感入口不會太厚重自己就不會覺太膩芝麻個人認為一般反而杏仁與合桃的配搭可試把兩款堅果口味二合為一，像杯飲品另外很好奇「青鑽」是啥把它拆解發現口感像薏米有點咬口，小小煙un ‑ ‒ – 椰皇桃膠燉雙皮奶 ⁶ ⁷ 杏仁合桃露 ³ ⁹青鑽桃膠杏仁茶 ⁴ ⁸‑ ‒ – .

><行到攰攰地 坐低食d嘢補充下體力鋪頭細細 餐牌都有幾多選擇椰皇湯圓燉雙皮奶(69)湯圓可自選口味 揀咗榴槤味頗香濃燉奶滑溜 熱食之下個味更出最後仲可以刮埋嫩身椰肉食一d都唔會浪費到龍眼小丸子杏仁茶吸吸(48)杏仁茶入口滑順醇香 唔太甜膩 有埋龍眼小丸子幾嚼口足料飲品口感很豐富生磨合桃露(32)經過工序煮完之後 冇咗合桃嘅苦澀味變成稠身又有堅果香嘅滋潤糖水><><><><><><><><><><><><><><杏甜品 Almond Dessert旺角豉油街25-31號地下3號舖

𝕄𝕠𝕟𝕘 𝕂𝕠𝕜 • 𝔸𝕝𝕞𝕠𝕟𝕕 𝔻𝕖𝕤𝕤𝕖𝕣𝕥 杏甜品 🤍📍 尖沙咀加拿分道𝟜𝟘-𝟜𝟞號香檳大廈地下𝟞號舖🔍旺角、尖沙咀::::::::::::::::::::::::::::::Top 5 dessert place in HK ✨ @almonddesserthk 主打杏仁甜品和鮮果爽冰，以健康少糖配方製作中西合壁的甜品。為著全家福湯圓🥣 慕名而來的，有齊抹茶🍵、榴槤、奶皇、黑芝麻、花生芝麻🥜五色口味，抹茶湯圓的外皮揉入菜汁上色，榴槤湯圓的外皮則是以墨汁製成，很有創意，配上清甜的桂花糖水。🥥 椰皇桃膠燉雙皮奶滿滿的桃膠及滑溜的燉奶，養顏滋潤。🥭 呂宋芒椰木蓮凍 新鮮呂宋芒配煙韌的四色小芋圓、椰果、芒果雪糕，涼粉及仙草，冰涼鮮爽。🍹 呂宋芒小丸子杏仁茶吸吸 杏仁味濃厚，略厭小丸子未夠軟糯。

杏甜品係一間以杏仁做主題既甜品店入面既甜品都標榜少糖同健康👍🏻👍🏻星期五晚落堂後朋友提議話想食甜品🤣我即刻就諗起呢間旺角既小店😝未到9點, 甜品店外已大排長龍我地等佐大概30分鐘先有得入座我叫佐個椰皇杏汁桃膠雙皮奶雙皮奶超級滑 唔會話燉佐好耐老曬桃膠亦都係燉到淋曬 唔會有硬芯杏汁唔會太甜太漏 配搭得非常好呢間鋪頭既杏仁甜品真係出常出色👍🏻👍🏻非常有heart難怪咁多人排隊支持🥳🥳🥳

已經係第三次幫襯「Almond Dessert 杏甜品」啦～本身小編唔係好鍾意食杏仁味嘅甜品，不過「杏甜品」嘅杏仁甜品就冇平時個種好難聞嘅味道，所以我都將我嘅第一次奉獻左比「杏甜品」，😂但其實其他糖水都好有質素！👍🏻除了每日新鮮即磨杏仁系列甜品之外，店內有各式各樣嘅傳統糖水，如糖不甩、合桃露等，有啲仲加入西式糖水元素，如榴槤湯圓、紅豆咖啡雪糕、鮮果爽冰、芒果奶昔雙皮奶等，全部標榜以少糖配方製作，感覺更健康！⭐️推薦❗椰皇桃膠燉雙皮奶（$67）另外仲加左$10要左兩粒花生芝麻湯圓！湯圓皮薄流心餡，值得一試！😏椰皇裏面放滿桃膠，底下仲有超滑溜嘅雙皮奶，食完感覺相當養顏滋潤！呂宋芒椰木蓮凍（$62）用新鮮嘅呂宋芒打出嚟嘅芒果汁底好濃郁！入面有好多配料，有煙韌嘅4 色小芋圓、爽甜椰果、芒果雪糕，當然唔少得主角木蓮凍，外形晶瑩剔透，看起來有點像涼粉和仙草，但口感軟滑，冰涼清爽。

冇誇張 我真係每星期食一次杏甜品開左喺旺角真係好方便我 下午茶或放工食完飯都可以幫襯下其中最愛最愛就係龍眼冰冰底食到好多龍眼肉 勁清甜完全係龍眼本身甜味唔係加糖嗰種水晶珠好爽口 成個配搭都係好清新椰皇湯圓燉雙皮奶熱野我就覺得椰皇燉雙皮奶系列係最正嘅最底層係滑捋捋嘅雙皮奶 好滑好重奶味上面配左椰奶黑芝麻湯圓 一咬落去就爆漿黑芝麻夠香 湯圓皮好Q好煙韌燉完嘅椰肉俾我挖晒嚟食糖不甩呢個傳統野都係成日叫嘅 椰絲花生碎好香口

今日係旺角附近做嘢 見客見到口水都乾埋🙈去 #Almond #dessert 潤下先🤩🍨旺角中間點其實都好方便 舖內整潔光猛 感覺令人舒適🪴合桃露木蓮凍 $42上次食過木蓮凍 覺得口感好特別 所以愛上了😋 合桃露入口香滑之餘並不會太甜而且香濃嘅合桃味道係口中充滿着香氣🥰配埋木蓮凍一齊食 真係好滿足咖呂宋芒小丸子吸吸 $49 🥭一次過滿足晒我食到對甜品嘅慾望😍有芒果肉 小丸子 同埋香濃嘅呂宋芒果汁嘅材料飲落去小丸子有咬口 配埋濃厚既芒果汁好夾呀🥰芒果奶昔雙皮奶 $59中間嗰層就係奶昔 凍凍地好似食雪糕咁 最下面嗰層就係雙皮奶 每一啖都好有層次💕

3月3號 (星期五), 咁啱係旺角經過呢間舖, 諗住買碗外賣糖水試吓, 點知貼錢買難受.Order完之後, 大約幾分鐘, 就拎咗外賣, 見佢用紙袋裝住, 諗住都幾環保啦 (好過用膠袋), 點知就係惡夢嘅開始.拎完外賣, 我托住個紙袋底嚟拎, 因為我怕個紙袋揈揈吓, 唔穩陣, 而且怕糖水會係蓋與腕中間漏出嚟.咁跟住就行去地鐵站 (銀行中心出口, 旺角站E出口), 路程都近, 點知行到去地鐵站, 開始覺得隻手濕濕地, 最後落到月台, 連紙袋都爛埋 (有相為證), 咁我就即刻影相,  再立刻經Instagram send 個message 俾間鋪, 同佢講過碗糖水個碗底漏糖水. 我check 個, 蓋同碗之間無糖水漏出, 係係個碗底滲出嚟.成程車到返屋企都勁尷尬同麻煩.返到屋企, 要即刻搵個碗裝住d糖水.最後店家的Instagram咩都無回覆, 淨係係兩日後 (即3月5號 星期) 已讀不回.有圖有真相, 大家買外賣就小心啦.

同朋友係旺角波鞋街行到攰攰地，就打算搵個地方坐低飲杯嘢順便休息一下，見到有間以杏仁為主題的甜品店，裝修典雅，與一般甜品店截然不同，所以就決定在這休息一下。甜品選擇頗多元化，總有一款適合你。我同朋友分別叫咗：🍧芒椰木蓮凍必試的招牌甜品之一，木蓮味道似涼粉/仙草，口感清爽，配著芒果肉、爽冰、椰青啫喱及迷你芋圓，材料豐富，微糖感覺更健康。🍧椰皇湯圓燉雙皮奶（配杏汁）朋友點的椰皇燉雙皮奶，椰皇清甜，雙皮奶充滿奶香，杏仁汁香濃，加配一起超夾，再加花生湯圓，皮薄餡多。朋东想食桃膠，所以再另加一份桃膠，咁都幾好，可以自己配搭餡料