Video
Introduction
The store is white in color and those floral decoration is creating an elegant environment. The food is exquisite and very IG-able, the restaurant offers a variety of salad, pasta and steak which is suitable for friends gathering.
continue reading
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
About Reward Scheme
Offers
前兩日襯放假🏖帶奶奶去左屋企附近嘅餐廳食午餐🌻🌹奶奶見餐廳好靚，成個小朋友友咁開心🥳呢間餐廳主打宮庭華麗嘅感覺🥰每一個位置都適合打卡📷有設室內同室外位,臨近聖誕 ,店舖都增添左聖誕裝飾,充滿氣氛🎄我地今次揀左坐室內，周圍好多花嘅擺設，令人感覺療愈🥰我地點左兩份set lunch,包餐湯、餐飲同主食，一份$100左右，咁靚嘅環境真係幾抵食🤤🤤全日早餐呢個全日早餐誠意十足,全部食材都新鮮及用心製作，而且擺盤精緻又美觀，最鍾意佢地塊麵包同蕃茄😋牛肝菌豬肋肉意大利飯上到枱香噴噴熱辣辣，豬肋肉煮到好腍好嫩👍牛肝菌好香，令成個意大利飯更加惹味😋😋奶奶第一次食都覺得正🥳🥳📍INN - I’m Not Nothing (裕民坊YM²) (觀塘)觀塘協和街33號裕民坊YM² 2樓205號舖#宮廷風 #打卡餐廳 #美食推介 #人氣美食 #觀塘美食 #裕民坊 #環境優美 #foodie日記 #香港探店 #yummy #nice #relax #相機食先 #聖誕燈飾 #kwuntung #foodie #chill
continue reading
呢間喺裕民坊嘅宮殿風餐廳💒，都開業咗好一段日子。對上一次都係聖誕節嚟食飯，佢哋每年都會擺聖誕樹🎄、紅色聖誕花同閃閃嘅裝飾，無論坐室內定室外都咁有格調🌹，啱晒約好姊妹嚟嘆返個有質素嘅Dinner🍽️！Set Dinner 有6個選擇，+$38有餐湯同包$26以下嘅飲品。呢晚嘅餐湯係南瓜湯🎃。睇賣相就知整得好有心機，仲擺咗朵花點綴🌸，味道都好唔錯！🍛牛油香煎刺身帶子配蟹膏意大利飯 $188呢個飯冇嗌錯，好推介💛！估唔到帶子係用咗刺身，食落好爽口好鮮味又唔凍👍🏻，唔會有冰鮮帶子嗰種實淨嘅痴牙感。飯嘅質感都煮得啱啱好，掛汁得嚟唔會太濕，食到好濃郁嘅菇菌味🍄；反而蟹膏就唔係好食出喇，但整體都好好味嘅😋。🍝香蒜鮮大蜆扁意粉 $168呢個香蒜味嘅意粉好夠熱，入口嗰下有種微微茶澀感？我諗係啲香料嘅味。蜆嘅數量都唔少，雖然細細隻但都有啲爆汁，味道不過不失👌🏻。🕵🏻: 建議個麵多返啲汁，個蒜蓉味再出啲會更加好。🍹士多啤梨藍莓奶昔 +$24呢度嘅Smoothie係招牌飲品，所以都加錢追加咗杯。揀咗士多啤梨味🍓，成個感覺Refreshing啲冇咁滯。飲到尾其實都唔會好甜，仲係質感綿密但又好易飲嘅口感，係幾好飲😋！🍹Iced Lemon Tea呢度上菜速度好快，不過張二人枱好細張🥶，上完餐湯上意粉，發現唔係好夠位再擺其他嘢，會有啲趕進度咁食🥺。不過整體呢度感覺都良好嘅，坐室內好暖，環境都舒服👌🏻。
continue reading
之前成日都想黎試呢間西餐廳㗎啦，因為佢都幾出名，除咗嘢食好食之外，佢而家仲有好多聖誕裝飾添 🌲 好有節日氣氛🤩 又有聖誕樹又有聖誕花🌹 佢仲有分咗室內同室外嘅座位，我就揀咗室外坐啦，最近天氣涼涼哋喺戶外食嘅好舒服同埋氣氛比較輕鬆啲😌法式香草牛油焗田螺配蒜蓉法包 𝐸𝑠𝑐𝑎𝑟𝑔𝑜𝑡 𝑏𝑜𝑢𝑟𝑔𝑢𝑖𝑔𝑛𝑜𝑛𝑛𝑒 𝑚𝑎𝑠ℎ𝑒𝑑 𝑝𝑜𝑡𝑎𝑡𝑜, 𝑔𝑎𝑟𝑙𝑖𝑐 𝑏𝑟𝑒𝑎𝑑 🥖Starter方面佢已經有好多好吸引嘅選擇，全部都好想試😍 最尾揀咗呢個法式焗田螺😋 賣相已經好吸引😌 好鍾意佢嘅焗薯蓉，好香滑香口，忍唔住食飯食吓就食晒啦😍 田螺已經幫你除咗殼啦，方便你食👍 佢嘅法包都整得好出色👏牛油香煎刺身帶子配蟹膏意大利飯 𝑆𝑒𝑎𝑟𝑒𝑑 𝑠𝑐𝑎𝑙𝑙𝑜𝑝 𝑐𝑟𝑎𝑏 𝑝𝑎𝑡𝑒 𝑟𝑖𝑠𝑜𝑡𝑡𝑜 𝑤𝑖𝑡ℎ 𝐻𝑜𝑘𝑘𝑎𝑖𝑑𝑜 𝑠𝑐𝑎𝑙𝑙𝑜𝑝, 𝑝𝑎𝑟𝑚𝑒𝑠𝑎𝑛 𝑐ℎ𝑒𝑒𝑠𝑒 🍥主食方面揀咗意大利飯，呢個比較特色，用咗牛油嚟煎香刺身帶子，帶出帶子嘅香味，蟹膏味唔會太濃，不過令到意大利飯個質感比較creamy啲，值得推介 🙌西班牙黑毛豬鞍架配牛肝菌忌廉汁 𝐺𝑟𝑖𝑙𝑙𝑒𝑑 𝑆𝑝𝑎𝑛𝑖𝑠ℎ 𝐼𝑏𝑒𝑟𝑖𝑐𝑜 𝑝𝑜𝑟𝑘 𝑟𝑎𝑐𝑘 𝑤𝑖𝑡ℎ 𝑝𝑜𝑟𝑐𝑖𝑛𝑖 𝑐𝑟𝑒𝑎𝑚 𝑠𝑎𝑢𝑐𝑒 🐷 另一個主食就揀咗西班牙黑毛豬鞍架😇 肉質非常之嫩，要推介係佢嘅牛肝菌忌廉汁，整得好出色，襯托着西班牙豬鞍一流😙梳打水 🍸飲品方面就試咗佢嘅梳打水，比較清甜少少😊抹茶 𝐿𝑎𝑡𝑡𝑒 🍵另外都試咗佢嘅熱抹茶latte，一樣咁好飲，唔會太甜😉
continue reading
1 法式紅洒懀牛面頰肉意大利飯$168.02 + $38.0 餐湯 @$38.0 $76.01 蜜糖芥末籽燒澳洲豬鞁架配烤菠蘿$248.01 凍檸檬茶1 香蕉朱古力奶昔$24.0總額$516.0這間餐廳法式紅酒懀牛面頰肉意大利飯好好食，牛肉鬆軟、好有口感、好多肉汁、意大利飯好好食，蜜糖芥末籽燒澳洲豬鞍架配烤菠蘿好好食、肉質鬆軟、配蜜糖芥末籽絕配好好食、一入口好有口感，菠蘿好甜，凍檸茶好好飲，香蕉朱古力奶昔好好飲、好有層次，香蕉和朱古力好絕配，一試難忘，食物好好食，打卡位有好多好靚花花，我推介這間餐廳，值得去試
continue reading
INN - I’m Not Nothing今次要介紹觀塘裕民坊YM² 2樓一間西餐廳叫「INN - I’m Not Nothing」，餐廳裝修好有宮殿feel，週圍都有好多佈置嘅花，男仔入嚟食野有少少尷尬，室內位輪椅人士唔係好方便，我就坐喺戶外位，店員立即幫我開著三把大風扇，雖然好細心，但吹到頭到痛埋，食物都易d凍哂，最後我叫店員熄一把大風扇，唔需要三把咁多，服務態度非常好，超唔錯！1.紅酒燴牛肋條意大利飯$138+是日餐湯（南瓜湯）+Chocolate $19（跟餐半價）（8.5/10）呢碟紅酒燴牛肋條意大利飯個飯粒粒分明，牛肋條就有3舊，肥瘦分明，肉質算唔硬，牛味好濃，同紅酒汁好夾，整體算好味！是日餐湯係南瓜忌廉湯，南瓜湯比濃稠，南瓜味香濃好出，好飲！chocolate朱古力：chocolate比較苦，飲完有甘甜味喺口腔，幾好飲，跟餐有半價，原價要$38！2.煎焗陶瓷豬肉眼配白胡椒忌廉汁$148+是日餐湯（南瓜湯）+Latte $19（跟餐半價）（9/10）呢碟煎焗陶瓷豬肉眼配白胡椒忌廉汁個豬肉眼好厚好大塊，唔好以為會好硬好嚡，食落口都幾軟淋，仲會咬到白胡椒粒，豬肉眼下面就係薯蓉，薯蓉好香，仲有翠玉瓜同菜心，好唔錯！是日餐湯係南瓜忌廉湯，南瓜湯比濃稠，南瓜味香濃好出，好飲！latte咖啡：咖啡香濃，比較苦少少，奶泡感唔夠，跟餐有半價，原價要$38！2人總共價錢$356，有加一服務費！個人口味總評分：8.75/10@inn.imnotnothing地址：觀塘協和街33號裕民坊YM² 2樓205號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#INN #觀塘 #觀塘好去處 #觀塘美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
continue reading