Supreme Steak & Grill

Open Now

Now Closed

3人光顧，叫左2份安格斯牛扒，1份封門柳，後者剔左要7成，但侍應送尼話3成，佢話咁拎入廚房再煎下佢囉，無講唔好意思，剩係拎住張單指住話依到印左出尼係咁寫。但切開成塊都依然係3-5成既效果，隻碟充滿血水，有啲部份顏色同質感，甚至同街市勾喺到賣血淋淋既肉差唔多。薯條都只係普通課色，唔算難食既，但依餐絕對唔會令人覺得好食，同埋話限時90分鐘，薯條可以任添，但坐左60分鐘，侍應就收哂我地所有碟同刀叉，咁都唔好意思繼續坐啦。包一杯熱飲/汽水，無餐湯無餐包，$190一份，值唔值見仁見智。

母親節想食下西餐增加少少儀式感，而附近西餐廳都坐滿人，陰差陽錯嚟咗呢一間Supreme Steak每人叫一個套餐，套餐包90分鐘任食薯條同埋一罐可樂或者熱咖啡，其他飲品就加$10。 日本A5西冷牛扒（$280），原價$450，如果叫晚市套餐就可以優惠價加配，牛肉嘅味道還好，但係脂肪分佈不太平均，有一半食落去好靭，同埋都真係幾細塊，男士未必夠飽，薯條就略略好過麥當勞少少🤏，只能夠話一分錢一分貨。烤比目魚扒（$170），魚肉熟度掌握得啱啱好，而且夠厚又嫩滑，不過有少少腥，唔知係咪融雪做得唔太好？同埋青醬真心一般，會寧願點豉油食。開頭都見到食評話服務態度唔太好，有少少擔心，而食飯嘅過程中其實感到服務員態度良好，入嚟見到我拎住袋有提供凳仔俾我放袋👍，見我哋薯條食得7788又問我哋要唔要refill👍整體嚟講，如果你好鍾意食薯條可以考慮呢一間

下雨天覓食，走著走著突然想吃牛扒，牛魔王吃牛扒，想吃就吃，所以立刻找到這家牛扒店🤩門口看沒什麼人，但深水埗附近應該就只有這家牛扒店了，所以思考了幾秒就進去了店員服務挺好，幾有禮貌，老闆也挺nice，因為後來有位客人坐在圖4的位置，但那個位置比較靠近門，客人出入可能會弄到他，老闆非常熱心的提醒他坐前一點，以免門撞到他，好久沒有見過這麼細心的服務了👍🏻餐單上的食物不少，都是我喜歡的類型，但我那天一定要吃牛扒，所以不用思考就點了美國頂級西冷牛扒200克，熱檸茶（as usual）。1. 美國頂級西冷牛扒200克一上菜就聞到非常濃郁的炭香味，還有grillmark！這價錢有這水平叫不錯了！我點的5成熟剛剛好，不韌不硬，可以耶～🤩2. 薯條薯仔愛好者看見薯條任食是毫無抵抗力的🤣這薯條不過不失，跟表現好的麥當勞差不多（對！有表現非常差的麥當勞的），脆口鹽足3. 熱檸茶就是非常難出錯，檸檬夠酸就行，不過薯條任食的話，檸檬茶可以續杯就更好，因為吃到第二盤薯條我就不夠喝了🥹這店不錯，但不知為何沒什麼人，又在附近突然想吃牛扒一定再幫親這店！

為左呢間餐單第一次打食評。叫左一份眼肉200g /$190同一份紅燒鮑魚磨菇意粉$145。selling point 只係得薯條任食，不過薯條無薯仔味，仲有陣油味👎🏽refill 一次，第二次既份量只有三分二。另外鮑魚磨菇意粉仲差，磨菇同鮑魚都係罐頭質素，蒜蓉都係罐頭野，其實$145 想要求有新鮮既磨菇同蒜蓉絕對唔過分，汁得個咸味，同罐頭蒜蓉味，完全唔值。肉眼就唔上唔落，其實真係貴在個任食薯條，如果無任食薯條，塊扒真係只值比佢$100 蚊。真係唔值呢個價位，仲要係深水埗。

最近好想食牛扒薯條，睇完關注組谷友介紹後就趁生日約埋朋友一齊去食盡佢🥩🍟安格斯級封門柳 200g🐂🥩🍟$190呢度薯條係90分鐘任食既，有啲似中環某牛扒薯條任食名店😋呢度冇加一仲包一杯野飲，有五款可選，唔岩飲仲可以加錢揀其他飲品🥤我揀左五成熟既封門柳200g，上碟見到大大舊十分滿足🤤牛魔王必食👍🏻封門柳特質肉味濃郁，較肉眼有咬口，如果喜歡肉質較淋既朋友就要留意啦❗️薯條就係90分鐘任食既，當日都比較多人，店員忙於應對，所以落單都要少少時間🕑不過最後我地都叫左三輪薯條🍟🍟🍟最後我地都捧任個肚走🤤😋餐廳資料：Supreme Steak & Grill (深水埗)深水埗福榮街161號永邦樓地舖

朋友Book左呢間話有任食薯條約我食一入門口cashier個女侍應就態度麻麻, 坐落都算乾淨舒服同朋友都一樣叫左5成熟既安格斯肋眼扒正正常常肉味都濃有少少筋同脂肪,有90分鐘任食薯條,係幼薯條黎都好脆係幾好食既夠曬熱,$190仲包左個汽水另外叫左個小食-鹽燒牛舌(厚切)就唔得啦,完全係茶記牛俐質素,唔值$60咁貴本身仲想叫tiramisu試,但話冇貨男侍應服務態度對比門口個女侍應係非常之好,過黎執野仲主動問我地仲要唔要添薯條整體黎講係OK好食既,埋單$220都唔平,最推薦係個薯條

成件事係因為外置SSD突然暴斃🫠係臨急臨忙之下zip時間去深水埗買而本身冇諗住食野嘅情況下我媽叫我點都要去試下哩間扒房🥹因為冇做任何research嘅關係😂所以入到餐廳先慢慢睇網上啲人主要食邊款扒🤡本身想試最貴嘅澳洲M7和牛里脊🥹但見到實在太多人叫封門柳🤗而且成個openrice勁多正評🤡本身都諗係咪真呀🙈所以決定跟大隊try try老實講..上枱見到件扒第一感覺又唔似好味到咁🤡可能係表面冇乜超級Grill嘅顏色😂直到將件扒切開唯止😂都未有好太驚喜😂原本我揀3成但我個人覺得似5成😂不過唔係7成我完全可以接受😈(可能係我眼光唔準😂)點知當我冇好大期望嘅情況吓食🙈驚喜先出黎😝🥴認真佢嘅grill味超級香🥹睇樣完全唔似有grill過🤭加上封門柳哩個部位好難差🙈一定肉味濃而且夠淋😂(但唔係鬆肉粉乸到冇哂口感個啲🤭)而沙津上枱雖然睇落比較乾🙈但要讚嘅係完全搵唔到生銹或姐蟲蛀嘅菜🙈加上完全冇加一嘅情況下🤭我絕對會返兜試埋另外嗰幾款扒🙈PS大家想食記得唔好4pm先黎..我哩次咁岩見到有人黎到摸門釘🥲🥲

今日喺深水埗有appointment，如果唔係其實都會好少嚟到呢一區。我印象係深水埗全部都係茶餐廳冇咩邊間餐廳乾淨企理坐得舒服(你當我唔識嘢啦)所以黎之前都專登搵定間餐廳食晚飯。我哋八點到達，已經安排好座位，個男侍應（唔知係咪老闆）服務態度非常好，我哋點咗最signature既兩款牛扒各一，兩款都非常唔錯$190真係好抵！另外薯條都任裝，我哋refill嘅時候個男侍應態度非常殷勤。以呢個價錢食到呢個質素服務態度又唔錯，而且地方乾淨企理，我覺得大家應該要支持吓香港呢啲小店，如果唔係經營唔住就會好快拜拜

嚟到深水埗，又想食牛扒，於是乎搵到呢間任食薯條嘅扒房，但係薯條不是重點，牛扒先係重點！賣點係90分鐘任食薯條！叫套餐包汽水/熱咖啡。但我係為咗牛扒而來牛扒有3款，另有魚、豬、羊、和牛漢堡同意粉，都可以滿足到唔食牛又好鍾意食薯條嘅人。封門柳比較少食到，一定要試吓。安格斯級封門柳5成熟：⭐️⭐️⭐️⭐️肉質非常之濃，切開嘅時候好多肉汁流出嚟，五成嚟講有少少生，所以見到肉汁流出嚟都係鮮紅色。M7 和牛里脊5成熟：⭐️⭐️⭐️⭐️因為牛扒比較薄，五成熟嚟講啱啱好，肉汁多。鹽燒牛舌：⭐️⭐️⭐️呢個係厚牛舌，夠爽口，略嫌有少少臊味。個醬汁係牛扒嘅醬汁。薯條可以refill，食完叫侍應refill就可以薯條沾牛扒汁食都好好食。呢度雖然主打任食薯條，但我覺得主角係牛扒，牛扒比薯條好味

見到朋友生日,加上佢係薯條控, 見到大大隻90分鐘任食, 但實際不似預期, 其一菲藉服務員態度怠慢, 仲話無得refill, 令壽星仔火都嚟埋, 幸好一位戴白色眼鏡的叔叔解圍, 令我對朋友生日安排感到十分尷尬.......如果無得refill, 又或者人手不足, 建議不如改餐牌至於食物方面, 我哋叫咗medium rare的封門柳及肉眼扒, 我比較推薦大家要試下佢的封門柳, 肉質夠冧, 十分嫩滑, $190又不需加一, 但份量約8oz, 男士未必夠食, 但仍不妨一試, 肉眼扒有根比較um, 脂肪相對較多, 唔叫也不可惜！其實, 明白牛肉價錢上升, 但如果服務態度改善, 份量建議可以分8oz、10oz或12oz, 一定會有更多人幫襯

性價比高嘅牛扒店＋90分鐘任食薯條今日嚟到深水埗試呢間平民扒房。選擇不多，主打牛扒，意粉都只有1款。試咗安格斯肋眼扒，封門柳，鮑魚磨菇扁意粉，每樣都配一大杯幼薯條。Ribeye： 5成熟，同平時出面食嘅差不多， 不過不失。封門柳： 5成熟，脂肪比例比較少 ，肉味濃，柔軟而有彈性， 唔會韌。👍🏻鮑魚磨菇扁意粉： 鮑魚似平時嗰啲罐頭鮑魚，個汁感覺上都好中式，味道ok。薯條：有90分鐘無限refill，屬幼薯條，食到底都好脆嘅👍🏻

晚餐90mins薯條任食 好岩薯條控既我！每次refill薯條都係熱辣辣好食！2人我地叫左個厚切牛舌 封門柳3成熟 同 西冷牛扒5成熟 牛舌好香值得推介！ 2塊牛都好有肉味好林好香！ 性價比高！

有一晚無意中路過，見到Openrice同Google評價唔差，重點係可以任食薯條，啱哂中意食炸野嘅兩個薯怪😏搵左個星期四晚上六點零嚟到，雖然當時只有兩三枱客人，但原來大概有8成半嘅座位已經比人BOOK左😯。晚上7點半左右已經滿座，完全唔似某D人講香港經濟差、夜晚少人出街食飯嘅感覺😅。安格斯級封門柳200g(五成熟) $190、肉眼扒200g (五成熟) $190兩款扒上枱果陣都好有碳燒香封門柳肉質軟淋、多汁、肉味較濃、但牛味一般，我自己買2kg US封門柳切出嚟嘅牛扒會比佢更好😅。後者賣相靚仔，不過熟度近乎七成，肉質明顯比封門柳實少少、肉味亦淡少少，食到肥膏位就牛味會重DD。由於牛扒分量唔算多，所以餐廳有個賣點，晚餐時段90分鐘內任食薯條🤤。跟主菜一齊上果兜薯條最滿，之後追加果D少超碼一半量，而且一次比一次少，最後得番1/4兜，感覺唔太良好，所以都無再追加了🙈，我地兩個共追加左三次。薯條係M記果D幼薯條，薯味偏淡，不過勝在新鮮炸出嚟，外酥脆內熱😍，而且唔會灑鹽，中意唔太食鹹味嘅我😌 留意番由於每次都係即炸出嚟，所以要等一陣先送上枱。每個餐都包1款飲品，我見在場人士大部分都叫汽水，由於自

🥩Supreme Steak&Grill安格斯級封門柳真係肉味濃～依個價錢真係值得一Try😜小編就好滿意·覺得都幾抵食～5成熟入口咬落好香肉味🤤肉嫩唔會好un👍推介觀眾黎到要試安格斯級肋眼牛排肉味雖然無封門柳咁濃但亦都唔差架😜同埋跟左兜類似調過既黑椒汁～同肋眼牛排幾夾👏盛惠💰$4xx好味指數(7級最佳)▁ ▂ ▃ ▄ ▅ ▆ ▇—————————————————☻非專業食評·純個人口味☻—————————————————📍總結:總結一定會再黎～抵食扒房～最最最緊要係個任食薯條🍟走鹽～薯味香～條條脆口～越食越想食😆薯條迷依度岩哂你🤣真心唔算好貴～扒有水準～推薦😉

今晚依間係特登上網搵出嚟嘅小店～ 吹捧到個牛係好好味～餐廳環境氣氛都還好 職員態度都OK 👍🏻👍🏻因為有任食薯條，所以都食咗幾次反而我覺得牛既份量唔夠食可能主打系薯條？但我會覺得個價錢上有啲貴😮‍💨😮‍💨😮‍💨個牛又唔係唔好食嘅，一般水準