Video
Opening Hours
Today
12:00 - 21:30
Mon - Sun
12:00 - 21:30
Public Holiday
12:00 - 21:30
Public Holiday Eve
12:00 - 21:30
Above information is for reference only. Please check details with the restaurant.
最近三一餃子出咗新嘢🤪個名好搞笑 叫 “今次大鍋啦” (餃子鍋物)🤣另外佢哋仲做緊一個餃子酒場嘅promotion一路飲酒一路食餃😎價錢都幾抵~喺社交平台度share 仲可以以$1購買一小杯清酒🤭史努比就唔飲酒啦 而媽咪👩🏻都唔系好飲所以就嗌一小杯算🤣🔸清酒 $1只要同店員selfie然後po IG就有雖然唔大杯 但都系抵抵抵🤣.🔸冷萃綠茶 $9🔸凍豆漿 $9飲品方面價錢合理 而且都夠大杯不過唔系咩特別嘢就唔詳寫啦~味道正常唔錯嘅🫶🏿枱面有提供醋同辣醬辣醬系麻辣嚟~都幾辣下🤣不過其實本身餃子已經好夠味 所以最後我哋都冇額外點醬🤭👍🏿今次大鍋啦——餃子鍋物 $68餃子熱辣辣 嚟到嘅時候湯仲滾緊🤪小心啲好易焫親個嘴😂可以揀招牌或者系蒜芯餃我哋本身諗住揀咗蒜芯 但落錯order揀咗招牌🤧算啦照食🤣不過可能因為鍋物長期以熱湯煮嘅關係餃皮比較淋身 史努比始終鍾意煙韌帶咬口嗰種但佢好滑😂滑到可以一啖啜落肚嗰種😳招牌應該就系韮菜蝦皮豬肉餃餡料雖然未算好飽滿 但味道唔錯~食落有豬肉香🥰韮菜冇搶過肉嘅甜味 食落有菜嘅口感唔會好油膩😆不過韮菜味相對就唔太明顯 鍾意好濃韮菜味餃子嘅話呢款未必系你杯茶但史努比覺得佢唔錯嘅🤭加上個湯清甜又唔油 配搭餃子實在一流😋食食下發現佢帶好輕微嘅辣味 如果冬天都出就好啦🤣叫得自己做鍋物當然唔少得火鍋配料🤪本身個鍋會附送豆腐 鴻喜菇同芽菜等等嘅蔬菜豆腐非常之滑 啜入口就吞得😎主要系個湯好飲 蔬菜索晒湯嘅精華食落點會唔好食😚另外加錢仲有以下配料👇🏿+溫泉蛋(+$9) 生熟程度啱啱好❤️雖然唔系好靚嗰啲日本蛋 但食到蛋黃嘅香味😋+竹輪(+$6) 好典型嘅日式竹輪 味道適中唔會太鹹👍🏿+芋絲(+$4) 必加!! 䈮篛咁嘅質感 爽口又掛湯🤤味道: 8/10性價比: 7.5/10👍🏿餃子大阪燒(雙拼蒜芯豬肉) $58(+$4)史努比未去食嘅時候望過下呢個都算系佢哋嘅signature之一🤪總共有8隻餃子 一半招牌一半蒜芯用咗冰花煎餃嘅方式 淋上燒汁 蛋黃醬同木魚碎成件事即刻好日式🤣煎餃意外地香脆😳第一啖咬開有汁爆出嚟🤤食落juicy得嚟但唔會話好greasy 有少驚喜!本身驚配搭大阪燒醬汁會唔會唔夾點知turns out基本上毫無違和感仲出奇地夾😂一向鍾意食湯餃多啲嘅史努比今次竟然覺得呢款煎餃更勝一籌😳推推推!!美中不足嘅系蒜芯餃嘅蒜芯唔太突出 爭咁啲爽脆口感🤏🏿可能湯餃嘅味道會更明顯🤔味道: 8.5/10性價比: 7.5/10👍🏿泡菜芝士玉子燒餃子(一半加辣醬 一半唔加)(雙拼招牌餃子貳號) $68(+$4)其實本身唔系想嗌雙拼嘅 不過scan完佢個QR code見唔到有單拼嘅選擇 就㩒咗雙拼後來先知原來單拼唔使㩒任何掣😂Anyway la~嚟到嘅時候店員會先用火槍燒燒佢 令芝士燒到半融狀態佢有提我哋有芝士要盡快食用🤣呢款有啲似鐵板燒餃子 好有韓式風味切開做到少少拉絲效果🤭芝士+蛋呢個combination就不嬲都夾嘅~不過史努比就麻麻地呢種比較硬嘅蛋硬得嚟唔夠邊爐蛋咁香😗但佢又唔系差嘅~加埋餃子呢個味道都幾特別Btw粟米餃比另一款更好食! 加咗粟米香甜爽脆而且餃子本身有啲肉汁😋配搭泡菜同韓式辣醬辣辣地咁都幾開胃雖然overall佢就唔系好好食好驚喜嗰種但幾有創意 值得一試🤣味道: 7.5/10性價比: 7/10👍🏿關東煮 $38呢個價錢嚟講算幾抵食😚有溫泉蛋 竹輪 芋絲 冬菇 蘿蔔同兩款丸類溫泉蛋同頭先嘅鍋物一樣 有蛋香😚芋絲同樣系爽脆又好食 而今次就系索咗甜甜地嘅日式醬汁🥰味道唔會太重太鹹👍🏿冬菇淋得嚟依然帶啲咬口 好食~白蘿蔔直頭炆到超級淋 但唔系一夾就散嗰種👍🏿入晒味好好食🤤竹輪就正常發揮啦 另外媽咪👩🏻話兩款丸類一般~但其他配料都好食 都系試得過嘅!味道: 8/10性價比: 8/10*不設加一服務費*Overall嘢食都幾好~第一次喺同一間店食勻港日韓三款口味嘅餃子🤣味蕾上嘅衝擊幾過癮🤪張凳打開蓋就可以擺袋 呢個design好方便 又唔怕阻到其他人👍🏿加上店員服務周到又好nice 成個用餐體驗非常良好❤️值得大家去幫襯🤭整體評分：味道: 8/10環境: 7.9/10服務: 8.5/10衛生: 8.3/10性價比: 7.5/10
continue reading
✨火焰醉雞翼醉雞翼炸得外脆內嫩 有少少肉汁上枱時會再加烈酒點火 打卡一流亦令雞翼增添多份濃酒香同焦脆感配搭柚子蜜醬汁食 幾惹味✨今次大鍋啦餃子鍋物 係春夏季推出嘅新品食材有八隻餃子 豆腐 菇同野菜 另外可加錢加配其他配料今次就加左芋絲 溫泉蛋同竹輪招牌餃子貳號 皮薄 菜肉餡清新 溫泉蛋流心程度唔錯 竹輪軟彈 芋絲爽口 份量十足 相當豐富✨煎餃雙拼揀左黑白松露豬肉餃 拼 粟米豬肉餃冰花煎餃 煎得薄脆香口 唔油膩黑白松露豬肉餃 皮薄 內餡松露味道香濃突出粟米豬肉餃 皮薄肉餡鮮味 粟米清甜✨日本清酒二段酵母仕込餐廳以餃子酒場為概念每位光顧嘅客人都會送一杯清酒醇厚甘甜 好易入口 總結：餃子煮法配搭 創新有特色 環境唔錯 座位空間感唔錯 服務唔錯 價錢可以
continue reading
最近天氣又熱又焗🥵🔥胃口唔係太好嘅時候就最適合食啲輕食，例如餃子🥟！所以今次就嚟到三一餃子開餐啦😋之前已經喺中環分店食過一次，所以今次返嚟再食多次～#冰花炒手💰$58顧名思義，就係餃子x炒手🤣餃子上面有蔥花、蒜粒🧄同埋紅油。可能我自己都係鍾意傳統啲嘅食法，即係點豉油之類嘅醬，所以我覺得呢個冰花炒手雖然幾特別，但下次未必會特別想encore。不過都好食嘅～所以一試無妨😋#韭菜蝦皮豬肉餃 (10隻)💰$52呢個煎餃🥟十分好味🥹首先餃子嘅皮非常薄，然後嗰底煎得好脆，但入面嘅餡依然非常juicy多汁💦豬肉亦都絞得好好，唔會有筋攝🦷，最重要係入口仲係熱辣辣🔥食嘅時候要小心啊～環境方面，旺角鋪頭比較大同埋坐得都算舒服，牆上面有唔少應援物同埋設計特別嘅海報。整體嚟講，係唔錯嘅體驗同埋會再再encore😆
continue reading
作為一個餃子控，夜晚一諗唔到食咩好就會想食湯餃。係旺角搵到呢間專食餃子嘅舖頭，拿拿聲就走去試吓！同朋友一人一碗雙拼就可以試4款餡，今次試咗1. 黑白松露豬肉2. 莞茜豬肉3. 蒜芯豬肉4. 粟米豬肉只能夠講每一粒都咁好食，因為個豬肉餡本身已經好夠味，所以撈乜都咁好食，欣賞佢有咁多款可以揀，仲要有莞茜揀實在太令人喜出望外😂作為湯餃其次重要嘅就係個湯底，個豬骨湯好白雪雪，飲落好清新，飲得出無落味精，唔會太濃搶晒餃子味道。最得意係佢呢間餐廳係有清酒飲，個日一坐底店員就送咗一人一杯清酒。仲可以比錢叫職員陪飲好盞鬼😂見佢煎餃其實都好有特色，不過想食清淡啲淨係試咗湯餃，有機會再試佢其他類嘅食物🤤
continue reading
雙拼湯餃 $52/10隻皮薄餡靚，個皮好滑👍🏻薄得黎唔易穿，讚！個豬骨湯底好好飲，無味精，小編食完餃子都清埋個湯底😋- 黑白松露豬肉餃有清香嘅松露味，唔算好濃味- 韭黃墨魚醉雞餃小編同朋友一食落口，食唔到雞/墨魚味，反而食到臘腸味（？），可能係佢哋mix埋嘅化學作用😂食第一粒會覺得怪怪地，但第二粒有心理準備就覺得幾得意，越食越上癮😂😂😂可能因為有墨魚，所以餃子本人都彈牙啲👍🏻泡菜芝士玉子燒餃子$68/10隻可以揀有一半辣醬/全部辣醬/走辣小編揀咗一半辣醬，同行唔食得辣嘅人都可以享受👍🏻送上枱之後，店員會用火槍輕輕燒一燒芝士令佢變脆口🧀味道同想像一樣，冇太特別，小編鍾意湯餃多少少姐🤭每人送一杯清酒🍶同泡菜芝士玉子燒一齊食真心正最後要大推小店辣椒醬！！！🌶️🌶️🌶️有好多辣椒碎同籽，仲有花椒既麻😍但係唔食得辣既要小心啊，因為真係好辣架🤭結論店主好用心搞餐廳（Menu設計、店舖裝修等），小編下次再黎會食湯餃❤️ 同試下煎餃
continue reading
You may be interested in