十下火鍋

永光中心多野食係人都知我都係無意中發現呢間十下十下十下既親切又搞笑既名就引左我地黎～黎到先知呢度叫十下，但已經改唔到口了～！一入到門口，就有強勁既音樂雖然一開始覺得有D嘈不過最後首首都跟住唱（暴露年齡）我地點左個二人套餐，每位盛惠$288原本想試下鴛鴦鍋～咁我就可以食下四川麻辣，又可以試試胡椒豬肚可惜感冒初起，唔敢博得太盡，試嚐胡椒豬肚湯就夠了～先在醬料架上自行調味胡椒豬肚湯 先呷一啖湯底胡椒味都好濃烈飲完一啖成個身都暖起黎～而且豬肚嘅份量十分多 食極都仲有豬肚真係正啦！！！大刀手切牛（細 ）有別於肥牛，手切牛嘅脂肪較少，肉味都較濃即使烚耐咗少少都唔會覺得"鞋"花雕雞肉 最期待係呢款花雕雞肉～除咗用上花雕酒去醃製，仲有杞子！！！所以當呢個花雕雞肉加落個窩入面，酒精縱然揮發左但仍有餘香，同上杞子香味一併加入咗個窩度個湯底會好味好多而雞肉烚完之後仍然有淡淡嘅花雕香氣～果皮魚蛋10粒 有朋友知道我呢十下推薦我一定要嚟食 呢個果皮魚蛋 魚蛋雖然細細粒但係佢十分彈牙同實在好重嘅果皮味道好有舊時串魚旦嘅感覺～流心粟米丸4粒 流心粟米丸味道較甜 雖然我好鍾意食粟米但呢粒丸既感覺似係日本罐裝即飲粟米湯