餃掂手工餃子雲吞專門店

同友人經開灣仔，突然想食餃子。Openrice 搵到呢間出名的餃子店。一睇餐牌點左呢度出名松茸餃。我哋嗌左黑松露 同埋白松茸兩款鴛鴦餃子。首先試吓呢個黑松露餃，一咬落去肉汁鮮嫩，配以濃濃嘅黑松露，crossover得來嗰味好夾，好有驚喜。白松露就比較清新，感覺好健康。不得不提呢個狀元九鼎湯，用九種材料熬製而成，細問店員之下完全冇落味精，配以鴛鴦餃，好有田園人家的感覺。食完湯餃，就試一試呢個元貝煎餃。每一啖都有濃郁嘅乾瑤柱味，用料一啲都唔馬虎。除咗餃子，裏面嘅小食都唔錯。尤其呢個黃金原味皮蛋，蛋味濃郁，配以浙醋+辣椒油，既醒胃又有口感。四川撈麵有好多嘅花生碎青瓜，加上麻辣醬同芝麻醬，很有特色。總括而言，呢間餃子小店帶俾人好多喜出望外的感覺，不妨一試。