捌加廿陸天婦羅居酒屋

Open Now

Now Closed

忽然間掛住日本嘅味道，趁住今晚早咗收工，所以就同朋友嚟咗呢間天丼食晚飯喇。雖然早咗嚟，但係都已經有唔少人排隊！無論喺門面嘅燈罩，定係舖頭入面日色吧檯嘅格局，都顯得成間舖好有日本特色。自選天婦羅丼穴子超長超大塊，肉質幾滑；廣島蠔好大隻，食落唔腥，幾易入口；黑虎蝦蝦肉好滑，好夠蝦味，食落每一啖都好滿足；每一條金菇都炸到好爽脆，口感好豐富；蓮藕都係幾爽口。海鮮天丼同自選丼一樣都揀咗黑虎蝦；帆立貝大大隻，都幾juicy；第一次食那歌魚，質地有啲似魚蛋，幾香口；本菇幾有香菇味，幾爽口；紫菜炸得好爽口。雞皮餃子塊皮真係好薄，食落唔會好有罪惡感！一咬落去即刻爆汁，餡入面嘅餃子肉非常之入味，真係令人回味。磯燒鮑魚配帶子鮑魚大大隻，唔會煮得好硬，仲燒得幾入味；帶子好滑，又非常之juicy，塊炸皮一樣唔會好厚。