檀島咖啡餅店 (Hennessy Road)

Open Now

Now Closed

放工約咗同事去灣仔電腦廣場買嘢，買完嘢經過檀島咖啡餅店，同事食過呢間食物唔錯，不如一齊食埋晚飯先走。餐廳屬於老字號，裝修設計也帶着懷舊風格。鴛鴦炒飯，而家好多餐廳都唔會供應，發覺這間餐廳有得食，立即叫嚟試吓，鴛鴦炒飯具有鮮艷的顏色和豐富的味道：雞絲配以番茄的鮮甜，蝦仁配白汁的香滑。蛋炒飯底粒粒分明配燴汁雙拼上桌，真的色香味俱全！干炒雞絲伊麵，大大碟份量十足，材料有雞絲、冬菇絲、韭黃，炒得夠鑊氣，伊麵加上蠔油醬汁炒得好夠味。花生醬西多士：金黃香脆的外層，內裡夾著花生醬，塗上牛油和糖漿，淡淡都滋味無窮！蛋治烘底，麵包烘得外脆內軟，夾著嫩滑的蛋，口口都充滿蛋香！紅豆冰：啖啖的紅豆香加上順滑濃郁的淡奶，超美味！咸檸七：味道甜中帶咸，冰涼清爽！