檀島咖啡餅店 (Hennessy Road)

Open Now

Now Closed

聽講呢度嘅拿破崙好出名就嗌個。❤️拿破崙餅脆，合桃香，口感實淨。加上少少忌廉，甜甜哋。見餅櫃d卷蛋大大塊幾吸引又嗌個鮮香蕉斑蘭卷蛋試下。❤️鮮香蕉斑蘭卷蛋好厚身，份量十足！👍🏻賣餅姐姐話我知係用2磅新鮮香蕉整12件卷蛋。真材實料，無添加。一入口——嗯～😍食到香蕉嘅原味，有斑蘭香，唔會好甜。香蕉同斑蘭嘅味道好夾😋。忌廉唔會好漏。唔似出面果d香蕉蛋糕食得出香味同甜味都好假，應該係落左香精。❤️蛋撻餅皮用了酥皮製，十分酥脆可口😋。蛋呈金黃色，十分吸引😍有蛋香。賣餅姐姐話原味曲奇入面有果jam餡；朱古力曲奇入面有朱古力餡。我同朋友五點左右到，去到見原味曲奇賣晒，剩返朱古力曲奇，想試都冇得試😭，惟有嗌個朱古力曲奇啦。❤️朱古力曲奇鍾意佢獨立包裝，買黎送比朋友/同事啱晒👍🏻！重有成隻手咁大塊！賣餅姐姐話我知原來餐廳樓上有工場，所有包餅都係自己出產。欣賞👍🏻不像大集團用機器大量製造。這裏的一包一餅都是師傳親手造，充滿人情味，是別處吃不到的味道。❤️鮮茄豬扒燴意粉除了鮮茄還有洋蔥。意粉軟硬適中。酸甜新鮮蕃茄為意粉添上水份。豬扒有幾塊，份量多。朋友另外嗌左雞肉腸同炸雞肶。❤️炸雞肶🍗即叫即炸，皮脆肉嫩juicy🤤。