Joyful Dessert House

Open Now

Now Closed

和男朋友係旺角食完晚飯，又黎到黑布街這個甜品天地，被這個類似Oreo logo既甜品鋪吸引左，於是入去一試，室內以簡潔裝修為主，白色既磚紋牆身配上幾幅特色旅行照，簡潔而舒適。藍莓拿破倫$58賣相好吸引，一切下去已有脆脆既聲音，一啖咬下，酥皮真係超級鬆脆，有好多層，口感似食緊好鬆脆既餅乾，我喜歡牛油味唔重因無甘油膩，配上香滑既吉士醬和雲呢拿雪糕，口感層次豐富，再加上微酸既藍莓，剛剛好中和甜膩感，這個拿破倫是視覺、聽覺和味覺既享受！沖繩黑糖Oreo芭菲$56賣相討好，份量很多，十分足料，最上層是雲呢拿雪糕，一支朱古力百力滋和原塊oreo餅做點綴，然後是好煙韌彈牙既黑糖Jelly和Cream，細細粒既黑糖Jelly好香濃和好有咬口，每一層都夾住好多Oreo碎碎，有點像食冰凍既木糠布丁，但略嫌有小小膩，如果係中層加小小香脆既栗米片就更加好，增加口感之餘又可以減小甜膩感。