Video
Read full review
2023-12-11
90 views
晚上路經油麻地，飯後想食甜品，係openrice搵到lee間店，由行入門口開始，就辣到上心口！我真係去左食甜品嗎？事情是咁的，因店家環境狹窄，四個人被指示坐在廚房門口，心諗當時無乜客，我地4人靠牆坐，佔兩台。揀好野食，見無人招呼，自行出去搵肥收銀員落單。（事先講清楚，肥只係為左形容佢，唔想令人混淆另一位高瘦有禮的員工）佢一句"QR code落單，手機比錢"就將我彈回頭。原地轉身補多句"你地點解咁樣坐，四個人坐一台，我有其他客ga"就封印左我地係間店的死角。碰到"高手"，點都要還一招"我怕阻住你地廚房出入位ma"，換來的當然係一句"唔會"。果一刻我開始有d火，想走！今時今日，乜服務態度？！為左個甜品我忍！當我地圍住張台坐好，就點野食。去到比錢果頁，又出事！要入信用卡資料，要入名，又要入電郵同電話……大佬呀, 外面好多黑客偷資料，正路唔會亂入比人地！洗濕左個頭，萬分不情願之下，選左支付寶比錢，都要入名，電話、電郵，袋住幾百蚊都無用，龍游淺水遭蝦戲……過左兩關，心諗可以舒舒服服食返餐甜品啦。等、等、等，剛好有四個半唐番入來，二話不說坐左係旁邊果兩台！又話四個坐一台的，估唔到我不犯人，人犯我！
事情是咁的，因店家環境狹窄，四個人被指示坐在廚房門口，心諗當時無乜客，我地4人靠牆坐，佔兩台。揀好野食，見無人招呼，自行出去搵肥收銀員落單。（事先講清楚，肥只係為左形容佢，唔想令人混淆另一位高瘦有禮的員工）佢一句"QR code落單，手機比錢"就將我彈回頭。原地轉身補多句"你地點解咁樣坐，四個人坐一台，我有其他客ga"就封印左我地係間店的死角。碰到"高手"，點都要還一招"我怕阻住你地廚房出入位ma"，換來的當然係一句"唔會"。果一刻我開始有d火，想走！今時今日，乜服務態度？！為左個甜品我忍！
當我地圍住張台坐好，就點野食。去到比錢果頁，又出事！要入信用卡資料，要入名，又要入電郵同電話……大佬呀, 外面好多黑客偷資料，正路唔會亂入比人地！洗濕左個頭，萬分不情願之下，選左支付寶比錢，都要入名，電話、電郵，袋住幾百蚊都無用，龍游淺水遭蝦戲……
過左兩關，心諗可以舒舒服服食返餐甜品啦。等、等、等，剛好有四個半唐番入來，二話不說坐左係旁邊果兩台！又話四個坐一台的，估唔到我不犯人，人犯我！肥收銀lee招被動技"龍門任我擺"即時令我氣結！可能見我比左錢，肉隨針板上，肥收銀再來一招"溝通唔到咪收現金"將我的怒火燃燒到最高點！人地又係唔想出賣資料，我又係，我lee d流利港東話的就被屈。點解我叫佢做肥收銀，佢真係收"銀"ga，不過隨心law, 彈出、彈入，我中意又彈出，又彈入……我真係被吹漲！甜品呀甜品，我而家個心情又辣（中左Combo）又苦（不公平對待）！我lee刻對天長嘆：幾百個like的甜品未食落嘴都有味，勁！
作為一群有品德，有教養的人。我地無謂同肥收銀對抗，由始至終我都係想食個甜品，幹嗎要得罪佢？此等人種，能三言兩語教化之？
講返個甜品，味度ok的。當糖份係我味蕾發揮作用之際，眼見肥收銀因收拾餐具之故，需要回歸廚房，但因身形關系，於另一台食客背脊再出招，"下半身全磨擦"。嘩，好在中招lee位係女士，但都不免面露難色。「我一早講左個位窄啦，無講果句係妳肥呀。」所以話，好多時你為人著想，人地未必領情。此刻，我終於完成整個沉浸式甜品體驗，個心辣完又苦，苦完又甜。
6 views
0 likes
0 comments
Post
