Joyful Dessert House

Open Now

Now Closed

1️⃣ 綠茶心太軟伴雪糕 $64綠茶心太軟暖暖地，外面脆口又唔會太乾，入面嘅流心食落有濃濃嘅綠茶味，唔會太甜！側邊嘅雪糕同紅豆就冇咩特別，多個味道同再加啲濕潤度。呢個都幾推介俾「想偶爾食甜品開心下但又唔想食太甜」嘅朋友。2️⃣ 芒果拿破崙 $64賣相真係好靚！拿破崙嘅酥皮夠脆，中間夾住啲cream同芒果，食落層次分別好有口感（旁邊仲有芒果同芒果雪糕伴碟）。但對於我嚟講真係偏甜，因為本身芒果都夠甜但啲cream更甜，真係食落有啲heavy。好多人都大讚呢個甜品好正，的確成個甜品食落口感好豐富，但對我嚟講真係太甜啦～✴️整體而言，都幾推薦綠茶心太軟！大家可以選擇買外賣返屋企食，或者預留返啲時間早啲去排啦。