十下火鍋

最近趁天氣凍返，即刻黎食呢間人人都讚既火鍋店。位於登龍街永光中心二樓，裝修懷舊，牆上掛有霓虹燈飾，枱上放有傳統既壽星公碟，藍色瓷碗，木筷子等等；餐廳仲播埋八九十年代既經典歌曲添！首先來一盤醬汁，有豉油、醋、麻油、麻醬、沙茶醬、蒜蓉、蔥花、辣椒，仲有我最愛既芫荽碎喔！寶寶就超級鍾意落蒜蓉同沙茶醬。至於湯底，我哋揀咗「火瞳花膠魚肚雞湯」。湯頭用上雞骨、金華火腿、紅棗、杞子熬成奶白色既湯，所以味道比較鹹；配埋花膠，魚肚同魚翅，仲有半隻鮮雞，非常豐富同鮮甜，火鍋之前服務員都幫我哋「筆」咗幾碗湯飲。我哋點既火鍋配料，「黃金麻吉燒」，原來係魚蛋包住麻薯；「麻辣湯包」，非常燙口，一咬落去會有好香既麻油且十分彈牙！炸魚皮就吃得多，炸魚骨就真係第一次。炸得非常脆口，點點湯底又係另一番風味。可惜響鈴就唔算脆，但掛湯力係十分強既，哈哈！海鮮方面，我哋只係簡單點咗鮑魚同蝦滑。前者好新鮮，後者加入鹹蛋黃後味道特別，質地都唔錯。仲有流心「芝士丸」同十分足料既「蟹肉蟹粉餃」，餃子皮好薄而且好重蟹膏味呀！牛肉方面，寶寶點咗「美國肥牛」，份量足夠兩個人食，大理石紋好明顯，牛肉味都重，唔錯唔錯。值得一提既係餐廳好盡責，用