Video
Read full review
2020-04-23
662 views
復活節放假，第日繼續有補假，所以去街去夜啲，食埋甜品先返屋企都無問題😜。講真，我好耐無試過正式去甜品店食甜品，因為多數都喺餐廳食埋。但呢晚食嗰間餐廳無賣甜品，所以可以轉場再戰！我哋上網搵下旺角一帶有乜甜品舖，但原來好Pure嗰種甜品店已經所剩無幾，所以我哋二話不說就揀咗甜牙牙🦷。雖然我知佢開咗好耐，但都係第一次食。由於受政府禁令影響，小店只可以坐半滿，長期都有客等緊，不過大家都唔使等好耐就入得。小店係典型甜品舖，所以座位本身都比較迫，而家反而闊落咗🙈。甜品款式勁多，由窩夫、心太軟、鬆餅、綿綿雪花冰、焦糖燉蛋、火焰雪山、西米露以至芋圓等，通通都有，花多眼亂🌸！價錢屬合理水平，偏抵食👍。冰火焦糖燉蛋($48)，材料包括燉蛋、焦糖、蛋白霜同水果。本身想要熔岩火焰雪山，但賣哂😭😭😭，唯有失望地轉食Creme Brûlée。焦糖燉蛋賣相唔算突出，但味道相當有驚喜。首先搭配嘅水果包括藍莓同芒果🥭，兩者都非常甜。第二就係個燉蛋本身好出色，唔會太甜，🥚蛋香味又夠濃郁，口感亦都唔太水、唔太實，啱啱好。一個字，正😋！提拉米蘇鬆餅層層($55)，材料包括即焗鬆餅、手指餅、咖啡甜酒、餅碎、忌廉同雪糕。Panc
我哋上網搵下旺角一帶有乜甜品舖，但原來好Pure嗰種甜品店已經所剩無幾，所以我哋二話不說就揀咗甜牙牙🦷。雖然我知佢開咗好耐，但都係第一次食。
由於受政府禁令影響，小店只可以坐半滿，長期都有客等緊，不過大家都唔使等好耐就入得。小店係典型甜品舖，所以座位本身都比較迫，而家反而闊落咗🙈。
8 views
0 likes
0 comments
甜品款式勁多，由窩夫、心太軟、鬆餅、綿綿雪花冰、焦糖燉蛋、火焰雪山、西米露以至芋圓等，通通都有，花多眼亂🌸！價錢屬合理水平，偏抵食👍。
冰火焦糖燉蛋
$48
18 views
0 likes
0 comments
冰火焦糖燉蛋($48)，材料包括燉蛋、焦糖、蛋白霜同水果。本身想要熔岩火焰雪山，但賣哂😭😭😭，唯有失望地轉食Creme Brûlée。焦糖燉蛋賣相唔算突出，但味道相當有驚喜。
冰火焦糖燉蛋
$48
8 views
0 likes
0 comments
首先搭配嘅水果包括藍莓同芒果🥭，兩者都非常甜。第二就係個燉蛋本身好出色，唔會太甜，🥚蛋香味又夠濃郁，口感亦都唔太水、唔太實，啱啱好。一個字，正😋！
提拉米蘇鬆餅層層
$55
10 views
0 likes
0 comments
提拉米蘇鬆餅層層($55)，材料包括即焗鬆餅、手指餅、咖啡甜酒、餅碎、忌廉同雪糕。Pancake同Tiramisu都係我嘅最愛❤️，所以我毫無懸念地會點呢款。
提拉米蘇鬆餅層層
$55
18 views
0 likes
0 comments
鬆餅製作需時，造型精美。🥞鬆餅果然夠鬆，厚厚的，但唔係而家好流行嗰種Fluffy疏乎厘。味道同口感反而更佳，聞落又好香。另外，鬆餅上面嘅Tiramisu亦絕不欺場，唔係用普通忌廉呃人，而係用上正宗Mascarpone Cheese搭配濃濃嘅咖啡酒加手指餅🤤。
總括嚟講，呢日食嘅兩款甜品都真心好好食，完全係意料之外😆。可能我本身對呢類港式甜品舖有偏見，覺得係粗製濫造多，點知依到係慢工出細貨！不過甜品舖今晚有部份甜品同飲品都未能供應，可能係剛剛復工嘅關係吧。我下次會再嚟食過🍮。
Post
