481
91
22
| 餐廳: | 逸東軒 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
| 餐廳: | 逸東軒 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
全新裝修的逸東軒以傳統粵式美饌聞名，每天供應各款海鮮及當令菜式，午餐時段更備多款精美點心，令人大快朵頤。
繼續閱讀
獎項殊榮
米芝蓮一星餐廳 (2017-24), 美食之最大賞 (2014)
特色
同客食飯
適合駕駛人士
適合大夥人
營業時間
今日營業
11:00 - 16:00
18:00 - 22:30
星期一至五
11:00 - 16:00
18:00 - 22:30
星期六至日
10:00 - 16:00
18:00 - 22:30
公眾假期
10:00 - 16:00
18:00 - 22:30
以上資料只供參考, 請與餐廳確認詳情
有關餐廳
餐廳告示
米芝蓮一星中菜廳逸東軒呈獻星級賀年糕點
2024-11-19
新春將至，米芝蓮一星食府逸東軒呈獻兩款經典賀年糕點，包括富貴椰汁年糕及瑤柱臘味蘿蔔糕。由逸東軒行政總廚譚棟師傅主理，逸東軒嚴選上乘材料，巧手製作傳統口味。傳統瑤柱臘味蘿蔔糕（HK$268）採用甘香惹味的臘味，加入頂級瑤柱及蝦米製成，夾雜清甜蘿蔔絲，香味四溢，口感豐富。富貴椰汁年糕（HK$248）則以清甜紅棗混入新鮮椰汁炮製，入口散發出陣陣撲鼻的椰子清香，口感軟糯煙韌，清香宜人。
賀年糕點包裝亦貫徹香港逸東酒店環保理念，採用簡約典雅的禮盒承載，減少過度包裝所造成的浪費，讓節日祝福更具環保意義。包裝設計加入象徵春天的燕子作點綴，加上寓意吉祥如意的荷花圖案，意頭十足。
除賀年糕點外，另有新春送禮必備的星級嚐味禮盒（HK$388），包括逸東軒的三款招牌美點 — 自家製XO醬、香酥琥珀合桃和頂級人參烏龍茶葉，禮盒以高貴典雅的木盒承載。品嚐星級滋味後，更可將木盒變奏成實用的糖果盒或家居儲物櫃，收納家居小物，減少送禮包裝為環境帶來的影響。
於2025年1月12日前訂購，即可享早鳥優惠：
- 瑤柱臘味蘿蔔糕 — 港幣$218（原價港幣$268）
- 富貴椰汁年糕 — 港幣$198（原價港幣$248）
- 星級嚐味禮盒 — 港幣$318（原價港幣$388）
賀年糕點領取日期：2025年1月22日至27日
所有賀年糕點及星級禮盒均可親臨逸東軒或於網上訂購 https://yattungheencnygifts.com/ 。
詳情
相關文章
食評 (693)
以往我的家人經常前往灣仔鷹君中心的「逸東軒」飲茶，因為「逸東軒」是一家出色的中菜館，而且是我長嫂的至愛。不過自從灣仔「逸東軒」遷出鷹君中心之後，即使仍有一家「逸東軒」在逸東酒店之內，但家人就沒有再前往「逸東軒」了；原因是居住在香港區的家人很少前往九龍區的食肆，長嫂已在灣仔區另覓其他酒樓食肆了。雖然我並非居住在香港區，老實說逸東酒店所處位置本人很少前往，酒店雖然是設在市中心，但除了酒店對面有一家永安百貨之外，周邊並沒有大型商場或購物地點，吸引力不大，除非特意前往該處用餐。我感覺香港逸東酒店是一間比較特別的酒店，是年青人較為喜歡的酒店之一，比一般傳統四星酒店較casual，但境藏有一間多年獲得米芝蓮一星的高品質烹飪食肆「逸東軒」✌️。終於在今年的五月和朋友到了「逸東軒」飲茶，因為這位朋於短時間內決定移民到英國😢，所以必定要在她離港前和她相聚一下，而「逸東軒」是她的選擇。 接着六月份又相約了一位中學同學敘舊，她碰巧當天在佐敦附近辦事所以我相約她再次來臨「逸東軒」飲茶🫖。「逸東軒」推出了午市$38 起($38至$85)堂食點心優惠👍，分三個時段(11:00am/12:45pm/2:30pm)，用餐時間為90分鐘，優惠點心不能享有其他折扣，朗廷卓悅會會員可享有主餐牌5%折扣。 我點的甜品杏仁茶就是在主餐牌內的，所以扣減了$8.3。因為中菜廳位於地庫二層，而且中菜廳門外位置並不太寬敞，所以大部份的客人都會在酒店的lobby等待，差不多時間才通過lobby旁的玻璃門，乘搭升降機到中菜廳入座。裝修過的「逸東軒」燈光較為柔和雅致，天花上的木條裝飾、木條黃色玻璃門及白底藍花瓷器餐具，都散發着老上海酒館的氛圍，只嫌餐廳內的樓底未夠高，以致令客人感覺不夠開陽。今天和舊同學敘舊，吃了以下的點心：~ 茶芥($28/位)茶芥價錢已包括茗茶、豆瓣醬和一碟小食前菜。 茶壺下面亦有蠟燭保持溫度。~ 蜂巢芋角($38)很乾身，入口沒有油膩感，而且用料充足。我記得老公講過，他認為如果酒樓的芋角做得出色， 那麼其他的點心 也應該會做得很好，因為芋角要做得好並不容易；最記得他 第一次在「嘉麟樓」吃芋角時就已經讚口不絕。~ 筍尖鮮蝦餃($48)用蝦膠和蝦肉填滿了整個餃， 味道和口感正正常常。~ 瑤柱菜苗餃($48)瑤柱豆苗係一個小菜，現在變成為一個菜餃，感覺健康。菜餃內有很多菜苗，入口有菜汁感覺Juicy，幾唔錯 。~ 酥皮叉燒焗餐包($48)我喜歡吃叉燒包，這個叉燒包的餡料豐富，而且有很多醬汁，我很喜歡。~芫荽蔥花帶子粒腸粉($68)腸粉皮薄，帶子粒很有鮮味， 加埋調校過嘅豉油，好吃。但我忘記拍照。~ 鮮蝦栗子百合餃($58)我看見這個名字很特別，所以大膽嘗試。第一次吃栗子餃，可惜不覺得有什麼特別，栗子變成碎粒與蝦混在一起味道不是太突出，個人感覺栗子還是大大粒，配肉類比較好吃。~ 蛋白杏仁茶湯丸($55/位)這個甜品可以護膚，如果蛋白可以再多一些就更好，湯圓內的黑芝麻餡料很香滑， 整體合格。五月歡送朋友時，吃了以下的點心：~ XO醬煎腸粉($68) 腸粉雖然煎過，但卻不覺得油膩，而口感亦很軟，不會煎過火。~ 脆皮金粟墨魚餅($58)這個墨魚餅，我覺得做得非常好， 整個墨魚餅很結實，入口夠彈牙，有驚喜。~ 蘿蔔絲酥餅($48)咬開熱辣辣，內裏的蘿蔔絲Juicy，相當唔錯。~ 茶樹珍菌腐皮卷($58) 我自己個人對腐皮卷一般般，因為感覺腐皮卷很油膩，但這裏做的卻出乎好吃，皮脆，裏面的茶樹珍菌口感軟軟的， 外脆內軟很配襯。~ 帶子燒賣($48)~ 瑤柱菜苗餃($48)~ 筍尖鮮蝦餃($38)*~ 紅豆椰汁糕($38)*不過有一些奇怪的地方，就是五月份吃的蝦餃是$38，但是六月份就變成$48？這都是我寫食評時才無意中發現的。因五月份的時候我已把餐牌拍照，所以六月份吃的時候就沒有再次拍照了。 理應電腦應該是很少出錯，未知是否蝦餃在六月份價錢整到$48？現在發現原來餐牌的點心是有少許分別的，例如鮮蝦栗子百合餃五月份的餐牌是沒有的。總的來說，「逸東軒」的點心質量頗高，特別是炸物，完全不覺油膩，吃完沒有太大的罪惡感，午市特價點心價錢親民， CP值高！比較起同樣以老上海風格裝修的半島酒店內的「嘉麟樓」，兩間中菜「嘉麟樓」及「逸東軒」都同樣獲得2017-24米芝蓮一星餐廳殊榮🌟！ 但「嘉麟樓」的消費比在「逸東軒」的消費最少貴一倍以上，即是在「逸東軒」只需付「嘉麟樓」不到一半價錢就可以享受到同等米芝蓮一星的質量，「逸東軒」的CP值頗高😍。不過，「嘉麟樓」除裝潢高貴舒適外，最貼心的是所有點心可按人頭計算，若只有二人不用吃重複點心，人多也不用擔心點心不夠每人一件。當然五星級酒店的「嘉麟樓」所收取的價錢要比「逸東軒」的貴了一大截，但是偶爾享受一下也無妨喔。若持有美國運通半島金卡的客人更可享有全單15%折扣呢！「嘉麟樓」是歷史悠久五星級酒店內的中菜廳，而且佔地面積大，裝潢陳設亦很講究，而「逸東軒」只是四星級酒店，地點和裝潢也比「嘉麟樓」遜色，給比下去也是無可厚非。 兩者的食物質素也相當符合米芝蓮一星的要求，服務質素同樣相當唔錯，餐廳侍應都會主動幫忙斟茶和加熱水等。我和舊同學選擇了不同的茶葉品種，餐廳侍應很細心，幫我們把兩壺茶都放上下面有蠟燭的架上，讓兩壺茶都能保持到熱度，值得讚賞👍。兩間中菜我都覺得非常好，適合不同人的需要。建議到逸東軒飲茶，最Perfect是四人同行，如果只有兩人，每樣點心也要吃兩件，未能試多一些其他款式，未免有些可惜；因此逸東軒出名的叉燒我也沒有試過呢！大家有興趣也不妨分別到兩間中菜試試👍👍。
繼續閱讀
逸東軒以其高質素嘅粵式料理聞名，是一間注重食材同烹調技巧嘅高級中餐廳。今次我哋嚟到逸東軒，試咗佢哋嘅幾款招牌菜式，每一道菜都展示咗廚師嘅精湛手藝同對食材嘅挑選。以下係我哋對幾道特色菜嘅詳細評價。逸東叄錦碟（米網蟹肉卷、蜜汁叉燒、話梅車厘茄）作為前菜，逸東叄錦碟展現咗食材嘅多樣性同精緻嘅擺盤。米網蟹肉卷酥脆外層包裹住鮮甜蟹肉，口感層次豐富；蜜汁叉燒嫩滑多汁，帶有濃郁嘅蜜香，甜味恰到好處；話梅車厘茄則帶有輕盈嘅酸甜味道，清新開胃，為後續嘅菜式做好咗準備。呢個拼盤係一個非常成功嘅開場，三款小食各有特色，互相襯托。🍽️🦀🍅玉環元貝煎釀鮮蟹鉗呢道菜係一次海鮮嘅雙重享受，玉環元貝釀入咗嫩滑嘅蟹肉，煎得外脆內嫩，鮮味十足。而鮮蟹鉗則肉質鮮甜，充滿彈性，配合上特製嘅調味，令每一口都係海鮮嘅極致體驗。呢道菜不單止係口感豐富，亦展現咗廚師對火候嘅掌握。🦀金湯蟹肉燴燕窩金湯蟹肉燴燕窩係一道非常華麗嘅湯品，金黃色嘅湯底用上咗豐富嘅蟹肉同燕窩，湯底濃郁但唔會過於厚重，味道清甜，燕窩嘅滑溜口感配合蟹肉嘅鮮甜，令湯品更加有層次感。呢道湯係一個非常高級嘅享受，特別適合鐘意清淡高貴口感嘅食客。🍲🦀十頭鮑魚伴花膠十頭鮑魚係廚師精心燜煮嘅，鮑魚肉質嫩滑，入口即化，帶有濃厚嘅鮑汁香氣；而花膠嘅質感極致柔滑，吸收咗鮑汁嘅精華，味道相當豐富。呢道菜唔單止展現咗高級食材嘅魅力，亦係一道技術含量極高嘅粵菜代表作。每一口都係奢華嘅享受，帶出咗粵菜中對鮮味嘅極致追求。🧈🐚花雕雞油蒸膏蟹花雕雞油蒸膏蟹係一道非常具特色嘅粵式海鮮菜，蟹膏金黃飽滿，肉質鮮甜。花雕酒同雞油嘅香氣完美滲入蟹肉，令蟹嘅鮮味更添層次。呢道菜將蟹嘅鮮甜同花雕酒嘅醇厚完美結合，入口充滿咗濃郁嘅酒香同海鮮嘅自然鮮味，係一道非常值得一試嘅海鮮料理。🦀🍶蟹肉糯米脆皮乳豬蟹肉糯米脆皮乳豬係一道非常精緻嘅菜式，乳豬皮脆肉嫩，香氣十足，而內餡嘅糯米則吸收咗蟹肉嘅鮮味，同時保持咗糯米嘅彈牙口感。乳豬嘅香脆同糯米嘅軟糯形成咗鮮明嘅對比，每一口都係味道同口感嘅雙重享受。呢道菜份量足夠，適合多人分享，係一個非常經典嘅粵式菜式變奏。🐷🦀薑茶燉仙米湯圓作為甜品，薑茶燉仙米湯圓帶有濃郁嘅薑茶香氣，薑味溫和但回甘，湯圓內餡軟滑，唔會過甜，仙米嘅加入為湯品增添咗一點嚼勁，非常有趣。呢個甜品唔單止暖胃，亦為整餐豐富嘅菜式帶嚟一個溫暖而舒適嘅結尾。🫖🥟流沙酥伴香芒卷流沙酥外皮酥脆，內餡流沙甘香，蛋黃嘅鹹香味道濃郁，與外層酥皮嘅口感形成咗完美嘅對比。而香芒卷則以清新嘅芒果作為內餡，帶有輕盈嘅果香，同流沙酥形成咗甜而唔膩嘅雙重享受。呢個甜品拼盤作為整餐嘅最後一個環節，為味蕾帶嚟咗一個清新而滿足嘅收尾。🥭🥐總結逸東軒嘅菜式精緻而富有層次感，無論係前菜、主菜定甜品，每一道都展示咗餐廳對食材質素同烹調技巧嘅高要求。每一款料理都充滿咗粵菜嘅傳統精髓同現代創意，係一次味覺同視覺嘅雙重享受。如果你鍾意精緻高級粵菜，逸東軒絕對係一個不可錯過嘅選擇！
繼續閱讀
之前諗住即日訂位，點知真係fully booked。今次預早一星期book位，終於可以喺週末嘆到米芝蓮一星的午茶🫖順帶一提，呢個真係好適合打卡📷 天花嘅射燈角度啱啱好射住食物， 唔似其他餐廳啲燈光打落塊面，所以啱晒出片打卡🌚 枱與枱嘅距離好闊，位置鬆動，聲浪又唔嘈吵，坐得好舒服😀至於服務，見到有不少評語話服務一般，不過今日親身感受覺得唔錯啵！侍應周不時就會幫我哋加水、斟茶，好細心。🥢蜂巢芋角外皮酥脆，芋角餡豐富，芋泥幾滑，不過唔夠熱。🥢筍尖鮮蝦餃蝦餃皮煙靭有咬口，每粒都包得差唔多大小，外型非常精緻。鮮蝦大大隻，爽口彈牙。 蝦餃在配上豆瓣醬太美味了，一人食晒一籠都唔夠！逸東軒完美演繹了何謂皮薄餡靚的蝦餃。🥢薑蔥牛柏葉牛柏葉的大細切到啱啱好，爽口唔韌，配上薑絲感覺好清新。🥢生拆蟹粉小籠包小籠包嘅皮薄得來又唔會易穿，內裏啖啖都係蟹粉又juicy。美中不足的是有少少蟹殼，雖然係可吞，不過有少少扣分。🥢豉汁蒸鳳爪好入味既，對於鍾意食煙靭鳳爪皮的，這個應該不錯。不過我個人鍾意煮到腍晒、溶溶爛爛嗰種，這裏的對我來說有點不夠腍。🥢蛋白杏仁茶湯圓杏仁茶唔會太甜和芝麻湯圓都唔係太甜，剛剛好。推薦！🥢一品點心拼(蝦仁燒賣、龍蝦黃耳餃、海參帶子菜苗餃)蝦仁燒賣的豬肉爽口，唔會實啲啲龍蝦黃耳餃個燒賣皮可能太大塊有啲韌，個餡好食海參帶子菜苗餃皮薄餡靚，推薦！🥢招牌叉燒腸粉腸粉滑溜，叉燒有蜜糖味，正常發揮🥢原隻鮑魚蟹肉灌湯餃有隻細細隻嘅鮑魚仔，個湯鮮甜。餃子雖然大大隻，但係個餡幾細。非常推薦逸東軒的午茶！不過價錢始終唔平，都係留返特別節日先會嚟🙂↕️
繼續閱讀
A Taste of Timeless Delights"A great place for colleagues to meet for lunchI had lunch with my coworkers at Eaton Heen in Yau Ma Tei in the morning. Even after three or four visits, I still enjoy the atmosphere here. Their décor has a clean, upscale atmosphere with a hint of classical Chinese design without being overly archaic . Naturally, the costs are also somewhat expensive, hehe. We mostly ordered dim sum this time, and I particularly enjoyed the delicacy called egg crumbs. It has a Hong Kong flavor and an intriguing name, but I'm not sure if I' ve ever had it. I initially thought it looked familiar after sampling it. It was excellent and crispy. I appeared to have consumed it.Eaton House in Eaton Hotel 🌟 After all, I was anticipating Eaton's products after they were awarded a single Michelin star for a number of years in a row. I tried it, and overall, I'm really disappointed: Suggested: Taro wedges, spring rolls, and rice rolls. Alright: Crisps made from golden papayas are average. Disappointing are siomai and shrimp dumplings wrapped in grilled pork. Although the ingredients are fresh, the artistry and flavor are mediocre. Except for the waiter putting away the lucky plates as quickly as they can, the service is essentially nonexistent. It is admirable that there is enough space and that the surroundings are pleasant, tidy, and comfortable. 💰Lunch snacks cost between $150 and $200 per person, but ordering side dishes is significantly more costly. Sliced chicken special Barbecued pork with Mingluo honey glaze costs $298. The grilled pork has some simmering edges and is thickly cut. The flesh is tender and luscious. The grilled pork is acceptable in my opinion, however several of my friends in the same group feel that it is not fat enough. Two servings of Eaton's Sliced Skin Chicken cost $698. It's the first time I've had it, as I normally eat sliced duck. This chicken is diced and isn't overly oily. The skin is warm and silky, and the chicken is incredibly smooth. Cucumbers and green onions abound as well. It's unbelievable to me. A couple more meals later, I grabbed a lettuce-wrapped chicken bun. For my part, I believe.
繼續閱讀