影片
開飯介紹
以金寶最受歡迎的菜式做餐牌骨幹，再加入多款泰越地道美食，裝修具時代氣息，構成一間泰越輕食連鎖店。
營業時間
今日營業
11:45 - 23:30
星期一至日
11:45 - 23:30
以上資料只供參考, 請與餐廳確認詳情
有關獎賞計劃
相關文章
尖沙咀The One5樓 一啲都唔難搵餐廳有分內外可以坐 外面雖然比較近商場會比較人來人往 但空間比較闊落 裡面枱與枱係比較距離近一啲舖頭唔算大 燈光比較暗 大枱好似只得一張 落地玻璃可以望街景 最裡面有塊落地大鏡 成幅牆咁大 營造一個好大嘅空間感 非常👍🏻食物好快上枱 侍應細心有禮 (唔係要貶低邊個 而係香港 呢個價錢 已經好難有咁好嘅服務質素 所以真係要勁讚👍🏻👍🏻)叫左三樣野食 *酸辣蜆肉鍋 有大蜆三隻 上枱先點火 等滾就可以食 蜆肉超級肥美 多酸少辣 好醒胃👍🏻 個底仲有粉絲 朔晒啲汁 超級好味😋*蝦蝦蝦菠蘿炒飯 似櫻花蝦 已剝殼 方便食.3. 炒飯乾濕煮到啱啱好 清淡得泥唔會覺得淡而無味*甜品拼盤 全部甜品都有 可以一次過試晒 好有驚喜 會想追住食嘅好味 同埋唔甜!!! 哩個真係好讚👍🏻 個焦糖燉蛋特別好味~ 其次係芒果糯米飯雖然無去過泰國 但成餐飯整體感覺 食物 味道都好好 好relax 食完餐飯感覺去左個快閃旅行咁 絕對冇誇大平日食飯唔限時 ,公眾假期用餐1.5小時 要留意-_- lll寫個食評都要澄清 * 本人沒有享用該公司任何免費食物款待 或同該公司任何負責人 職員有其他交易 *僅此聲明 以上食評 純粹個人用餐後感覺
繼續閱讀
收工好想食下泰國菜，就約埋老友黎到尖沙咀The One, 呢間有質素嘅Cambo餐廳開餐囉，冇預訂的關係，都要稍等一會方可入座。冬蔭功青咖喱軟殼蟹鍋配薄餅，軟殼蟹跟炸薯分碟上，軟殼蟹炸得金香酥脆，連同薄餅輕沾點些香辣嘅青咖喱，一併食很正，咖喱煲內尚有茄子同翠肉瓜，營養均勻。泰式去骨海南鷄飯（加$10轉髀），雞肉去晒骨啖啖肉，食得方便。雞皮爽滑，雞肉嫩滑多汁，配合酸辣醬汁，令人食得開胃！墊底仲有好多椰菜，亦係配搭得健康嘅菜式。泰式鴨肉湯粉，鴨肉有咀嚼感，尚有Q爽鴨血，湯粉亦滑溜，湯底帶甜充滿泰式風味。Singha Beer🍻 爽口凉快，巧正啊！
繼續閱讀
今日嚟到尖沙咀 The One，見到間泰國餐廳，裝修靚靚，又唔會逼，座位好寬敞，真係幾舒服。泰式青咖哩軟殼蟹鍋🦀第一樣叫左咖哩軟殼蟹。軟殼蟹外面脆脆，裡面嫩嫩，口感超正！咖哩醬味道濃郁，好微微辣帶少少甜，真係一口接一口，食到停唔到。蟹肉鮮得來又多汁，搭配咖哩，味道真係好正！大蝦菠蘿焗飯🍍🍤第二樣大蝦菠蘿飯，色香味俱全！菠蘿嘅甜味同大蝦嘅鮮味融合得非常好，米飯吸咗菠蘿嘅香氣，粒粒分明，口感超柔軟。大蝦又大又鮮，食落去真係好享受！香芒糯米飯第三樣香芒糯米飯，食泰國野呢個甜品真係走唔甩！糯米Q彈，口感滑滑，係今次D芒果唔夠甜之外其他都好味！椰汁綠豆冰最後係綠豆冰，呢個消暑必食！綠豆清甜，冰冰涼涼，甜度剛好，唔會覺得膩。價錢又合理，絕對值得一試
繼續閱讀
泰式青咖喱軟殼蟹鍋(138hkd)咖喱配法包🥖向來都係perfect match，必須要好好用盡個包來點汁，青咖喱有奶香，醬汁濃淡適中，軟殼蟹個炸皮吸飽湯汁好食🤤生菜包（蟹肉+豬肉）（116hkd) 肉碎給好給滿，用料完全不小氣，幾香豬肉味，調味酸酸辣辣，配上生菜平衡返🥬非常清新爽脆，增添口感～冬蔭功(98hkd)有三大隻蝦🦐，賣相不錯，會用細火一直熱住個湯，防止好快凍哂，幾細心，飲落暖笠笠，酸酸辣辣好開胃惹味，辣度平易近人，泰國菜必點～#foodiblum東南亞
繼續閱讀
🥘泰式青咖喱軟殼蟹, 配埋長長法包先至$118！青咖喱味道甜甜辣辣，內裏有茄子,豆角,翠玉瓜等蔬菜，煮得軟腍入味，咖喱質感唔算濃稠炸軟殼蟹同炸薯仔都炸得香脆好好食，長法包好鬆軟，亦都好掛汁！🥘泰式酸辣鳳爪$75一碟好大盤，鳳爪食極都仲有，味道唔會太辣，酸酸甜甜比較多，少辣。🥘泰式蝦球濕炒河$96，第一次食濕炒，上枱見到真係多汁，但食落又唔會太濕，反而覺得啱啱好。🥘蒜蓉炒椰菜苗$82，平時比較少食椰菜苗，食落有少少似食芥菜的味道，不過相對軟身同埋咬落有層次。
繼續閱讀