芝樂坊餐廳

營業中

休息中

3/9/2023📍The Cheesecake Factory一心諗住去食cheesecake點知見到兩個主菜已經心感不妙事關份量真係超級大我哋兩個算大食嘅人都食唔晒好啱一大班人嚟食 可以試多幾樣Menu 有超多野揀 有選擇困難症嘅我哋揀咗好耐餐廳入面好多位 比想像中大好多 比較熱鬧可以同朋友當係西式嘅大排檔黎食我哋6點左右walk-in 就有位1. 烤蒜雞肉蝴蝶粉（$196)呢個pasta 超有驚喜醬汁好濃好creamy 好多食到最後都仲有好多醬蝴蝶粉軟硬適中有唔少雞肉 仲有烤蒜 番茄仔 煙肉同蘑菇食落唔會單調 🌟：5/52. 意式酥脆雞扒（$198）雞扒外皮真係做到少少脆嘅感覺雞肉唔鞋口 又入味仲可以點下面嘅忌廉汁食隔離有一大球薯蓉有啲薯仔粒粒 好香牛油味好好食好邪惡食到膩嘅時候可以食兩條蘆筍 口感爽脆同自己講今餐有食菜🌟：4/5我哋兩個人食dinner ～$440 （連加一）🌟：4.5/5 (下次一定要食佢嘅cheesecake 我話嘅！)

今日朋友同我補祝番生日，黎左呢度dinner🤤之前都有黎過呢度幾次，但真係見到啲人龍都驚，唔敢成日黎星期六嘅晚上，6點半未到黎拎飛，告知要7:45pm先番黎到時候先會有位… 都無問題嘅，海港城就喺度，行吓街時間都好快過準時7:45pm番黎，等一等好快就山安排到座位有黎過呢度食飯都知，menu勁多，有選擇困難症嘅我真係好難決左🫣揀左好耐，最後決定叫左，炸魷魚、烤蒜雞肉蝴蝶粉同意式酥脆雞扒炸魷魚，一炸好就上枱，熱辣辣好酥脆，好好味，最啱就係配杯冰凍啤酒🍻 烤蒜雞肉蝴蝶粉，份量好夠好大碟，烤蒜巴馬臣芝士汁香濃唔油膩，味道剛剛好，好味道，唯一缺點就係有青豆🫠意式酥脆雞扒，又係好大碟，三大塊雞扒，雞胸肉煎到金黃脆口, 雖然係雞胸肉，但完全唔鞋，好食，伴碟薯蓉同蘆筍呢度份量真係好大碟，本身諗住食埋芝士蛋糕，但真係飽到食唔落🫣 唯有下次啦。。。

未有得去旅行住 嚟the cheesecake factory 回味一下美國大餐確是不錯🤤🤤呢個炸魷魚無論配辣醬同蛋黃醬都係咁好夾。另外個魷魚都好香脆。的確係個好開胃嘅小菜呢個水牛城雞翼有得揀加埋辣汁定辣汁另上所以就算朋友唔食辣都唔使驚而我同朋友仔揀咗加埋辣汁，雞翼炸到好香脆佢個醬汁酸酸辣辣好惹味！再配埋個芝士醬更加有另一番層次呢個蒜香雞肉蝴蝶粉啲雞肉一啲都唔老而且個蝴蝶粉夾埋啲芝士醬入口一啲都唔乾加埋少少嘅芝士香味我同朋友仔都食到停唔到口仲有呢個四重芝士長通粉撈勻晒啲芝士入口有好香嘅蕃茄味相當清新芝士味相當濃郁仲可以做到拉絲嘅效果飲品方面呢杯factory peach bellini酒味唔係好濃郁, 但係甜甜地又有少少桃味相當適合女仔飲嚟到呢度梗係要食芝士蛋糕我同朋友仔本身想揀焦糖青蘋果蛋糕可惜店員話今日賣晒不過唔緊要我哋試咗紅絲絨芝士蛋糕都相當有驚喜希望下次嚟可以試到焦糖蛋糕總括嚟講都係會再嚟多次嘅

平安夜果日食真係超多人食，自己又無早去攞位要等到九點半其他人攞咗飛唔去先有得後補食。好彩最後得償所願食到😂😂😂不過過程都比較驚險如果食唔到都唔知可以食啲咩🙈評分：上癮程度：❤️❤️❤️❤️🤍（可以再試下其他款式食物😋）美味程度：❤️❤️❤️❤️🤍外貌程度：❤️❤️❤️❤️🤍價錢低食：❤️❤️❤️🤍🤍服務態度：❤️❤️❤️❤️❤️（個人覺得唔錯，例如前台哥哥）環境寬闊，同其他枱有段距離

餐廳好大好多枱，但依然滿座，星期日嘅晚飯時間，6點到都要等個幾鐘，7點幾黎拎飛嘅人，已經被告知當晚滿座了，裡面燈光昏暗，座位闊落。每次都會叫嘅Factory Nachos，份量非常大，有酸忌廉、蕃茄醬、牛油果醬伴碟，粟米片上有海量芝士，邪惡到不行，但一口接一口。Fish Tacos嘅魚可以揀grilled或者fried，我地揀左grilled，感覺唔咁熱氣，下面墊左沙律紫椰菜同牛油果醬，好好食！至於附碟嘅黑豆同白飯就普通。魚塊超級juicy!!蒜香雞肉蝴蝶粉係次次都叫嘅，上面嘅炸煙肉條大加分，鹹香酥脆，不過雞肉偏硬偏鞋。最後係my all time favourite, Pasta Da Vinci。用馬德拉甜酒煮過嘅意粉，口感煙韌，甜甜的。重點係焦糖洋蔥同菇，增加口感👍🏻👍🏻

講咗咁耐，終於有機會等到位可以入去食啦！次次都因為等嘅人太多，最後放棄。今次等咗半個鐘，安排咗吧位坐，整體都坐得好舒服，夠闊落。整體環境就係好適合飲酒睇波，氣氛好好。知道係美式份量，所以都只係敢叫一個主食，二份芝士蛋糕。烤蒜雞肉蝴蝶粉：大大粒嘅雞肉，棉棉嘅青豆，配上濃濃嘅奶香芝士汁，再以一味似係酸洋蔥嘅提味，配合煎到香脆嘅培根做點綴，非常好食！但都係果句，份量好大！30週年紀念朱古力芝士蛋糕：白色部分係芝士醬，中間同底果層食落似係布朗尼嘅口感，食一兩啖係覺得好食，但到食到第三啖已經頂唔順，超級甜！好似食緊濃縮版嘅超甜朱古力加芝士cream 咁。無敵紅絲絨蛋糕：因為太飽，呢款就外賣返屋企，但其實口味分別唔太大，芝士Cream加白朱古力，都係超級甜！成個口就只係得糖嘅味道，紅色嘅部份已經食唔出係啲咩。但見到個蛋糕櫃好治癒整體黎講，個人覺得蛋糕太甜啦，甜到有啲死甜果種，食完即刻起痰主餐好食係意想唔到好食，下次有機會都會再試下其他，但一定會叫齊人先敢去試。至於芝士蛋糕……真係要慎重選擇……

我地５個人黎左Cheesecake Factory，因為夜晚放工時間黎，等左個半鐘先有得入去，好既係等位唔洗企係佢門口，會比個咇咇機你，到你就會振，所以可以去行下先番黎。入到去環境有Ｄ暗，但係幾有情調先係一個凱撒沙律，依個算係咁多樣食入面最清既一個，因為其他野都有好濃既味道。所以依個沙律可以話係用黎中和用既。之後就係水牛城香辣雞翼，睇相睇唔出，其實佢好大碟！食落去有Ｄ辣椒仔既味道，當然仲有Ｄ好濃既芝士味，依個係好食既。旁邊有個芝士醬，怕你唔夠比你點。pepperoni pizza，又係好有分量既一個pizza，好似好普通咁，但又估唔到幾好食。有芝士味，但唔係話好濃，可能因為焗過，有少少拉絲咁又幾好食。Sweet  potato  fries，依個就真係即叫即炸，好脆好甜，唔點醬都已經好好食，下次都一定會再叫！烤蒜雞肉蝴蝶粉，又係好大碟，但係超好食，佢係每粒蝴蝶粉都有芝士味，依碟雖然幾濃芝士味，但係佢濃得黎唔太over，所以好想食完再食！士多啤梨芝士蛋糕，咁黎到Cheesecake factory點可以唔食Cheesecake，所以就叫左依個，咁不得不讚依到既Cheesecake真係好食

今次再到呢間試多啲唔同既野 發現主菜真係好出色！🥳 4個人淨係可以試到3個主菜 同樣一黎到就會有個餐包同牛油 黑糖餐包真係非常好味 甜甜地再配牛油既香味 呢個辣肉腸pizza 🍕辣肉腸既份量好多 芝士既份量亦都好多 但係2樣嘢加埋口味有啲寡 不過勝在有麵粉香 之前試過乜都有pizza 個個配料多啲 比較推介個個烤蒜雞肉蝴蝶粉 好好味！份量超大一班人share 就最好不過 芝士汁平均沾上每一粒蝴蝶粉上面 雞肉既份量都好多呀～Tacos 🌮 w/ 雞肉 莎莎醬調配得好好味 酸酸甜甜咁蕃茄粒好清新 面頭仲有好大pat 牛油果醬 成件事昇華左好creamy 😋😋😛❤️

朋友想食好耐，所以等佢生日去左試下平日6點幾去到，排左2個鐘店員態度極差，特別係企門口reception果２個外籍呀姐(印尼/菲律賓之類)，黑口黑面語氣差唔講呢啲，講食物，咁多人食一定好好味啦，原來唔係只係改個型啲嘅名，以cheesecake/ cheese 做招來就引到好多人食餐前麵包，三款麵包都係硬身，黑糖麵包最好味，唔搽牛油都得炸芝士通心粉球，炸得是幾脆，都夠熱，味道正常，冇驚喜但流心，流係邊？Pizza好鹹好油烤蒜雞肉蝴蝶粉，蒜味幾香，一樣好鹹好油膩達文西長通粉，有啲似干炒牛河，一樣好鹹好油膩好鹹得黎又好甜，唔知咩事cheesecake 係大件嘅，一件都食得飽，如果食完野做甜品建議兩人食一件慶祝生日可以叫店員寫字係碟蛋糕味道是ｏｋ的，不過極甜，好多cream，食完會好濟總括黎講，你話係咪非常難食呢，又未至於既但係係咪好重口味，就一定係，極鹹極油極甜價錢貴得黎好大份，少人試唔得多，１個主食加件蛋糕都夠兩個人食，無謂等咁耐試得果２樣野啦，要試就約埋多啲人先好去

對上一次黎食原來已經係八個月前, 以為而家出面咁多課外活動唔駛排咁耐, 點知都係要排大半個鐘, 但嗰日情緒低落, 諗黎諗去, 近我嘅餐廳只有呢到個意粉可以安慰下我, 所以要排都照等.呢個烤蒜雞肉蝴蝶粉從來無令我失望, 雖然佢啲雞亦都一直係鞋, 品質從頭到尾無變, 芝士忌廉汁夠哂濃, 不過佢芝士味一向唔算好重, 而係成個味好香夠濃, 就係呢種濃郁味道令人產生安慰感. 醬汁質地少少厚黏得住蝴蝶粉, 又唔會太杰, 食極把口都唔覺漏, 會追住食. 不過把口唔漏, 個肚都有上限, 蝴蝶粉幾頂肚, 兩個人食三分二已經夠哂, 就算個肚仲可以放其他野, 但偏偏再放唔落蝴蝶粉. 仲有個人唔開心, 食蝴蝶粉慳氣力, 一粒粒用匙筆黎食, 唔駛食意粉咁要卷, 唔卷又吊吊fling, 蝴蝶粉少少硬, 一粒粒狠狠咁咬發洩下對精神有丁丁幫助😅雖然香草三文魚上面鋪滿香草, 但只係掩眼法其實無咩味, 件魚我都有落返少少鹽吊味. 我揀呢個係因為佢用檸檬汁, 諗住蝴蝶粉咁濃味, 食返啲酸野清新一下. 個汁其實酸酸地幾好味, 但感覺同食材唔多夾, 食落感覺汁還汁, 食物還食物, 兩者互不相干. 薯蓉畀好多, 但係無乜味, 有

之前聽朋友講過cheesecake factory啲嘢食都好大份, 今日終於忍唔住同三五知己一次一齊嚟試下 今次夾埋我有四個人~ total叫咗四款菜式, 但最尾都食唔曬 因為真係好大份 依家就講下我哋叫咗邊四款菜式啦餐前面包 ($0)正式上菜前, 侍應送咗啲餐前麵包嚟, 食落去口感比較硬, 黑麵包比白麵包香甜, 外脆內軟~ 最尾我都係食黑麵包多 不過由於麵包分量都比較多, 最尾都冇食曬水牛城香辣雞翼 ($178)首先嚟到嘅係呢個前菜 水牛城香辣雞翼~ 雞翼去左骨, 方便進食 雞翼味道微辣&入味, 但有陣酸酸地嘅味, 就咁食個雞翼會覺得普普通通 但點埋個藍芝士醬就好食勁多 因為個藍芝士醬好香好好味 同個雞翼好夾~ 建議鐘意藍芝士既你一定要點醬食燒烤風味雞肉田園沙律($216)呢碟沙律一嚟到大家都嚇親 因為真係好大碟! 個沙律好似成座山咁高 咁嘅份量都真係幾抵食~ 個沙律真係勁足料, 有炸洋蔥,粟米,黑豆,牛油果,生菜, 番茄同雞肉~ 雖然聽落去好似好齋好多菜, 以為食落去會好清淡無咩味, 但食落去感覺好豐富 因為個沙律醬份量夠而且好好食, 調味出色, 同啲食材都搭配得好好, 係我食過

<跟女朋友吃飯系列•四十九>早已聽聞這間店鋪，內容大概也是輪候需時及美國過江龍等，今天在海運中心看完蜘蛛俠後，決定跟女朋友來這兒朝聖！餐廳位置位於海港城商場內，只要沿著指示牌就找到，甫到達，平時經常看到的人龍，今天卻不見了。餐廳內外是一種典型高級餐廳的風格，bar枱的設置更添上一種高貴的味道。餐牌設置還很不錯，中英文也有，部分更添置了食材資料，令客人更放心享用。翻到芝士蛋糕一頁，滿頁也是芝士蛋糕，實在令我大驚！食物方面點了1）烤蒜雞肉蝴蝶粉；2）檸檬芝士蛋糕；3）泡沫咖啡。先來了烤蒜雞肉蝴蝶粉。心理不禁冷了一下，因為份量大得令人嚇了一跳。莫非美國人每一頓吃的也是這些？難怪它們都體型龐大！說回正題，一吃下去已大呼要再來一客！芝士忌廉汁濃而不膩，十分吸引我的味蕾，很想把它全部吃進口內，至於蝴蝶粉，平時沒有多大機會吃到，今次有機會吃，總覺得跟螺絲粉不同，質感很厚，蝴蝶粉一塊塊吃下去，開始覺得自己愛上它了。至於雞肉，感覺十分粗糙，可以不用吃它。後來來了檸檬芝士蛋糕，作為餐廳馳名的食物之一，感覺不是太理想，芝士餅底實在太薄，一小件吃下去，只能吃到芝士，但芝士吃下去有著酸的感覺！感

今次是藉著朋友生日第二次黎到店鋪 仍然非常期待 當中有朋友之前黎過 就推介左好幾款野食 點左烤蒜雞肉蝴蝶粉 、雞肉蒜香檸檬忌廉意大利幼麵、Bbq燒雞薄餅同墨西哥牛肉卷基本上每一款都非常好食 烤蒜雞肉蝴蝶粉係重點推介 食落去蒜香味勁濃 係食完一口會想接住食個種 好正 另外雞肉蒜香檸檬忌廉意大利幼麵就酸酸地 食落非常開胃 仲有蝦做材料 蝦味好香 都係食唔停口墨西哥牛肉卷都係值得一試 牛肉切粒 配上秘製醬汁 對於好牛既人黎講 每一口都係滋味快感

第一次試，感受到佢真係一間美式餐廳，因爲每碟食物黎到佢的份量都係令到我嘩左出聲😂今次2個人叫左一個小食、一碟蝴蝶粉、一件cheesecake，而且仲有餐前面包，飽到不得了。釀蘑菇份量剛好，每粒磨菇入面釀有滿滿的芝士，而旁邊則伴有紅酒汁，好開胃蝴蝶粉真係好大碟，由於個汁真係太好食所以都清晒，食倒醬汁入面好多芝士但唔算膩。至於蝴蝶粉有咬口，而且拌有好香口酥脆的煙肉粒，可惜雞肉比較，不過下次再來的話應該都會再食Cheesecake跟平常餐廳吃到的口感有點不一樣，這個是比較輕身的，吃下去不會太膩而且很濃芝士味，但餅底就甜左少少，但都算是可以接受的。

本來話要排長龍就無乜興趣再黎食, 但樣衰衰竟然對個蝴蝶粉有啲心掛掛, 於是又黎多次. 慶幸星期一晚拎左飛後去行街, 再返黎唔駛等幾耐就入得, 而且話就話限食兩個鐘, 但係過鐘唔會趕人, 九點後已經有吉枱. 食埋今次近期真係唔會再主動提出黎呢到食, 因為今次啲野麻麻地, 而且個蝴蝶粉已經食到夠哂…… 得兩個人所以只係叫左兩個主菜, 而且兩個人根本食一個主菜加件蛋糕都夠飽. 呢到食物份量真係好大, 同埋餐廳做法係一次過上哂大部份食物, 食得快飽得快. 烤蒜雞肉蝴蝶粉唔多講, 同上次差唔多, 不過啲雞肉無上次咁鞋, 但都唔會係嫩, 我諗要撞手神, 下次可能又鞋返, 總之呢碟野食蝴蝶粉已經滿足.我地畀呢碟叫"羅馬諾芝士脆皮雞扒"嘅野fake左, 睇名以為主打係芝士同雞扒, 點知上到黎有勁大堆意粉, 但我地已經有蝴蝶粉, 要食兩盤意粉超哂額, 好心中文名寫埋意粉兩個字…….講返雞扒, 啲雞壓到好薄, 整到咁薄再拎去炸食落好少會鞋, 但當然都食得出唔係畀滑野你. 雞扒好香, 塊皮有啲好似焗到燶邊烤出黎嘅香味, 但件雞一啲都無燶到, 我比喻佢為更好味版麥樂雞, 但要畀多十倍價錢, 又好似唔係咁值.