Owl's Choux

營業中

休息中

#chuchu食在尖沙咀📍 Owl's Choux 大推❗️大推❗️大推‼️ #chuchu推介 宜家🐷基本上一出尖沙咀就想食，不愧係米芝蓮，不過佢上左小紅書，最近多咗好多遊客ಥ_ಥ就係K11斜對面！不過就真係要等，因為得店主同伯伯（應該係爸爸好得意的(⁎⁍̴̛ᴗ⁍̴̛⁎)）即叫即整，同埋好多人一買就半打半打買，所以先要等咁耐！💡買曬就冇架喇！🐷試過5點就已經賣曬！—————————————————————❣️焦糖燉蛋泡芙 $40必食✨真係好好食，雖然一個要$40但值得的！即叫即整，首先面頭係用槍燒過嘅焦糖，脆卜卜！外脆內軟嘅泡芙！餡超級真材實料，超級多，有吉士醬同忌廉，眼見嘅雲尼拿籽！真係諗起都想食🤤.❣️Tiramisu ❣️檸檬味❣️朱古力味 🐷食過好多隻味，其他味都各有各特色，不過都係Cream brulee係最好食！取代唔到！—————————————————————不專業評分👅好味指數: 10/10 💰性價比: 9/10👍🏻推薦: 10/10 —————————————————————🏡地址: Owl's Choux (尖沙咀)尖沙咀麼地道32號地下🕑營業時間: 15:30-19:00（逢星期⼀

🥢Owl’s Choux @尖沙咀最近喺IG成日見到人鋪呢間～米芝蓮連續五年小食推介嘅手工泡芙🤓🤓成功被燒到嘅肥妹 當然要去湊下熱鬧～ 🌟 焦糖燉蛋泡芙 ＄40焦糖脆面有一陣微微嘅焦香味～入面係超足料嘅吉士醬加忌廉，個cream仲要係有雲呢拿籽嗰種！！佢個餡真係好好食～不過佢個泡芙皮唔係平時普通麵包舖嗰啲🤔🤔有少少似曲奇？幾特別嘅～🌟是日精選泡芙 ＄50今日嘅係超級雲呢拿😚睇相都睇到…真係好足料好多cream，爆餡之餘同樣都係充滿雲呢拿籽嗰種👍🏻👍🏻👍🏻因為即叫即整，所以買完大概等咗10分鐘左右～唔算係排隊好長 都唔算等好耐所以可以接受🤓🤓📌 尖沙咀麼地道32號地下營業時間: 15:00-售完為止-

上一次特登去買點知佢收左，今日收工經開竟然仲開緊，而且只係等10分鐘就有🎉一場黎到一定係試佢最出名既焦糖燉蛋泡芙🐣因為係即叫即整，拎上手己經感覺到槍燒焦糖既熱同忌廉既冷，泡芙外脆內軟，外面十分酥脆，而入面有2隻醬，係忌廉同吉士，吉士醬中仲見到一粒粒既雲尼拿籽😍所以香得黎唔會太甜，而且cream都打得好幼滑👍🏻最有心思係泡芙外邊有加左少少海鹽，所以食晒成個都完全唔膩（當然size較小都係原因之一😂）唯一美中不足既係泡芙冇乜焦糖燉蛋既感覺😂除左面頭既「焦燒」薄脆外，「燉蛋」就冇乜存在過😂😂如叫「焦糖吉士泡芙」既話就唔會咁大落差🙈整體黎講，係幾好食，不過價格偏貴，而且唔知係咪因為我都6點幾先到就收工，冇左堂食位，要係店外食，天氣又熱，都係要急急腳咁食，享受就欠奉🙊如果要再食多次都ok既，不過要冬天先好搵我😗☃️是次價目表焦糖燉蛋泡芙 $40

米芝連推介 到底正唔正？😌Crème brûlée 法式焦糖燉蛋泡芙~泡芙口感鬆化，order後即做，新鮮滾熱辣出爐嘅puff真係very good ! 雖然面層有陣焦糖，但甜度岩岩好，值得一試😆老闆仲要超好人，排大半個鐘隊都值呀真係

事緣經過哩間米芝蓮街頭小食嘅時候，見到人龍唔算長，又記起好似有間俾人狂推嘅超好食泡芙，於是就做咗傻事排埋一份🥹。後期先發現所有泡芙都係即叫即整，所以每一份都起碼等10分鐘，好欣賞店長好有禮貌耐性咁同每一個等待嘅客人介紹返每款味道，仲提我下次唔好揀放工時間排，因為真係會等好耐佢自己都好抱歉🥹，先唔講味道，哩個服務態度真係同某啲唔休做嘅店拉開咗十萬八千條街呀！🫡✏️焦糖燉蛋泡芙 $40 🍎8/10雖然冇趁熱食，但外層嘅焦糖依然好香脆，會食到少少蔗糖嘅顆粒感，泡芙外皮酥脆薄身，以為個餡會係有咬口嘅燉蛋或者布甸，點知原來係焦糖燉蛋味嘅忌廉同吉士，雖然都叫企身，但同自己嘅想像都係有啲出入😂，味道係幾香濃，但坦白講就未有驚為天人嘅感覺啦。✏️焙茶泡芙 $42 🍎8.5/10作為一個焙茶控，個人更加鍾意哩一款😍，topping嘅焙茶醬好濃郁，內餡係滿滿嘅焙茶忌廉，好重奶香味，但又唔會過甜😋。始終係要排隊一個鐘嘅人氣泡芙，真係會有比較高嘅期望，味道嚟講係幾唔錯，但確實冇一種好突出嘅感覺，可以回頭，但就唔會再排咁耐隊啦🤫。

終於有機會試下傳說中嘅「米芝蓮街頭小食」😍⁡一早睇中咗呢度嘅【焦糖燉蛋泡芙】但因為舖頭位置唔太就腳，而且店面比較細預咗要外賣...然後又唔想企喺街邊食🌚⁡去到嘅時候前面有一兩個客人等緊，因為店入面全程都係one man band收錢落order出餐一腳踢，所以都等咗20-30分鐘左右🧐⁡泡芙表層係半溶嘅砂糖，入口有陣陣焦香🤤就算唔係即刻食都keep到脆口，但相對地頭幾啖食落會比較甜吉士內餡幼滑，加入咗雲呢拿籽令香味提升👍🏻個人認為連食兩個都絕對無問題😆⁡下次經過都會想再買嚟食嘅~不過泡芙size比想像中細，定價都比較......進取⬆️

上個post介紹完 宇治焙茶焦糖燉蛋 即刻諗起呢間ℂ𝕣𝕖̀𝕞𝕖 𝔹𝕣𝕦̂𝕝𝕖́𝕖 ℂ𝕙𝕠𝕦𝕩 🌈位於K11 Art Mall附近 行過有陣陣嘅烘焙香味🥰 全部都係即叫即整💕 因為得店主一對手👐🏻 所以要等一段時間～ 開放式廚房可以見到店主整甜品過程🧑🏻‍🍳店內只有少量座位👯‍♀️ 繁忙時間可能要等耐啲🙈 嗰日等咗半個鐘先有 店主見我地服務真係超級好【焦糖燉蛋泡芙】💰$36係𝐎𝐰𝐥’𝐬 𝐂𝐡𝐨𝐮𝐱嘅signature puff😍 等咗半個鐘 一食落去真係有震驚味蕾嘅感覺🤯💥 份量細 價錢比較貴 但💯recommend‼️泡芙係即叫即焗 表層有燒過嘅焦糖薄脆咬落去好鬆化脆口 外脆內軟😋裏面唔係Crème Brûlée 係吉士忌廉醬 仲有粒粒雲呢拿籽 好香雲呢拿味🧡質感幼滑 味道好有層次感 甜度啱啱好😎食完都覺得好輕盈 唔會有膩嘅感覺😇🦄滿足指數: ❤️🧡💛💚💙💜💖

🌸今次黎食泡芙啦！一定要單獨po一個creme brulee焦糖燉蛋泡芙🥳🥳，係我同家姐嘅最愛之選！🥳————🌼法式焦糖燉蛋泡芙Creme Brulee$34泡芙係即叫即焗，所以好脆好香，上面有一層脆脆的焦糖薄脆同小小忌廉，甜甜的地增加口感，入面有香草吉士忌廉醬，好多好濃香，咬開就瘋狂爆出黎，好細膩好滑，果然係招牌冇得頂！🥰👍

之前見openrice同雜誌都有介紹過呢間泡芙店，仲話係米芝蓮級。咁岩約朋友黎尖沙嘴食飯，特地早黎行下。本來淨係打算試佢斜對面嗰間珍珠奶茶店，點知原來間泡芙都係埋到咁就一齊試。因為抱住試吓嘅心態，所以買咗最平既泡芙。買完呢個焦糖燉蛋泡芙，等左起碼5分鐘就送到過嚟。泡芙係半圓形，雖然冇裝飾，但呢個顏色已經好吸引。表面既糖有被燒過，好脆。入邊係燉蛋嘅filling，好香好滑。我個人認為泡夫殼不過不失，但成個組合好正！咪睇佢細細舊，都幾飽肚。

仲記得上手係雪糕店，某日行過變左賣泡芙，講緊應該已經兩年半前，當時試左試左雪糕泡芙，估唔到小店而家係米芝蓮。有冇米芝蓮光環對我黎講就唔係好重要，最緊要好食。店鋪位於麼地道，角落位唔算好亮眼，但成名過後不時有人龍，遊客多，總會引起行人注意。店面小小，都有幾個位置堂食，開放式廚房，可以見到店員忙過不停。值得一讚，店主態度十分友善，我諗就算你唔鐘意佢地嘅產品，至少都會感覺受尊重。週日下午茶時間都有十個八個人等候，以遊客為主，我地等左十分鐘左右成功入座。餐牌主打泡芙，有原味、杏仁、紅絲絨等口味，配搭各款手工雪糕，例如朱古力、士多啤梨、芒果，加上果醬、脆脆等豐富口感嘅配料製作。亦都有比較創新、期間限定嘅口味例如焦糖燉蛋、榛子，定價$25起。飲品有氣泡飲、鮮奶類等。焦糖燉蛋泡芙 $30小小一個泡芙，性價比唔高，但好啱我口味，分分鐘行過又想整番粒過口癮。泡芙即點即燒，焦糖層香脆，有適量厚度，唔會好虛無。輕輕一咬就可以見到澎湃嘅餡料泡芙硬脆，蛋味吉士混合雲呢拿好香，滑溜兼涼涼地，食完一口又想食多口，名符其實係甜品開心果提拉米蘇忌廉泡芙 $35因為榛子黑泡芙賣哂，而換成開心果忌廉，提拉米蘇只係外觀上嘅形

朋友係啲ig foodie post見到依間泡芙，所以今日咁啱係尖沙咀食完飯就行過嚟食甜品鋪頭係轉角位，而且鋪面非常細，一不留神真係會錯過入到去其實有啲擠逼既感覺，細細既鋪頭擺左幾相櫈同枱，行既位置都唔多一入門口，已經有好濃烈既忌廉啊牛油啊依啲整甜品既味道開頭聞都幾香，但聞得耐都已給經有少少濟既感覺😂😂😂除左頭頂既menu外，係門口旁邊仲有份menu有其他選擇我地今次就揀左焦糖燉蛋泡芙($30)嗌完嘢食就行埋左一邊睇住佢地整苦苦等候左15分鐘，終於有得食好細既一個泡芙，我同朋友share食，唔使5分鐘就ko左佢😂😂原本以為係面層焗到好熱好脆，入面既吉士忌廉就係凍同流出嚟但一拎上手係凍既，同期望有少少落差但食落都唔錯，入面既吉士唔會太甜或者過膩面層既焦糖燒到微焦，脆脆地，配埋成個泡芙既口感好夾味道都唔錯下次經過都必定會再食

雖然佢嘅實際賣相無餐牌嘅咁吸引，但的確幾好食。原味泡芙中間夾住榛子果仁糖雪糕，再加埋麥提莎脆脆同果仁糖漿點綴，層次豐富，泡芙外脆內軟，雪糕嘅口感亦都好軟滑～ 海鹽泡芙，香脆嘅外層佈上一粒粒好似寶石礦一樣嘅海鹽，而餡料就係軟滑嘅吉士，咬落甜中帶小小清新嘅鹹味，好有味覺層次。新鮮出爐嘅吉士泡芙，拎上手暖笠笠，同一般嘅泡芙唔同，佢嘅外層特別香脆，仲有啲似牛角酥，外脆內軟嘅口感，好有層次，而餡料就係雲呢嗱吉士，香濃軟滑，個人認為呢個組合，比起雪糕泡芙更加夾，簡直令人愛不釋手！ 原來焦糖燉蛋同泡芙夾埋一齊係咁有驚喜！表面好脆口，入面就好creamy，加埋面頭嗰層滋味嘅焦糖燉蛋，甜而不漏、蛋味香濃，無論味覺同層次都咁豐富。

經常經過這間小店, 但今天還是第一次試。由於店內的座位不多, 所以我們進去不久便坐滿了人。這間小店主要賣雪糕泡芙, 在餐牌上, 我們看到有幾種非常吸引的泡芙 , 我們最後點了紅絲絨雪糕泡芙和焦糖燉蛋泡芙。餐牌上圖片所顯示的泡芙貌似很細件, 但原來泡芙也挺大的。紅絲絨泡芙帶點玫瑰香味, 中間夾著雲呢拿雪糕。即叫即焗的泡芙外層帶點脆脆的口感。焦糖燉蛋泡芙比紅絲絨雪糕泡芙更加脆 , 它是凍食的, 上面有一層脆焦糖, 甜甜的。切下去, 大量吉士醬和忌廉流出來, 吉士醬非常幼滑, 真的好像正在吃一個焦糖燉蛋一樣, 很好吃, 它的甜度剛剛好。