影片
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
作為香港人，應該冇咩人唔識車仔麵。車仔麵個玩法相信唔駛多講，揀餸，揀麵，揀湯。今次去土瓜灣食車仔麵，中午都要排隊等位，又有人叫外賣，睇得出呢間車仔麵都係街坊之日常。坐低一掃手機就可以慢慢睇，慢慢揀。米線底，蘿蔔，生炸豬扒，特級瀨尿牛筋丸，加腩汁。蘿蔔大件又夠腍，豬扒香口，牛筋丸爽到一個點，然後一咬爆汁，三餸印象都好好。另一碗烏冬底，咖哩魚旦，咖哩魷魚，炸蝦條，沙嗲汁。咖哩魚旦魷魚好入味，應該要叫咖哩三寶享受下個咖喱汁。炸蝦條同樣交足貨，大大條。如果食得辣記得試埋免費提供既辣味菜譜，講到明bb辣者慎入。生炸潮汕三寶 $39生炸潮汕三寶絕對非試不可，汕尾馬餃豬肉丸，有魷魚的魷魚丸，深海粒粒墨魚丸全部真材實料，既香口又彈牙，一啲都唔乾身，記得要襯熱食。椒絲腐乳通菜 $16見佢寫住菜園直送，又話嫩口，真係冇呃人。你絕對估唔到嚟食碗車仔麵，碟通菜都咁好食。上湯鴛鴦餃 $30一碗有齊兩種餃，同樣餡料足。
繼續閱讀
車仔麵係唔少香港人熱愛嘅美食之一😍，最近試咗間位於土瓜灣嘅車仔麵，呢度平時成日都人山人海。 車仔麵最重要莫過個湯底，今次加咗$3配一喜秘製嘅黃金雞湯，味道鮮甜，感覺足料。餸方面由每款$10 - $15不等，今次都叫咗好多個餸，非常豐富，包括必點嘅秘製特級瀨尿牛筋丸、魚腐、瑞士汁雞中翼、豬大腸、水魷魚同埋牛腩。另外揀咗$10米線，好煙韌彈牙，有嚼勁😋 秘製特級瀨尿牛筋丸：牛味十分濃郁，具有潮汕風味，食落爽口彈牙，咬嘅時候仲要小心必晒啲汁出嚟，唔怪之得牆上貼咗呢張紙提示啦，原來真有其事。 魚腐好有驚喜，食落好似個福袋咁，入面空心，但魚味濃郁。 瑞士汁雞中翼皮爽肉嫩，香甜惹味。 豬大腸沒有餲味，滷水汁亦非常入味。水魷魚咬落爽脆，送車仔麵一流。 牛腩亦炆得咁稔，滷水都算入味，不過如果剪得大舊啲就更加好。 除咗車仔麵之外，餐廳仲有幾款小食真係必食。 汕尾馬駮豬肉丸：如果去過潮汕相信對馬駮魚唔會陌生，呢個汕尾馬駮豬肉丸即口即炸，咬落燙口，表面酥脆，馬駮魚味濃郁，亦沒有半點腥味，口感煙韌彈牙，滿滿嘅膠質。 生炸貢豬🐷：呢個豬扒即叫即炸，完全無加任何炸粉，但食落非常鬆脆，肉汁豐富，真係令人一試難忘。 小米粿係汕尾係嘅特色小食，佢選用上等嘅蕃薯粉，精選五花肉、馬駮等新鮮配料，食落煙煙韌韌，感覺有啲似魚皮餃。 椒絲腐乳通菜每日由菜園直送🥬，非常新鮮嫩口，腐乳足夠。 順帶一提，呢度如果叫外賣，佢地同一般餐廳一樣會分湯，不過啲湯係獨立包裝，可以直接加熱，包裝乾淨又方便。
繼續閱讀
尋日去咗土瓜灣嘅一間小店食車仔麵見到佢喺Openrice 零負評😳激起咗史努比嘅好奇心 一於試下系咪真系咁好食😎-🔸淨餸(4款起)史努比嗌咗清湯 不過嚟到嘅時候見到有啲辣油喺面但出奇地食落系唔辣嘅🤣純粹有陣香味🤭.👍🏿豬紅 $10 一份有成6舊 都唔少下😆豬紅好夠淋 而且好滑身但依然帶少少咬口😚好食～味道: 8/10性價比: 8/10👍🏿酸齋 $10酸齋有5件 全部都大大舊😍酸甜比例適中 唔會甜到漏嗰種而系酸酸甜甜咁好開胃🤤味道: 7.5/10性價比: 8/10.👌🏿冬菇 $11份量幾多 但史努比覺得佢炆得未系好夠淋如果炆耐啲甜味會更加出 更加多汁😗味道: 6/10性價比: 7/10🔸車仔麵爸爸👨🏻嗌咗碗粗麵麵質正常 煮嘅時間適中🫶🏿👍🏿秘製黃金雞湯 +$3揀咗佢哋招牌湯底飲到明顯雞嘅鮮甜加入南瓜熬製甜味更出 而且感覺好pure清甜而唔油膩🥰飲完都唔會好口乾味道: 8/10👍🏿特級瀨尿牛筋丸 $12大推😳‼️呢粒牛丸真系會瀨尿 一咬開啲汁系爆出嚟嘅差啲彈到對面嘅爸爸👨🏻😂😂牛味都幾濃 而且好juicy 好好食🤤可惜$12得兩蚊真系有啲貴但史努比覺得都值嘅～味道: 8.5/10性價比: 7.5/10👍🏿蘿白 $10蘿蔔清甜冇渣 甜味自然唔系喪加糖嗰種👍🏿炆得好夠淋但唔會over咗一夾就散索咗啲湯汁成個湯嘅精髓都喺晒入面😛味道: 8/10性價比: 8/10.👍🏿生炸豬扒 $15見到唔少人推介 就嗌咗嚟試下但史努比就覺得相對普通😗豬扒炸得幾香嘅 調味亦適中但略嫌肉質未夠嫩食落唔系好夠淋🫣味道: 7/10性價比: 7/10👍🏿咖喱四寶 $59四寶分別系魚蛋 魷魚 牛腩同埋牛柏葉先講醬汁 佢哋個咖喱汁好正😛香辣惹味得嚟唔系辣到乸喉嗰種唔會死鹹死辣 反而系香料味出啲😚.👍🏿魚蛋 7/10正常 幾彈牙 .👍🏿魷魚 8/10超爽口 食落仲有啲爽脆口感😚 .👌🏿牛腩 6/10呢個就一般般 淋嘅時間未系好足夠 筋腩嘅位置咬唔開😗 .👍🏿牛柏葉 8/10索晒啲汁好辣好惹味口感爽脆🤪性價比: 8/10👍🏿生炸潮汕三寶 $39潮汕三寶系豬肉丸 墨肉丸同埋魷魚丸店家提醒話要食咗佢先 啱啱炸起外面keep到少少香脆🥰.👍🏿汕尾馬餃豬肉丸 7.5/10同平時嘅豬肉丸有啲唔同 唔單止系形狀感覺上味道都唔同啲🤣佢唔系死實實硬掘掘嗰啲好易咬開 而且都幾juicy😚👍🏿有魷魚粒嘅魷魚丸 7/10論足料佢的確系好足料嘅🤣見到都幾多魷魚粒不過佢唔講史努比真系唔系好食得出佢系魷魚😂其實味道唔錯嘅只系略嫌唔夠彈牙 如果再彈啲會更加高分😎.👍🏿深海粒粒墨魚丸 8/103款入面史努比最鐘意系墨魚丸食到粒粒墨魚 而且幾彈牙😎性價比: 7.5/10👍🏿汕尾小米粿8粒 $28其實系豬肉粉果嚟嘅外表有啲似魚皮餃🤣外皮晶瑩剔透 食落好煙韌呢種口感史努比鐘意😂豬肉餡雖然唔多 但適當地帶出肉嘅鮮甜豬肉肥瘦適中 味道唔錯😆幾特別又幾過癮味道: 7/10性價比: 7.5/10👍🏿無糖烏龍茶 $10史努比幾鐘意車仔麵提供冷泡茶睇開史努比嘅都知史努比唔鐘意含糖飲料而無糖茶清新解膩又解渴🤪淡淡嘅烏龍茶香 唔帶任何茶嘅苦澀味道清醇 即使唔鐘意濃茶都啱飲🥰味道: 8/10性價比: 8/10.🔸凍檸樂 $10爸爸👨🏻始終都系愛佢嘅可樂🤣🤣*不設加一服務費*.好多時食完車仔麵都會好口渴不得不讚嘅系 我哋食完呢間之後都冇話好口乾證明佢哋冇落好多MSG❤️價錢親民 味道又唔錯 加上唔口乾如果史努比系土瓜灣街坊一定會回訪😆店家好熱情 見到史努比攞住啲公仔影相比咗兩隻聖誕公仔我哋影🤣不過可能佢哋比史努比搶晒fo 存在感好低😂😂佢哋嘅服務態度令人舒適🥰值得一試🫶🏿整體評分：味道: 7.5/10環境: 7.5/10服務: 8.5/10衛生: 7.5/10抵食: 7.5/10回頭率: 6.5/10
繼續閱讀
🙋🏻♂️餓底探員今日去咗土瓜灣調查呢間潮汕車仔麵，麵店有多款手工丸，由資深老師傅手工捶打而成，每款手工丸都用料十足，用心製作，充滿傳統風味，而且價錢親民，店員細心介紹食物，非常好客，充滿人情味嘅一間麵店👍🏻🍡咖喱魚蛋 $16📸表示個咖喱魚蛋一份有12粒，每粒魚蛋都好大粒，配上用咗數十款香料嘅自家秘製咖喱汁，而且限量發售，每人每日限購兩份🙋🏻♂️表示個魚蛋用咗八成魚肉兩成麵粉製成，口感非常彈牙，味道鮮甜，咖喱汁味道香辣，夠晒惹味，食到停唔到口，真心推介👍🏻🐟椒鹽魚片頭 $26📸表示個魚片頭每件都切成三角形，炸到脹卜卜，配上椒鹽，聞起嚟香噴噴，好吸引🙋🏻♂️表示個魚片頭口感彈牙，味道鮮甜，食落同魚蛋好似，多咗份香口嘅感覺，配上椒鹽令個魚片頭更加惹味🍡生炸潮汕三寶 $39📸表示個潮汕三寶每樣有3粒，分別有：🐖汕尾馬鮫豬肉丸，金黃色粒丸方形咁嘅🍡有魷魚的魷魚丸，白色入面有魷魚同蔥粒🦑深海粒粒墨魚丸，金黃色好似粒魚蛋咁🙋🏻♂️表示個潮汕三寶都係手工捶打而成，口感爽彈有咬口，喺味道方面，各有特色：🐖豬肉丸，加咗馬鮫魚，食落豬肉鹹香仲有魚鮮味🍢魷魚丸，入面有魷魚粒，味道鮮香，層次感豐富🦑墨魚丸，充滿墨魚嘅鮮甜味，食落香口🥘重料咖喱三寶 $45📸表示個咖喱三寶分別有魚蛋，魷魚同牛柏葉，面頭淋滿咖喱汁，份量多的確好重料🙋🏻♂️表示個魚蛋已經介紹咗有幾好食啦，至於個魷魚爽彈有咬口，味道鮮香，牛柏葉食落爽口，吸收咗咖喱汁味道好惹味🥩秘製一試難忘沙嗲牛腩 $55📸表示個沙嗲牛腩好大碗，浸滿沙嗲汁，底下有白蘿蔔🙋🏻♂️表示個牛腩口感軟腍，吸收咗沙嗲汁，食落好入味，白蘿蔔味道清甜，食落無渣，沙嗲汁味道濃厚，充滿鹹香🍡特級瀨尿牛筋丸 $36📸表示個牛筋丸一碗有6粒，配上生菜，放咗喺個湯入面🙋🏻♂️表示個牛筋丸好彈牙，咬開會爆汁，滿口充斥住牛肉汁味道，食嘅時候記得合埋口，避免肉汁四濺，因為真係好爆汁，呢個瀨尿牛筋丸 係會食上癮，個湯有啲似生菜魚肉嘅湯，加咗麻油同胡椒粉，飲落好香口🍜 汕尾紫菜四寶 $49📸表示個紫菜四寶分別有汕尾馬鮫豬肉丸，有魷魚的魷魚丸，特級瀨尿牛筋丸同汕尾手工小米粿，配上秘製黃金雞湯🙋🏻♂️表示個四寶頭三寶上面已經介紹咗，個汕尾手工小米粿外形好似潮州粉果，用咗馬鮫魚同五花肉等配料製成，外皮口感軟糯，咬落充滿脂香同鮮味，個黃金雞湯係用雞腳加上南瓜熬製而成，飲落甘香，好有鮮味，好好味嘅一個湯底⚠️話說本身係外賣拎走，屋企人話喺度食，結果轉咗堂食，但碗紫菜四寶已經放咗入外賣盒包好，佢嘅外賣盒係鋁罐包裝，店主話用鋁罐可以保障外賣平台運送時唔會有打開過外賣盒，雖然成本提高咗，但可以確保食物品質同衞生，有良心嘅一間小店👍🏻📈吃貨指數😋好味度 9.5/10🔙返啅度 9.5/10
繼續閱讀
今日去咗位於土瓜灣嘅一喜車仔麵食下午茶下午茶時間非常多人座無虛席 豪華九寶車仔麵 超級大兜有九種唔同嘅材料 選擇困難症就啱晒啦 當中牛腩蘿蔔同雞翼就最出色蘿蔔炆得又淋又入味入口即化 牛腩牛肉味濃郁，同樣又鬆化嘅口感 雞翼滷水味好正 另外仲加咗招牌即炸豬扒同埋酸齋 酸齋酸酸甜甜勁開胃，口感煙靭生炸潮汕三寶 汕尾馬交豬肉丸有魷魚嘅魷魚丸 深海 粒粒墨魚丸 全部都炸得金黃色，令人食指大動酥炸潮汕雞卷 外面係腐皮包住雞肉同埋蔬菜非常有口感
繼續閱讀
您可能會有興趣的...