影片
港鐵朗屏站 B2 出口, 步行約2分鐘
繼續閱讀
營業時間
星期一至日
18:00 - 01:00
以上資料只供參考, 請與餐廳確認詳情
招牌菜
被佢嘅90分鐘任食大閘蟹放題吸引左去，寫明6點至7點半，$228+10% 公乸大閘蟹加4款熱食及薑茶湯圓任飲任食。去到變左6點至7點15分，都算啦～已經Book左枱，6點正到達，門口已有20人，6點先開始比人入，但時間已計算中，店方安排所有人入座後，已6點15分，再分發二人一份的雲吞生菜，一人一小碗蟹粥及炒麵，汽水唔問佢，佢都唔講要自取，大閘蟹呢6點20分追問先開始每人排一隻，得公冇乸，又話任食，叫佢比多一隻都唔比，要等佢定時配給囉，而雲吞生菜、蟹粥及炒麵，又唔主動Refill，Order 左又唔來，又話送薑茶，叫左二次都唔比。大閘蟹到7點又話Last Order, 要埋單，但都係配給多一隻囉，我地不斷食，3男一女都只係被分發左26隻，好明顯唔夠分啦～最後，個個都唔飽，要再去食麵
繼續閱讀
從某網上群組得知新大眾有75分鐘任食大閘蟹，影出嚟嘅相吸引！價錢亦都好吸引，雖然時間上就趕啲！所以決定book位一試。星期六7:30準時到達，鋪頭環境感覺好臨時，估計屬短期租約，主要賺蟹季嘅錢吧？！接近於路邊大排檔感覺，加幾塊大膠片擋冷氣用，冇裝修可言⋯但呢啲都係其次，最重要係食物質素。一行幾人坐低，員工已經急問食邊款價錢嘅蟹，我地都跟隨網友揀左最抵食嘅$228/位+10%，3至4兩半重嘅蟹。最後員工留低一句：75分鐘限時。就閃走左⋯由於第一次食，都唔知點order好，mark檯嘅員工冇解釋就先上一碟蟹粉餃子同四碗蟹粥，仲有一壺薑茶。其實都唔係咁想要，不過已經擺左上檯就試下啦。蟹粉餃子賣相其差，一pat嘢咁！麵粉打茨太杰，蟹粉餃冇蟹粉，同普通餃子冇分別，而且口感太糊！蟹粥反而易入口，質感唔錯，味道亦適中，可惜蟹粥嘅蟹在哪裡？薑茶味道唔錯，暖暖地飲就最好，擺凍左會變好辣。坐左10分鐘⋯完全冇人通知大閘蟹幾時上，始終主菜係大閘蟹！結果追問之下，mark檯嗰個員工先理下我地，我地先叫8隻/4人，跟住佢竟然話先上四隻先，怕凍左？？算⋯4隻先囉！第一輪上左4隻大閘蟹，拎上手份量都重重地，有兩公兩乸，第一隻當然要影下相啦，因為襯對手仲乾淨～不過拆蟹之後就冇再影，始終75分鐘係比較趕時間。果然，蟹膏都幾多，好靚好香好甜，蟹身同腳都幾乾淨，心諗真係幾唔錯，冇揀錯！而且蟹乸質素比蟹公好！結果5分鐘都唔使就食完4隻蟹。好開心咁叫多12隻，即每人三隻啦～點知order 12隻，嚟到得8隻～都算！但第二輪嘅大閘蟹已經唔係好似第一輪咁靚！說好的靚蟹膏呢？蟹膏顏色淡，金奶黃色不再！蟹膏份量較少，口感麻麻，味道亦唔甜較淡，蟹身比較污糟⋯有啲仲未拆就甩腳，有啲蟹肉較霉⋯搞咩呀？點解可以同第一輪相差咁遠？結果75分鐘食左10隻，朋友就食左7-8隻左右⋯但評分係劣！得出結論就係街市$100有5隻嘅質素！亦都得出第一輪點解質素特別好嘅結論，就係因為影相會靚啲！擺上網俾人睇都呃得下人囉！呢啲貨試一次就夠！唔會有下次。因為除左首輪大閘蟹可以食得之外，其後全部都係次貨！離晒譜！未去之前仲擔心佢究竟有冇錢賺？食過之後，佢賺到笑啦！除大閘蟹質素差之外，服務亦好差！mark位員工態度唔好，剩識強調75分鐘，其他免談嘅態度！舉手唔該落order叫極都冇人應，明明地方唔大！order件數冇次啱，根本就係隨佢地自己中意上幾隻就幾隻！最有效率嘅就係埋單時刻囉！快靚正！可笑！建議怕蝕就唔應該做任食！做得任食，麻煩有高嘅效率同見得人嘅質素！飲品都要客人去雪櫃自取！服務加一又有乜嘢意思？
繼續閱讀
今日唔知點解好想食餐勁既，就晝晏book 左夜晚去食大閘蟹放題，佢就21:15 同22:30 俾我地揀，我地就揀左22:30。我地22:20 就去到喇，等左大約15 分鐘就入到去食，坐低就可以任食75 分鐘。一入到去佢就會放低一d 前菜，我諗每枱佢都係random 咁放低，我地就有蟹餃子同蟹粥。 蟹餃子我覺得唔係好熱，所以麻麻。但蟹粥係好味既，雖然重胡椒但係係好味既。蟹我地係叫左$208 任食果隻。佢話係三両半至四両既，我覺得好食呀，好多膏，都算幾肥美。下面張圖係$288 任食四両半至五両的蟹既，係我叫隔離果枱人借俾我影既，哈哈！其實我覺得大細就差唔多，而味道一唔一樣我就唔知喇。最後我地兩個人75 分鐘食左10 隻，飽又唔係算最飽，但就覺得累同滿足既，因為75 分鐘係咁食係咁食，好似食停過咁。 不過大閘蟹放題係一次就夠喇，都要為自己健康著想既，哈哈！
繼續閱讀