中泰味美

營業中

休息中

雖然係叫外賣但估唔到係咁好食我叫嘅冬陰功我估唔到個冬陰功係咁好食我以為同坊間嘅冬陰功無咩分別唔會有咩咁突出我錯了，的確好突出 好好味我老婆嗌個金邊粉 可能局住咗一陣 口感差少少但我同老婆講 如果堂食嘅應該係會更好食佢嘅金邊粉嘅蝦 真心啖啖肉我個水晶粉簡直唔可以用言語去表達我覺得真係好正同埋佢嘅扎肉呢個真心夠曬顛因為坊間啲餐廳呀或者超市賣嘅扎肉一般嚟講都係比較實少少好似食啲腸仔咁，佢個扎肉唔係咁口感好豐富，我重咬到扎肉裡面嘅香茅應該係香茅定芫荽？唯一有唔啱嘅嘢我諗係支菊花茶，因為味道 係佢係低糖或者無糖？佢嘅味道我同老婆都唔係好啱 陣味其實幾似跌打酒味，但我都願意去試吓其他嘢飲，嘢食真心可以再Encore!!!!總之我同老婆都有同一諗法呢間嘢真係可以Encore 多幾次！！！

泰菜要煮到佢呢種層次直是好高難度。魚肚羮 一pat 獻汁+ 勁重胡椒粉， 最驚嚇入面有豬紅？？？！！！ 成個配搭好奇怪。炒金邊粉雞肉冇味又柴皮，連d 粉都可以冇色又冇味。＞_＜‘’最正常應該係串燒雞翼。

係網上外賣平台 諗住近近地叫黎食下 叫左個生菜包 炸蝦餅 菠蘿炒飯 黎到見到個生菜包肉碎 好乾 無味既 連少少辣味 酸味都無 d肉碎仲要勁大舊 菠蘿炒飯d飯生既 炸蝦餅又唔脆 中晒伏 無下次

今晚想食泰國菜，行下行下見到呢間小店，見到價錢都相宜，入面都有幾檯食客，於是就入去試下啦！ 叫左三樣野食，包括有豬頸肉炒飯、泰式粉粉絲同埋炸蝦餅~呢個炒飯都唔錯，食落幾香，亦冇油膩感，d豬頸肉亦都夠腍，感覺幾健康！呢碟粉粉絲都夠份量，都有唔少海鮮，亦炒得香，唔油！ 蝦餅好好食呀！ 彈牙香脆，點埋甜酸醬，冇得輸！ ：）呢間小店食物份量足，感覺健康，而且價錢相宜，值得再食！店舖少少，但選擇好多，下次可以試下其他野食！例如串燒！

今日去咗這間鋪😘超級正宗美味嘅泰國菜！食咗海南雞飯同埋菠蘿炒飯仲有好正嘅冬陰公湯當然唔少得龍眼冰茶啦🤗海南雞飯~飯好有油水和香另外啲雞非常之嫩滑再加上特別嘅醬料簡直係絕配菠蘿炒飯不同一般嘅泰國鋪頭嘅炒飯有好多配料😂你有肉鬆啦菠蘿啦雞啦腰果啦⋯⋯配搭得非常美味，而且份量十足足夠三個人食用😘🐖不可不提係個冬陰公湯😘超級正宗同埋啲蝦好大隻🤗味道好鮮甜加上泰國嘅香料！簡直係一試難忘😄正正正另外個龍眼冰茶簡直係夏天必選消暑解熱甜到入心！

上次提到在土瓜灣附近吃了一家很不濟的泰國菜館，是晚老公提議再到那條街另一家上次沒開門的泰菜試試，去之前我已經警告他如果這一次再吃到難吃的話，他要請吃宵夜。店子不大，有歲月的痕跡，不算特別光猛的那種，感覺舊舊的。餐牌裡有照片，不過照片水準實在不敢恭維，毫不夠吸引又有點out focus，還是看文字比較好。本來想吃泰式咖喱，即是有加蛋，味道甜甜的那種，可是找遍整個餐牌都沒有，只有紅、青咖喱，最好只好點回平常常吃的菜。冬蔭公。裡面有三隻大蝦，雖然蝦膏月味稍弱，但椰奶味重，不太辣，算是做得不錯。豬肉生菜包。這裏的生菜包款式不少，有豬頸肉、雞軟骨，這些之前都好像沒見過。豬肉有點濕，但不嚴重，不過辣度和酸度再強一點就更好。青木瓜海鮮沙律。海鮮有魷魚、蝦和蜆，青醬汁帶點泰式鹹醃蟹的鹹香味，挺有風味。扎肉湯河。見到鄰座有一個男人獨自來點了碗扎肉湯米粉，所以我們也跟叫了一碗，不過就要了河粉。河粉非常之粗，份量極多，有點碎，我覺得點米粉或金邊粉會好吃一些，另外扎肉的味道偏甜了點，跟上星期在越南居吃到的扎肉相比，這裡的調味略重，不太吃得慣。雖然不是每個菜都滿意，但水準實在不比九龍城的差，亦肯定比上次吃那家

去到土瓜灣行入內街，又想食泰國菜！行到門口🤔唔係話裝修好好，但係都多人食。咁就膽粗粗入去試試喇😳叫咗一個set！但有炒通菜生生菜包冬陰公湯再加多個無骨鳳爪，不過哩個個人覺得麻麻哋，因為太多汁！會下次試吓其他！

如果唔係朋友介紹，我都唔會知呢間餐廳，見到亦都未必會入黎食野。間餐廳裝修比較舊，亦都唔會話好靚，但係佢賣既係正宗好食既泰國菜！！我地叫左條烤魚，烤得又滑又香，好鬼正😆😆😆我一個人都可以食半條！而個豬頸肉生菜包都唔錯，但我都係中意食番肉碎個隻生菜包😆😆😆皮蛋蝦餅真係好脆又好食，暫時係我食過最好食既皮蛋蝦餅🤤🤤🤤反而我覺得個馬拉盞炒菜有少少咸，而且個味道同以前食既唔多同，朋友話呢間係比較正宗，所以會有少少唔同。

臥虎藏龍🐲🐉超好味😻正宗泰國菜超平又夠鑊氣👍🏻👍🏻✨✨✨✨✨✨✨✨✨✨✨✨✨✨內街既小店廚師係泰國人👨🏽‍🍳雖然賣相平凡但份量十足👍🏻而且好好味😋蝦醬炒飯($38)🍛送上炒飯嘅時候 超香蝦醬味🍤急不及待想食炒得夠乾身最好豬肉碎融入炒飯好有口感🐷配上肉鬆 更有層次好好味👍🏻😋但佢豆角係偏生既😮不過混合炒飯進食就唔會發覺雞肉炒金邊粉($38)🍝超多雞肉而且好嫩滑🐔不過稍為重口味 偏鹹🙈麵質岩岩好 唔會太林而且有少少煙韌比起平時嘅金邊粉 較多汁極力推介❗️❗️串燒套餐3B($60)🍢🍡串燒好野味🍢燒得岩岩好配上特製沙嗲汁好好味😋😍豬肉串一啲都唔乾 啲汁擠晒出嚟👍🏻👍🏻雞肉串超嫩滑 而且好入味🤗值得欣賞因爲大部份嘅雞肉串通常都係無味 只靠後點既醬汁但雞腎就略嫌失色 雞腎較乾而且無味唔值得食🙈💡套餐仲包椰汁冰添🍸雖然環境就唔算太舒適不過又平又好味😋大部份食物都只係＄50以下😻環境又算得啲咩呢😎

放工收得夜，夜媽媽想食飯，點左個出面少見既牛肉生菜包飯，呢度由泰國人主理，所以口味都幾正宗，同埋都辣。酸酸辣辣幾開胃，牛肉碎入味夠辣，撈飯好好味，d飯亦乾身，係我鍾意既軟硬度。好味的，推薦大家。堂食環境麻麻，但都好多熟客幫襯。

宵夜醫肚買外賣, tried 串燒 only已是深夜近 1:00am, 燒BBQ 的姐姐仍很有心機慢慢燒 , 要10多分鐘選了羊肉串燒, 雞肉串燒羊肉: 嫩而彈口, 唔羶, 入味 (食落初時仲以為係牛...)雞肉: 無皮,(健康d, 不過有皮會香口d)can choose spicy powder or 沙爹選了spicy powder, 夠味