九記海鮮小廚

營業中

休息中

大排檔式！坐得不舒服！价钱是中上！味翩咸！ 椒鹽同炸物鑊氣夠！蒸鱔都算幾好！蒸大扇貝都幾貴！只是夠大隻！初初開時要六点覇位！現在好像無咁多人！因為坐得不舒服！所以啲客吃完就好快走！七点半去就不要等好耐！

今晚同幾個朋友嚟土瓜灣食飯，附近食店林立，好多選擇。朋友話呢一間唔錯，所以就膽粗粗入嚟試吓。點知原來有驚喜，以為平日過嚟會冇人點知，原來都座無虛席，我哋等左一陣就有位喇。首先講返先呢間一個係好舊式嘅小菜鋪，個椒鹽三鮮好好味，真係好食都停唔到。個炸豬腸好好味，再配以佢哋嘅醬汁真係冇得彈。不得不提嘅係佢哋嘅蒜蓉粉絲扇貝，真係好離譜，好若味👍🏽👍🏽👍🏽開邊蝦粉絲，鮮甜！最重要係佢有我最鍾意食嘅田雞煲啊，好香係個煲裏面，啲味道吸引我叫多碗飯，啖啖肉。另外我哋有叫過脆魚腩煲,真係落足料我哋幾個食到停唔到口。我覺得呢一間舖啲嘢咁好食，叫人點減肥呀。呢種小店我哋要多多支持，老闆娘好好人，介紹我哋唔同嘅菜式。我一定會再嚟嫁！

前晚前一行六人（本身有七位，有一個臨時病左冇食神），離開將軍澳，去土瓜灣呢間小炒餐廳食飯，我最鍾意支持本土炮，個種懷舊風味響連鎖集團或外國餐廳係食唔到的。果晚超級爆滿，等左陣先有張大枱畀我地坐，我地嗌住啤酒飲住先等上菜。黎到呢度又令我諗返以前十二三年前中學去食大排檔個境況，好慨嘆香港本地風味呢類非物質文化，真係隨歲月消逝的...野唔講咁多，睇相起筷！蒜蓉蒸扇貝 ⭐️⭐️⭐️⭐️⭐️好新鮮！扇貝超大隻！同埋個蒜蓉汁好好味！送飯一流，蒸既時間岩岩好，扇貝唔會乾！掂！香蒜蒸海蝦 ⭐️⭐️⭐️⭐️⭐️蝦都係正常大細個d，但係食得出肉新鮮爽口唔會霉，蒜蓉汁太好味！搞到食晒d蝦，我都係度齋拎蒜蓉汁撈飯！椒鹽三鮮 ⭐️⭐️⭐️⭐️⭐️呢道又係冇得頂，九肚魚、鮮魷、白飯魚，份量好多！炸粉薄，九肚魚夠肥美，鮮魷夠彈牙又唔難咬，白飯魚度度都差不多，但呢度一次過畀你食晒三樣！椒鹽配合得好好，唔會太咸，又夠味！正！田雞煲 ⭐️⭐️⭐️⭐️個人對田雞興趣不大，所以冇點食，剩係食左幾條洋蔥，但同行朋友話田雞肥美入味，可以一戰！魚腩煲 ⭐️⭐️⭐️⭐️⭐️我一咬落去，魚腩炸到脆，好好咬牙。初頭以為係脆骨腩，原來係普通魚腩，咁又係，點會咁平食到脆骨腩，份量滿溢！魚

同事家中聚會都常常嚟呢個食海鮮適逢某大節日，特意詢問其店名，就一行人浩浩蕩蕩到九記食餐勁嘅友人早一日打電話諗住留位，點知呀姐親切地表示實有位店裡面已經差唔多坐滿，幸好仲有一兩枱同事介紹嘅蟶子當日冇貨，可惜咁就食咗人頭蒜蓉扇貝，一人一大隻上枱時熱辣辣，蒜蓉多到火山爆發咁，仲有粉絲吸汁勁大隻又肉厚，好正！椒鹽雙併有九肚魚同魷魚以往我都比較鍾意魷魚，但係九肚魚今次就較出色，食咗好多條蒜蓉開邊蝦，火候啱啱好，爽口彈牙咕嚕肉份量真係超多，炸得夠乾身，上咗咕嚕汁都唔會太淋豆苗大大碟，只要六十八個大洋，抵食可惜油鹽水浸蜆就太咸了

晚上時間，就立即來了土瓜灣這間小菜店。我們還在搵九記其實在哪裏🤔，友人答「在美景街，步行過去幾分鐘而已」。我還奇怪，碼頭哪有這麼近的小菜店，原來在兩條窄巷中間，的確有不少食肆😲。看看門面，也像是油麻地、佐敦那一種打冷店，店內的好像不少都是熟客，不知他們是什麼關係，青年很少來這種小菜點渡過節慶。但其實，你又不是信徒，這些信徒的西方節慶，究竟跟你有什麼關係？為何這個節慶要倒數？非常明顯，慶祝節慶🎁，外出吃大餐，只是商家的策略。非常高興，身邊很多好友，都洞察這個問題，並無墮入圈套。你有你節慶，我有我小菜🍻🥢。猶如金田一與傀儡師，像平行線，永不相遇。九記的蒜蓉的確非常強勁，基本上每一味海鮮，你都可以選配以蒜蓉蒸，吾等點了蒜蓉蒸扇貝、蒜蓉蒸開邊蝦、油鹽水煮蜆、椒鹽鮮魷九肚魚等。油鹽水煮蜆初來到的時候，溫度夠熱，沒有顯得太鹹，但是放涼了之後，油鹽水浸了粉絲之後就更加濃鹹😑。椒鹽九肚魚及椒鹽鮮魷，初炸好較香脆，但是放涼了，就顯得比較油膩。我們比較喜歡的，還是有蒜蓉的幾度菜式，例如蒜蓉開邊蝦，與及蒜蓉蒸扇貝。蒜蓉扇貝，非常出色，蒜蓉的份量相當豐富，放在平面上看一看，扇貝與蒜蓉用的比例，可能是五五比例。

享受左豐富晚餐，每道菜都好好味，我想介紹一樣特別出色既，就係「九記椒鹽九肚魚」。自認係八卦人仕，點菜前會環顧四周，見到每枱都有呢道菜就知道係必食菜之一。椒鹽九肚魚最重要係咩？本人認為就係香，脆，鬆化。九記就真係做到呢幾點，與此同時，食落唔會覺得成口炸粉，皮薄，我一個人食左半碟都唔覺油膩！今晚仲食左其他小菜：蒜蓉粉絲蒸聖子皇，黑椒煲仔牛仔骨，上湯豆苖，蒜蓉炒西蘭花，蒜蓉蒸開邊蝦。樓面服務更抵讚，好招呼好笑容親切感滿分！一定再黎食

早前晚上同一班親戚食飯，埋單$1400 。每樣餸 $59-69 ，叫咗9碟，另外每人一隻扇貝 $49/ 隻，加埋5碗飯及2枝汽水，差價都成截。原來落單個阿姐無問過我地就擅自加大幾樣餸，索價 $150/碟。上枱個時又唔多覺同其他餸份量有差別，老細用咗大碟上，份量多d。一，我地落單又無叫加大，擅自同我地落單，又收貴嘅價錢二，份量不多，收加大價錢，餐牌又無寫加大價錢三，服務一般，個個阿姐都推比第二個，遲遲未有人落單四，環境擠迫，不宜8人以上聚餐價錢黎講就一般，尚可接受，可惜收費唔老實，食物及服務中下，非常失望。不推薦比食客。

作為土瓜灣街坊，咁多年都食過無數次九記，每次大家都覺得大碟夾抵食。可惜今年第一次再幫襯就大失望啦因為通帳關係食物加價都合理，但加左價連食物份量都減少左價錢都係其次，最令人失望係叫左4道餸，有3道餸都超超超咸！蒸魚雲，蒸蟶子，八珍豆腐煲全部勁咸，完全好似落左成匙羹鹽咁。 基於唔想浪費食物之下，豆腐煲最終要沖水先勉強食左大半除左蟶子上的粉絲超咸，蟶子仲有好多沙⋯⋯九肚魚和魷魚係唯一正常的餸返到屋企仲好口渴，要飲左一大杯茶先冲淡到口入面D咸味。作為呢度常客，今晚呢餐飯實在令人失望。希望九記可以維持返以往的水準，否則長遠難以維持現時其門如市的光景⋯

椒鹽九肚鱼同尤魚，皮薄脆，點醋食解下油膩。苦瓜炒蛋，苦瓜爽脆冇苦味，炒蛋唔老有蛋味。糖醋骨，皮太厚，茄汁味重，菠蘿係新鮮菠蘿。魚香茄子煲，好似用豆瓣醬煮，味道係古怪既。金銀蛋豆苗，夠味，豆苗似過一過油，又嫩口。唔食鱔，食左啖仔，腥腥地。

今晚同屋企人出街食，始終長輩都係喜受食中菜，所以又黎左我地既飯堂食飯。其實平時屋企唔煮飯就會黎依度食晚飯，主要叫小菜食飯，簡直係我地既飯堂 一般都要等一陣位, 因為實在太爆場, 老闆都好友善叫我地等等。終於等左5分鐘可以入座啦, 我地叫左四個小菜同四個白飯, 如果唔想食飯, 都可以叫白粥架!蒜蓉粉絲蒸扇貝: 扇貝大隻到同手掌有得揮, 超多蒜蓉同粉絲撈埋白飯食一流椒鹽鮮魷: 炸得岩岩好, 皮薄唔多粉, 鮮魷一咬就分開, 係依度既皇牌蒜蓉炒豆苖: 炒得好入味又多汁同份量好大碟豉汁蒸鱔: 豉汁多到可以撈飯食, 有少許陳皮碎, 鱔蒸得岩岩好, 肉質鮮嫩。依度除左哩幾款之外, 蒜蓉粉絲蒸開邊蝦同咸旦蒸肉餅都係我既至愛。 此外, 老闆都會依客人人數去預大中細既份量比客人自己選擇想要叫幾多份量。 所以想食多幾款餸, 可以叫細碟D, 因為細碟份量我都覺得已夠四個人食, 我叫左四個餸, 每人埋單都唔洗過百, 真係平靚正。

第1次黎呢間飯店食飯，因打完比賽，我地1行10人，所以朋友介紹去呢間食，呢間飯店比較舊式，環境衛生又不算太好，但餸菜勝在夠大碟，每款菜式都可以食2~3轉，而且味道唔差，係落腳點比較麻煩，一定要揸車先可以到.......推介一定要食~~蒜蓉蒸扇貝，超正，蒜蓉，粉絲夠多，味道唔太咸，必食

要不是家姐黎過食飯, 我想我絕對不會黎呢度, 更不會進入此店用餐,只因樓面太舊, 又迫. 但呢度既食物絕對大件夾抵食我到達此店門口發覺好多人係度等位, 好彩家姐45分鐘前打比佢住係附近既朋友幫手排隊攞位.而且仲叫定"食送"添1) 粉絲什菜煲 - 南乳味好香, 而且好大煲, 用料足, 又魷魚又蝦干, 送飯一流2) 蒜蓉蒸聖子 - 超級大隻既聖子, 不過只嫌蒜落太多, 比較咸, 粉絲夠淋最好用黎送飯食3) 豉汁蒸魚雲 - 又係份量十足, 但我覺得豉汁味道不太夠,雖然顏色十足, 但魚本身唔夠入味, 影響左碟魚 4) 蜆介綾魚球 - 一碟10幾粒, 魚肉夠彈牙, 但蜆介個汁比較咸5) 蒜蓉蒸扇貝 - 因聖子既煮法一樣, 蒜蓉好似唔洗錢咁落好多, 而且扇貝好似蒸得耐左少少有D老6) 豉椒炒蜆 - 佢用既蜆, 我以前未食過, 雖然細細粒,但係D肉比較肥, 食落好有口感.7) 椒鹽豆腐併魷魚 - 聽家姐講平時係魷魚併九肚魚架, 不過九肚魚賣哂, 但呢個都好好味, 魷魚夠大,炸份又唔會太厚.唔錯.我地5個人最後食左$8XX左右, 都抵食呀, 樣樣都大大碟, 其實多幾個人都夠食.我地仲要打包左D魷魚綾魚

約了多時的土瓜灣之友飯局，最後，始終未能排出完整陣容，其中一個核心K先生，因為要拍拖而缺席。幸好，連同小弟，家弟，也有五位新舊街坊出席，全男班上陣，無須上高級館子，越麻甩越好。想起也很久沒來過，土瓜灣美景街，廈門小吃對面的九記海鮮小廚，記憶所及是平，靚，正。當我致電訂位，店主說：（唔使訂架喇，你嚟到等一陣就有位！）他說得沒錯，我們晚上七點半來到，只是等大約五分鐘，便可入座，小炒店快上快落，怎能容許你在磨爛蓆？當我們看著餐牌，女店員走過來，例牌推薦一些比較貴價的菜式，所謂貴價，都是四十元一隻聖子皇，一百五十元的蒸中蝦而已。其他小炒，價錢由＄50到＄80不等，幾個麻甩佬，你一言，我一語，最後先上桌的，卻是椒絲腐乳炒通菜。F先生：（唔食條菜，點掂？）這番話出自他的口中，更具震撼力。K先生沒有甚麼意見，只要求一味腰果雞丁，上桌的一刻。。。眾人：（嘩！咁都算炒過？啲腰果似係後加上去！有無搞錯？）上小炒店不能沒有椒鹽菜式，鮮魷與白飯魚皆做得不錯，外表酥脆，不算太厚之外，包著的鮮魷彈牙，白飯魚亦嫩，只是有點奇怪，整晚我們滴酒不沾，只喝汽水，目的是想憑著可樂來流著少年脈膊，來忘懷一切失落？哈哈哈。每次

今日想食海鮮，就近近地去左九記，門口好多人等位，我係門口等左一陣，先發現自己搵位，我們兩人叫左個蒜茸扇貝，但$40 1pcs 有D貴，䈡爆牛肉，略香，炸零魚球$69，好香魚味，好多，䢖議一班人先好叫，勝瓜魚雲湯，清淡，冇腥味，可以一試！，食完成晚好口渴，唔知係D牛肉，定蒜茸！？

京都骨，酸酸甜甜，令人開胃。大排檔的風味，餐牌內的食物款式，真的很多款，樣樣都想吃，價錢比我想像中還優惠。今天星期二，平日時間，但8時來到要得大約15分鐘才有位。十分受街坊歡迎的一間海鮮廚。我都是第一次見臨，立即已想好幾款招牌菜了。鼓汁炒蜆，粒粒蜆又大隻，抵讚是蜆肉內沒有沙。招牌菜:炸鯪魚球，一粒如乒乓球那麼大，內全是鯪肉，真材實料，熱辣辣的吃下去，鯪肉新鮮，肉質彈牙，一碟十幾粒，絕對抵食。雙併椒鹽九肚魚鮮鱿:正考慮又想要鮮魷或九肚魚時，侍應生說可以雙併。又猜不到會有這麼大碟的⊙_⊙份量十足，脆口十足，熱辣辣十足，真的不可不吃。九記招牌菜:蒜蓉蒸蝦，蒸好立即上檯，香噴噴的蒜蓉香，這碟內有十幾件半邊蝦，蝦肉鮮甜，連蔥蒜一起吃，更野味。值得推介。yummy椒絲腐通菜，好像有一點這喊。(^_^;)勝瓜豆腐魚雲湯，淡淡的清甜味，配上魚雲更鮮甜，不可飯可飲二碗湯的。  大排檔的風味，餐牌內的食物款式，真的很多款，樣樣都想吃，價錢比我想像中還優惠。