影片
付款方式
以上資料只供參考, 請與餐廳確認詳情
之前有一日計劃去灣仔那 間九頭鳥米線，怎料上司突然邀約去午餐，結果就取消了到灣仔那間的念頭，還無端吃咗百幾蚊午餐添。這次沒有計劃之下，小嬰又突然睡了，於是就剛剛有個機會可以去藍田這間看一看，原來是之前曾經經過的位置，那就更加好。看看它的餐牌，的確和譚仔差不多，那些湯底的選擇好像比譚仔更多，不過你第一次來，都不知道四川麻辣、麻酸辣、或是湖南酸辣，究竟有什麼分別，電子落單又和實體餐牌的字眼有啲出入，有待改善。一人點了個兩餸試一試，我的酸辣湯底的確偏酸，肯定比譚仔的酸辣更加酸，不過又未去到難以接受的那種味道。的確有點兒像友人所講的狀況，它不算特別好吃，但又未至於令你感到難吃的感覺，其實和譚仔味道差不多，兩間邊間少人，我就會去邊間，至少九頭鳥的配料選項都挺多。不過有些人話九頭鳥是譚仔和南記的混合體，我覺得它的春卷，雖然也標榜是魚肉春卷，不過，內裏的餡料，質地好像偏向人工，沒有找到太多魚肉成份，因此口感還比南記的差一節；只不過它新鮮炸起，外皮帶點腐竹般的味道，較為脆香，這點值得一讚。另外的腩肉，其實和譚仔的，夠厚，都大片，不算太過乾瘦，不錯。太太的雞肉墨魚頭，沒酸的湯底五小辣較香辣，似乎味道較佳，不過其實兩個白的的湯都有不同味道，難免令人有新奇的想法不過佢嘅小食呢就真係覺得麻麻地，這個大漠豬頸肉，圖片的模樣就相當好，一片片，但是外賣的這個碗仔你睇吓，薄薄的，沒有厚度，而且偏瘦偏乾，完全唔似豬頸肉嘅質地。蒜泥白肉，雖然味道都是都係蒜泥，但是豬肉的脂肪不多，又切到黐住晒的質地，冇乜脂肪的白肉，即使幾多蒜泥都好吃起上來都會比較差。三個小食裏面，青瓜算是比較好，那個辣汁比較接近譚仔的那個味道，估唔到堂食質素唔錯，外賣幾款小食，質素竟然那麼低下。這天剛好是聖誕節節日臨近晚市之前五時許的時間，還要是位於藍田遠離地鐵以及商場的一段路，所以比較少人，完全冇人排隊，內裏也只有幾台客，這樣坐得鬆動，吃得舒適，體驗當然比較好。你話大熱天時又或者係寒風澟裂，要在街頭等位10分鐘或以上的話，你自然會對他的米線的期望更高，因此就當然冇咁好食啦。
繼續閱讀
招牌牛肉麵，明明手機落單有得揀加麵底，結果服務員話無得加，淨係米線先可以加，比錢都唔可以加麵底，淨麵都無，係咪搞笑😂做生意靈活小小都得挂，又或者update吓落單系統、以免爭拗
繼續閱讀
米線愛好者終於試佐九頭鳥啦雖然友人覺得呢間同譚仔三哥差唔多但個人覺得「重慶麻酸辣」真係好正！而且仲有少少酸豆角，個湯底真係幾惹味😝「雲南酸辣」比較酸，怕酸嘅人，唔建議呀～·米線都算滑～唔會好硬身·除佐湯底，啲餸都算精彩個人好鍾意魚肉春卷～無聊的我，發現其實嗌一個餸好似抵啲😂單拼有5條但如果雙拼，同樣嘅價錢，得3條🥸··下午茶時段去，鋪頭無咩人，坐得好舒服見到我哋帶住小朋友，姨姨仲俾佐一隻用熱水沖過嘅碗，好窩心！
繼續閱讀
噚日同三五知己去咗間米線店食晏，真係有啲意外嘅驚喜喎。😲未落單之前，我哋先係度傾計，店內環境幾舒服，清一清胃都算係一種享受。話唔多說，直接點咗重慶麻辣湯底加上牛肉同鮮蝦，個湯底真係足料，辣得黎唔會蓋過牛肉嘅鮮味，啖啖肉嘅感覺真係過癮。牛肉意外嘅嫩滑，每一口都能咀嚼到肉質嘅細膩，而鮮蝦嘅部分，完美保持住彈牙，同麻辣湯底搭埋一齊，簡直係絕配。😋當然，點米線肯定少不了配點小食。我哋就試咗墨魚頭，佢哋嘅墨魚頭真係又香又脆，濕淋淋一啖咬落去嘅時候，個辣油就四溢開嚟。嗰種鮮味加上微微嘅辣，一言難盡，真係要自己試過先知。雖然等菜嘅時間有少少長，但每一樣菜都令人覺得值得等待。同朋友一邊嘆美食一邊嗌嘢，發現時間喺不知不覺中就過去咗。總之，呢間米線店係一個可以讓人回味無窮，同朋友分享美好時光嘅好地方。下次仲要再黎試下其他口味！👍
繼續閱讀
餐牌上配料超過30款🤩有6款湯底可選擇亦可按個人口味選擇不同辣度🌶️重慶麻酸辣魚肉春卷米線🍜🌶️湯底揀左重慶麻酸辣(最少要3小辣)，食到麻的感覺比較強烈，辣味好輕微因為叫左3小辣，但完全食唔到酸味，有5大條魚肉春卷份量都唔少😍，表面炸到脆卜卜，其他配菜有腐皮，豆芽，配煙韌的薯粉吸盡麻辣湯的精華，最後食晒整碗蕃茄魚腐米線🍜🍅魚腐較薄身，跟平時其他餐廳有唔同，口感軟腍，湯底揀左蕃茄湯，見到有蕃茄肉一齊煮，食落幾開胃，米線軟硬度適中整體來講，食物質素不過不失，但店員的服務態度感到不友善，可能是趕住收工關係而唔想接客🫠
繼續閱讀