八月花 (又一城)

營業中

休息中

最近西餐吃多了 突然好想吃中餐 剛好今天在又一城行街 就選擇新派中菜【八月花】試試他們家的創意粵菜吧！這家分店環境寬敞，佈置典雅～很適合朋友家人聚會八月花以時令食材及蔬果融合中菜之中，為菜式帶來創新的口味及精緻的賣相😋這次我們點了～～🌸芥末蟹籽手撕雞🌸香烤深海白鱈魚🌸蟹肉燴金銀絲🌸西班牙手抓胡椒豬肋排🌸姬松茸香菇桶仔飯🌸雲呢拿雪糕伴嫲嫲餅🌸雪燕紅豆凍豆腐花🌸花果奇緣好推薦😚🙌🏻✨西班牙手抓胡椒豬肋排， 排骨軟嫩還帶有濃郁的白胡椒香，喜歡胡椒味的朋友千萬別錯過這道菜！！必食之選！香烤深海白鱈魚散發陣陣誘人的烤香，魚皮更是焦脆，每一口魚肉都鮮嫩多汁！另外色彩豐富的花果奇緣 🍹很適合相機食先！混合了多款鮮果，豐富的視覺及味覺的享受，且口感清新解暑！最後 雲呢拿雪糕伴嫲嫲餅 好特別！ 第一次嘗試濃郁香醇的朱古力嫲嫲餅配上雲呢拿雪糕，口感有點像餅乾夾著冰淇淋吃有冰火雙重口感好特別！！還有好多餐單 都想試試！下次逛街時再來試試 八月花 用餐～

粵菜講求食材嘅鮮味，味鮮而不膩，可謂粵菜嘅精粹。今次嚟到 #又一城 嘅八月花分店，帶大家去試下多款新派粵菜，款款色香味俱全！餐廳環境比坊間嘅中菜館更寬敞，仲設有半圓形嘅卡座，一大班朋友一齊食都啱晒！鵝肝蟹子脆春卷融入香脆嘅炸春卷包裹住香滑嘅鵝肝，再沾上滿滿蟹子，多層次口感令人再三回味。一口南非鮑魚撻酥炸嘅撻皮上面放入一口大小嘅鮑魚，鮑魚爽口又咸中帶甜。招牌酥脆鮮蝦腸粉必食推介！彈牙腸粉包住酥脆嘅炸皮和新鮮大蝦，每一啖都係大海嘅呼喚。香烤深海白鱈魚 厚身鱈魚烤焗至金黃色，未上枱已經香氣逼人，魚皮香脆，魚肉又鮮嫩多汁。西班牙手抓胡椒豬肋排特別選用海南島乾胡椒碎醃製，豬肋排份外肉質軟腍，份量十足，散發住濃濃胡椒香！雲呢拿雪糕伴嫲嫲餅新鮮熱辣出爐嘅嫲嫲餅，配上冰凍嘅雲呢拿雪糕，冰火雙重享受。雪燕紅豆凍豆腐花幼滑嘅豆腐花配搭冰凍嘅 #雪燕 同綿密紅豆，為炎炎夏日降降溫。花果奇緣茶底用上茉莉花茶，入面加入左多款新鮮生果：西瓜、士多啤梨、青蘋果、蘋果、藍莓。打卡一流，鍾意水果嘅人唔可以錯過啦。

朋友相約在此茶敍：訂枱@1230 ，人山人海，有啲意外啊⋯⋯又一城咁大估唔到這間集團酒樓咁好生意。我都係第一次去飲茶啊。間茶樓都幾大、空間也不錯。洗手間🚻⋯⋯乾淨三個人叫咗蝦餃👍🏻👍🏻👍🏻豬肚燒賣👍🏻👍🏻及陳皮牛肉腸粉—皮薄肉滑多汁有個午市套餐抵食(500+元）蒸東🌟斑：鮮滑蒸得啱啱好🐠（唔記得影相🤣）白灼蝦🦐⋯⋯好食有蝦味半隻豉油雞⋯普普通通。D茶葉都幾好，侍應好忙但有禮貌。三人敍開心🥰

之前在同一間餐廳吃過炒鱼麵。昨天再叫咗一碟薑葱鱼片炒鱼麵，鱼片口感不錯夠弹口。但薑葱已经带咸，厨師為何再加重豉油及重食油炒制；結果变成一碟超咸又超油嘅鱼麵。為有带回家再加湯翻炒減咸減油。建議厨師要試試自己出品，認真要改良！

點了六人套餐，一下子上了五個菜！要求不要太快上菜，傳菜大嬸説她只負責上菜，這是厨房的事與她無關…骨頭及龍蝦殼堆滿碟，喝完湯的碗亦任由放滿枱上，叫了二三次才去換…最離譜的是食完甜品后，竟然才上青菜...真係無言！埋單三千五，以這樣的收費若放在深圳消費，應不會如此吧！大集團管理及營運的食肆況且如此，如何吸引遊客及港人留港消費？！也難怪港人每逢假期都北上消費了，除了北上消費性價比高外，其服務質素亦遠比香港好，精明的港人自然識得選擇。

好耐冇去過八月花食嘢，原來已經搬咗落樓下嗰層，所以去到嘅時候都要搵咗一陣，不過相對嚟講坐地鐵過去嘅話更加方便。可能比較早去到嘅時候都唔係好多人，所以招呼還可以嘅，但係去到之後多人嘅時候就發現佢哋應該唔夠人做樓面，所以有啲時候搵人來寫才到要一啲時間，同埋斟茶灌水都係。跟埋茶介嚟嗰啲前菜係幾好味嘅，我哋忍唔住等人嘅時候已經食晒。叫咗個花雕醉乳鴿，嚟到嘅時候唔記得影相就已經食晒，佢嘅酒比較偏甜，一般般。唔記得影相嘅仲有生菜包乳鴿崧，啲餸係可以嘅，但係比嘅生菜就比較少，斷人頭計都唔夠。酥香鴨半隻，留意佢跟你嗰個淮鹽真係少得可憐，根本連點都點唔到，不過識落本身隻鴨已經好夠鹹，同埋都好酥脆，所以淮鹽應該都係象徵式。松子竹笙魚米，呢味餸嘅味道偏清淡，都仲係算可以嘅，不過唔知係為咗美觀定係點樣，哈片真係得好少，最重要係佢隻碟嘅設計好失敗，用匙羹不起啲餸嘅時候好容易推左落個窿度，結果係要用之前嗰杯淮鹽放返落個窿度，頂住先方便啲。燒鵝半隻，味道都算唔錯，又係啲孫煤漿真係好少。其他嗰啲餸菜冇乜特別，水準一般，整體嚟講算係平均一般。

好耐冇去過食八月花，點知極度失望，價錢貴預咗，但完全冇諗過食物質素和服務水準可以差成咁👎👎👎首先侍應服務差，最初俾張枱又窄又焗，隔離枱食緊加熱食物已令溫度上升，加上說話大聲，樓底矮令人覺得焗促，同侍應講竟然答我張枱已經係最涼最有冷氣，叫我行去門口同帶位講要求換枱😳之後侍應不問客人是否食完已收碟餐具污糟有餸漬，仲要隻隻碗碟都有😪食物水準差BB 豬半隻$428得八片，有雪氣味好鹹煙燻鴨半隻又係好鹹鐵板海蔘好油無味－句講晒差👎👎👎

香港飲茶的地方實在頗多，有贵的有便宜的，且看你在那地区和位置了。在九龍塘當然選擇不多，但又一城內三家中式酒樓提供的點心和食品還是有點分別，你可以精緻地品嘗，輕奓的試著，亦可以簡單地吃。八月花算是頗為被認可，但不算最昂貴的一家。點心都味道不錯且新鮮出爐，我只覺得燒賣份量小了点，品味一般，不吃不可惜，而蘿蔔糕、棉花雞、牛肉都不錯，腐皮卷更是充滿了爽口的蝦肉，牛肉腸粉也是新鮮所做。炒粉的口感真巧一般，可能是炒功夫欠缺些。

今日出左去又一城行街shopping，然後就嚟左八月花食晚餐，佢推出左一個$298蚊既1人套餐，有鮑魚有海參又有蝦，咁就補補佢啦。咁一坐埋位，當然都係有個小食，$16個都算係咁，都幾開胃既。到正式開始，先嚟左頭盤《冷鮑魚海蜇海螺》，海蜇比較淡無乜味，海螺片就有種似超級市場急凍御x皇既貨色味道一樣，就連鮑魚都好似罐頭開出嚟咁，實說真係有啲失望。然後，嚟左個《土雞蜜瓜日月魚》，燉湯都算足料既，既有蜜瓜清甜既味道，日月魚既鮮味亦同樣出色。《上湯焗大花蝦》，每位有2隻，賣相相當唔錯，花蝦亦都算大隻，不過咬口就唔係太彈牙，但都唔會話霉既，鮮味亦都有，算合格咁啦。《珍珠海參鹿茸》，海參爽口彈牙，吸收左湯汁既味道，入味之餘亦唔會太唸，算係比較好的一道菜。套餐上只係得返《珍珠雞》同《蜜餞脆麻花》，同飽都仲有少少距離，所以我地額外加左個《蟹籽蟹肉燴伊麵》，上枱既時候熱辣辣，賣相同味道都相當不俗，不過伊麵就唸左少少，如果煮短時間少少就更好喇。《珍珠雞》同《蜜餞脆麻花》應該算係同以上菜色最唔match既餸。珍珠雞本身又唔係特別出色，而脆麻花甚至可以講係難食，既不鬆脆，蜜糖又有一陣怪味，真係扣哂分。

4個大人叫左六人餐「龍蝦龍躉宴」，個名就好好聽。第一：服務差，等左成30分鐘先黎第一樣餸，每樣餸都要隔15分鐘先上咁滯（所以話食90分鐘都係假嘅，你想食90分鐘內要埋單都唔得）問佢佢又話要排次序出。我叫咗碗白飯俾小朋友食，都要等勁耐🥲第二：食物份量勁少，除咗個菜同個雪燕羹正常份量之外,其他似係2-3人餐份量第三：食物質素欠佳1.乳豬份量少 ，凍的2.龍蝦超細隻（肉都1，2舊）3.蟹肉燴金銀絲超差差差，全碟係粉絲，上面鋪幾粒超細既蟹肉同菇甜品當然係三色雪糕加涼粉，冇驚喜埋單要$1282 加一，最失望係食物質素份量同價錢唔成正比，好失望😣之前去過其他分店都OK 失望x10000000000第一次寫評（可能我要求太高？🥺）

食物方面：叫左豉油腸腸，沒有味道只有顏色。蛋散很實不鬆脆。雞絲春卷皮脆但個個餡沒有味道。珍珠雞味道一般。沒有一樣東西好食，服務態度非常差。服務態度非常差。服務態度非常差。服務態度非常差。服務態度非常差。服務態度非常差。服務方面：要自己斟水落茶壺，有職員經過問點解個鐵壺係枱面，話個客個壺唔可以係枱。有男職員經過好多次都無斟水。服務態度好差。食過這麼多美心集團，這間是最差一間。坐位編排太密，坐得不舒服。

很久沒有過來八月花，今日啲出品尚算滿意。有我最鍾意嘅鹹水角，外脆內軟，沒有塌下來，餡料係我鍾意的，帶有少少甜味。蝦餃都OK嘅，蝦爽口彈牙，因為太肚餓啦，又係已經急不及待，先食咗個蝦餃。跟住個素菜包，夾鹹菜同埋花生，青豆加咗少少辣椒非常好食，包皮鬆軟，熱辣辣。另一樣我專程以來的就係甜薄撐，雖然口感係紮實皮係略嫌硬了少少，但係感覺都算可以接受，煎得就夠乾身不油膩，雙皮奶唔甜，都算滑，非常好食。 @八月花

食物一般，唯獨服務超級差，限時90分鐘，差不多75分鐘就叫我埋左單，然後最後一份食物埋完單先到，接待員一直用好無禮貌既眼神黎望望住我地食，到差不多90分鐘我起身去洗手間，接待員立刻去我張枱對住老人家講話要還枱，老人家話因為等最後一份食物所以耐左啲，店員態度惡劣地說：呢碟野駛唔駛等兩個鐘？第一，由入場到離場都冇兩個鐘。第二，對住老人家點解態度可以咁差？堂堂高級食肆，就算催客人還枱其實係咪可以禮貌啲？老人家有時手腳會慢少少，但係駛唔駛搭正90分鐘就過黎比氣客人受？仲要係趁年輕既行開左至過黎，攪到老人家明明慶祝生日都好掃興。

食物好一般，個粗齊好難食。個鴨超咸。咕嚕肉都可整到難食…難食過一般茶餐廳。其他野都仲入得口嘅。但價錢同味道唔成正比呀。服務態度…唔掂。 加左個餸唔夠一分鐘，我話想cut，因為驚叫得太多，佢哋話入左單無得cut，其實佢張單都未出到比我 😔今時今日咁嘅服務態度..我唔知係咪我out左。是旦，費事食得唔開心，佢哋話打包就打包啦。其他都唔掂，賣個單條友又eeoo,搞左成十分鐘。但成餐飯，我唔知食左啲咩，得個飽字。 😔😔又一城8月花，不了～～

一班姊妹好耐冇見諗起兩年前喺度食過一次覺得唔錯決定再encore 八個人叫咗八個餸，份量略嫌過多，但係有多啲種類選擇冇咁悶其中覺得蒸魚同埋芥辣蝦球最值得推介我個人就鍾意惹味，個芥辣蝦球甜甜地又辣辣地好特別，食完好開胃醒神條魚火候啱啱好，蒸出嚟熱辣辣嫩又滑，好快就已經俾我哋熄晒鬼馬牛肉就即係油炸鬼炒牛肉，脆卜卜幾得意個乳豬仔就略嫌唔夠熱，但係都OK咕嚕肉同炒咗兩碟菜就正正常常仲有個斑腩就略嫌太少，得四件魚甜品就正正常常