影片
係cafe叫左個葡國雞飯，不嬲去cafe都冇咩期待，但係雞飯一黎，香氣撲鼻，令我垂涎欲滴。雖然雞肉既質感有少少粗糙，但係配上濃濃的葡汁，粗糙感又唔係對食物有太大影響。葡汁又唔係好似其他餐廳咁淡，但係又有少少唔係太足料既感覺。奶茶唔太好喝，咖啡就唔差。不過侍應成日都唔知去左邊，想點餐都難!份量都幾多，午餐既價錢唔太貴，大約$40，午餐去食都ok!
繼續閱讀
成班朋友下午黎呢間Cafe只系為左GATHERING 飲杯野傾下計，呢度環境唔錯，而且食物款式都不少 。但由於較早前已經食左野，所以只系叫左啲 Cake 同飲品 藍莓芝士蛋糕系我最愛，但呢度既cheesecake只屬於一般既水平。就這個價錢而言，芝士味道也還可以，但差了一點點香濃及幼滑既cheese味。藍莓帶了一點點酸，再扣一點分，而且呢個cheesecake欠缺了一個香脆可口既餅底，個人黎講比較有少少失望綠茶也只是屬於可接受的水平，本人有少少「重口味」因此對我黎講，綠茶略淡味道不足夠而且這飲品沒有綠茶應該的那種「苦苦澀澀」的味道，確是不及格之作總結黎講，食物質素唔高，什至可說是非常一般。但卻是成班人黎「嘻嘻哈哈」既一個好地方
繼續閱讀
趁住sem break，約咗班friend去樓上cafe玩知道登打士廣場有好多間樓上cafe，一行4人咪過去睇下揀下，上openrice睇完之後，最尾就揀咗呢到，因為見到之前嘅食評話佢個招牌甩皮甩骨，而家見佢整到靚靚仔仔，覺得佢有心改善嘅，就決定幫襯下佢啦入到去，就有個waiter過黎serve，比咗個近窗嘅卡位我地，一坐落去，覺得張梳化都幾舒服，望下menu，一個lunch set都係3十幾蚊又唔洗加一，又可以坐到成7點，認真抵結果我地就叫咗藍芝士牛柳粒飯，香草忌廉吉列龍脷柳意粉，香草忌廉汁秘制鹽酥雞扒意粉同埋蘑菇帶子pizza，飲品方面就叫咗薄荷牛奶咖啡，熱薄荷朱古力奶同埋芒果沙冰，而幫我地落order果個waiter仲好nice添等嘢食期間就諗住玩boardgame啦，有啲game原來係要問waiter攞先有，但係就要比番$20按金，不過拎番黎嘅boardgame好齊全，有啲意外，因為去過唔少樓上cafe都係唔齊的啲嘢食黎啦，個樣都幾吸引，個牛柳粒飯未影之前已經比人摧毀咗，影唔到，不過食落啲牛柳粒都幾冧，配果個芝士汁啲芝士味都幾濃，而個吉列龍脷柳就好脆，都算唔錯，最有驚喜嘅係塊雞扒，外面脆入面juicy！正！個pizza好脆，又落足芝士，啱晒我地呢啲中意芝士嘅人之後就到飲品，嘩，個薄荷牛奶咖啡有三層架，面頭仲有啲cream添，淨係賣相都攞晒分。個friend話薄荷朱古力奶都好飲，而個芒果沙冰，我就比足佢100分，又睇得又食得又夠芒果味玩到咁上下，見到原來佢啲切餅跟餐都只係加$15，仲有好多款芝士餅可以揀，抵啦~~~~呢間加勒比海真係唔錯，睇黎佢都改善咗好多所以我同啲friend下次都會再黎
繼續閱讀
跟朋友共5個人來呢度食飯，坐得唔係咁舒服，環境好暗，我地坐起廚房附近，有少少油煙。服務態度很不好，不親切。食物除左個pizza好食，其他我覺得麻麻地，小食有個牛粒，好厚好韌，叫左一杯抹茶咖啡，勁難飲，最後成杯放棄無飲，再叫左個玫瑰花茶，呢個唔難飲，因為好似飲緊水緊，一啲花茶味都無，想加水時要叫左三次侍應先有水加到，等好耐，想要一個碟叫兩次先有人理，服務很差。 另外，pizza算係好食。和最後的芝士蛋糕都好食既。五年人每人除返大約80蚊，不推介朋友來食。
繼續閱讀
雖然招牌甩皮甩骨，但坐落幾舒服，我地一行4人由2pm坐到530pm, 如果唔係有人有嘢做仲可以坐耐啲; 有board games玩、不過好多都唔係full set, 又係甩皮甩骨，冇一副完整嘅遊戲。4個人一人一份lunch set, 另外叫一份blueberry cheese cake, 埋單都係$204餐點：(因為有重複、就唔打兩次啦)- 挪威煙三文魚 配忌廉汁意粉- 藍芝士牛柳飯- 煙鴨胸雜菌意大利飯- 雜菌忌廉汁意粉- 粟米湯- 羅宋湯- 奇異果沙冰- 榛子朱古力奶- 焦糖朱古力…(唔記得奶定咖啡)- 藍莓芝士蛋糕大部分都okay, 係有3個伏。1. 挪威煙三魚有些許腥腥地嘅味道、可能係唔夠新鮮?宜家+C牌挪威煙三文魚好味過佢多多聲。但改變食法，用溫暖嘅意粉蓋住煙三文魚，將佢地變成經過加熱嘅煙三文魚會好味過就咁食。(或者呢個先係正確食法)2. 粟米湯我相信應該係甘寶牌罐頭嚟，但個罐頭湯被糟蹋左，個湯一落檯見到暗黃色…飲左幾啖仲有苦味…3. 奇異果沙冰杯嘢一落檯好興奮！因為杯沙冰堆得好高，沙冰嘅頂端到杯嘅頂端有我嘅食指咁長！點知一飲，…藥水味…本人比較倒霉，點嘅食物都有啲伏，除左煙三文魚搞得掂之外，另外兩個伏我都係飲左3-4啖就冇再掂過。跟據朋友嘅講法，佢地叫嘅食物都幾好味，不過我不得不講句，佢地撈意粉或飯嘅汁係幾好味。以上僅供參考。
繼續閱讀