71
6
10
| 餐廳: | 十三姨酸菜魚 (Mikiki) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
自從啟德站開幕，往新蒲崗比以前更便捷，今天特意和家人到這區走走，晚上到 mikiki 商場覓食 ，其間見到一間酸菜魚專門店，卡位多，環境舒適，菜式配搭也不少，最重要家人對酸菜魚相當有興趣，晚上繁忙時段未開始，可以順利入坐。QR code 掃碼方式下單，方便快捷，套餐或散點的選擇多，要花點時間了解 ，一下子決定非易事。招牌十三姨酸菜魚 ( 配水晶粉 ) 2 人份量 $198加配豆腐 $12可選小辣/中辣/大辣先來一口熱辣辣的酸菜魚湯，以出名的老壇酸菜、辣椒混入漁湯一齊淆製，酸菜爽脆，湯汁酸中帶微辛，非常醒胃。魚肉片已起骨，入口啖啖肉，肉質雪白嫩滑，片片厚薄適中，份量也多；粗身水晶粉滑嘟嘟，不易夾起，但入口十分煙韌彈牙，掛滿湯汁持別好味。原本以為盤內只有酸菜魚及水晶粉，所以又預先加配了豆腐， 卻原來盆底還有很多萵筍、 蓮藕片和薯仔片，用料豐富，非常抵食。巴蜀烤魚 $310 （贈送川北涼粉及時蔬1份）原條鉗魚一開為二和大堆辣椒平躺在四方盤內，以明爐保持熱力，湯汁微微滾動，散發誘人香氣。經烤過的鉗魚，外層金黃，略帶焦香，肉厚爽實，有少少骨，肉質嫩滑，鮮甜；我們選了酸菜味（少辣），辣度隨著長時間的烹調而遞增，真的越食越刺激。配菜份量也不少：有娃娃菜、蓮藕、鹹酸菜、另送時蔬1份川北涼粉即雞絲涼粉；雖然是贈送，但份量不少，上面有少許雞絲拌以少許麻辣醬汁，口感爽彈又美味。熱百香果蜜 ; 熱柚子茶吃完濃味食物來一杯清酸果味飲品最合適，柚子茶清甜果味重，熱百香果蜜甜中帶微酸，解膩又潤喉。紅糖滋粑（$38/4件）外型似粗條年糕，表層炸得金黃香脆，入口熱辣辣，應該係即叫即做，內層煙韌軟糯，灑上黃豆粉，淋上甜滋滋的黑糖醬，甜甜糯糯，味道真棒。桂花冰粉 $28冰粉即白涼粉，晶瑩剔透，口感爽滑，上面放了青提子乾作裝飾，淋上桂花糖漿，入口冰冰涼涼，是一道令人吃起來心情舒爽的甜品。其實好多食肆都只會供應一大盤的酸菜魚，但這店郤有提供一人份量的套餐，適合一些想品嚐多幾樣菜式，但又眼闊肚窄，甚或喜歡獨享的朋友。
繼續閱讀
近排很多餐廳都推出酸菜魚款式但除了酸菜魚之外，巴蜀烤魚也是特色菜式之一，今日就來這間餐廳吃晚飯吧！地方光猛濶落，木材系列用作卡位間隔很和暖感覺。我們點了巴蜀烤魚餐🍲-原條鉗魚（贈送川北涼粉及時蔬1份）酸菜味可選小辣/中辣/大辣巴蜀烤魚🍲店員會用卡式氣體爐熱住，超大條烤魚上場啦！原條魚已經切半可令魚肉更入味，鍋內配菜有蓮藕、菜蔬、鹹酸菜、青紅辣椒，湯底非常惹味酸酸甜甜好醒胃，魚肉很嫩滑肉質鮮甜美味。川北涼粉很爽滑又彈牙很清新。追加涼菜小食：十三姨秘製雞翼，酸辣小木耳，滑牛肉，萵筍片和豆腐。十三姨秘製雞翼🍗酥炸雞翼很鬆脆，南乳味有咸香配埋乾辣椒粉令味道更出更惹味。人氣蕃茄湯水晶粉🍅超多蕃茄湯底很鮮甜微酸，水晶粉超滑身很Q彈，魚片新鮮厚肉鮮甜。熱柚子茶☕️吃了重味食物可以喝一杯熱柚子茶，令味蕾有解油膩感覺。凍洛神花茶🥤凍酸甜洛神花茶很清涼，有潤喉感覺好舒服。
繼續閱讀
收工之後同同事去左mikiki搵食，見到「十三姨酸菜魚」有個二人套餐幾抵食，就諗住三個人去試吓～😂二人套餐由$238起，可3揀1其中1款酸菜魚、蕃茄魚或酸菜金菇肥牛，小食可從12款選1款，另外仲包兩款前菜，可7選2，仲包兩碗珍珠米飯或米線（+$5）及兩杯飲品，三個人share都夠食！😎⭐️推薦❗招牌十三姨酸菜魚酸菜魚湯底味道香濃，酸菜的酸味和辣椒的辣味相得益彰，湯底還帶有一絲微甜，非常開胃，魚肉鮮嫩多汁，一啲都唔腥，而且份量十足。仲有好多配菜如萵筍、芽菜、薯仔片、薯粉等，薯粉口感柔軟細緻，吸晒湯底的精華，超正！🤤夫妻肺片牛舌、牛肚，拌以辣椒油、花椒等輔料，味道香口，風味別致，不錯吃。⭐️推薦❗十三姨秘製雞翼（4件）雞翼外皮炸得香脆，內裏肉質保持嫩滑多汁，用南乳作調味好入味，蘸上旁邊嘅麻辣粉一齊食，味道更上一層樓！😋⭐️推薦❗麻辣手拍青瓜🥒冇諗過份量咁足，味道越食越辣～超抵食！主食我地揀左米線（+$5），份量好大碗，三個人share食都得！套餐包兩杯嘢飲：熱百香果蜜唔洗加錢都幾好；冷泡桂花烏龍茶（+$8）好大杯，味道清新解渴，飲唔晒仲可以拎走添～😂我哋仲追加咗兩份小食～⭐️推薦❗家常肥腸血旺（$88）肥腸煮得軟爛耙糯，血旺鮮香軟嫩，麻辣惹味！⭐️推薦❗紅糖滋粑（$38/4件）炸得金黃香脆，內裏煙韌軟糯，淋上黑糖醬好滋味。😍😍事後發現原來餐廳都有啲負評話好難食，但又真係未至於喎🤔我哋真係覺得幾抵食，味道唔錯，性價比幾高！最後我哋三個人都食得好飽！😂而且平日下午有午市套餐，$58起，下次lunch再嚟試過～😏
繼續閱讀
今年香港嘅天氣有啲反常，嚟到12月中，日間竟然仲有廿幾30度嘅高溫🌞 濕度仲去到八十幾… 搞到我啲老人風濕又發作🥵 呢晚一於以毒攻毒，搵埋朋友仔去食 #烤魚，實行以辣度迫返啲濕氣出嚟😆#小秘書 乃係屯馬綫街坊，而家由屋企/公司過嚟 譽。港灣-Mikiki 真係好方便，只要搭港鐵去到 #啟德站，行條天橋5分鐘就到😉 所以我好多時都喺附近買完嘢，就去 #Mikiki 食飯😉 咁啱商場2樓開咗間 十三姨酸菜魚，正合我時日心水！諗起都 #口水流🤤 餐廳雖然地方唔算大，但係裝飾都幾骨子，#卡位 以小木屋形狀搭成，兩個人可以靜靜地自成一國，感覺都幾舒服㗎😉一早話咗要食辣嘅我，梗係先嚟個 #巴蜀烤魚 先啦！咁啱餐廳呢排做緊優惠，$288套餐除咗 #全條烤魚 之外，仲包埋兩杯 #檸檬可樂、#川北涼粉 同埋 #唐生菜… 好吸引喎🤩 為咗唔想失儀，我哋呢餐揀咗BB麻辣😅 另外配咗啲 #金菇、#鴨血 同 #蓮藕片 做 #火鍋料 🤤 巴蜀烤魚個醬汁唔算太辣，不過 #麻辣 嗰種獨有香氣，真係份外惹味🤤 魚身啖啖肉，就算煮到尾聲，口感依然咁嫩滑🤤 之後再將火鍋料倒埋入麻辣湯底一齊食，正好吸收晒魚肉同湯底嘅鮮味🤤 單係一條 #烤魚 又點能夠滿足我哋呢兩個 #大胃王🤭 嚟得食 #川菜，點少得食佢哋嘅 #涼菜 同埋 拿手嘅 #夫妻肺片，爽口嘅 #牛肚絲 跟#芹菜、#蒜頭、#特製醬料… 撈埋一齊入口，口感好豐富喎🤤 涼菜方面，服務員就提議我哋可以試吓佢哋嘅 #麻辣豬耳、#擂椒皮蛋，仲有 #手拍蒜蓉青瓜 🥒 果然冇介紹錯，幾個小食味道都好搶口🤤 而我就將啲 #青瓜 拌埋 #涼粉 一齊食，順便幫條脷降溫😆 最後梗係要乾埋我面前杯大檸樂，呢餐先至夠圓滿啦😉🍻📍 十三姨酸菜魚 (Mikiki) (新蒲崗)太子道東638號Mikiki 1樓119號舖
繼續閱讀
📍十三姨酸菜魚係香港食酸菜魚嗌一盤魚最少都要二三百蚊如果人少少食其實唔平好好彩比我搵到間味道唔差又好抵食既酸菜魚店即刻同大家分享🥳🥳🥳😋招牌二人餐 （$238）二人餐包括有一盤魚、再加三個小食、兩碗飯、兩杯熱飲☕️呢個價錢咁多野食真係無得輸‼️🐟招牌十三姨酸菜魚二人份量既酸菜魚都好足料足足有一條魚係入面👍🏻魚片新鮮嫩滑配料有萵荀、芽菜、薯粉、酸菜辣度固定係香港人岩食既辣度大約係譚仔小辣既辣度酸菜既酸味同麻味都好足夠😋🐥啖啖無骨口水雞口水雞既醬汁好濃好惹味重口味人士最愛😈雞件冰凍嫩滑係一碟好開胃既小食👍🏻🥒蒜茸手拍青瓜食左咁多重口味既食物特登嗌一個蒜茸味拍青瓜清一清油膩感雖然無麻辣味青瓜咁重味但青瓜既蒜茸味好出好香解膩一流😚🐤十三姨秘製雞翼私心好中意食呢到既雞翼🙈每隻都係新鮮即炸所以係熱辣辣好脆口咬落去有肉汁咇出黎邪惡之選✅🍬紅糖糍粑 （$38）口痕好想食糍粑好掛住個種煙靭既口感😚可惜呢到既糍粑overcook左外皮炸得太硬入面既糯米太黏口食到痴牙失望🥲總括黎講如果純粹想平平地食酸菜魚唔係要求好麻好酸既超重口味質素我覺得呢間既味道以$200幾蚊價值黎講真係超值咁大盤魚仲要有咁多小食質素正常係香港食到咁多食物既酸菜魚餐呢間都真係無得輸👍🏻可以一試✅
繼續閱讀