171
6
3
電話號碼
70743234
營業時間
今日營業
11:00 - 22:00
星期一至日
11:00 - 22:00
付款方式
AlipayHK 支付寶 現金 八達通 OpenRice Pay
其他資料
當面支付
以上資料只供參考, 請與餐廳確認詳情
食評 (192)
窩夫與蝦子餅在元朗找地方吃東西,被「天龍咖喱」的招牌和門面的顏色吸引到。門外寫著「人生就像吃咖喱,偶爾辛辣一陣子,不會辛苦一輩子。」,就進去辛辣一陣子吧。餐廳主打咖喱,但不忘不吃辣的朋友,有多款不辣的選擇。小食選擇也不少。飲品方面,蝦子餅的夠薑大話七(原價$28/跟餐加$13)甜甜酸酸,開胃消滯,窩夫的柚子梳打(原價$25/跟餐加$10)十分足料,柚子味濃。咖喱羊架飯($105)的羊架跟咖喱汁是分開上的,正合窩夫心意,不怕咖喱汁太辣而吃不到。羊架份量足,有三大件,煎得香口,水準不錯。咖喱汁有薯仔和大量洋蔥等,惹味香辣,嗜辣的朋友可以再加辣。金牌牛魔王咖喱牛大四囍飯(附油酥餅兩塊)($112)有齊牛腩、牛筋、滑牛肉和厚切牛脷,十分豐富。「大四囍」當中窩夫最喜歡牛筋,軟硬適中,膠質滿滿的。咖喱汁拌飯一流,窩夫更喜歡配熱辣辣的油酥餅。雞皮卷($42)不常見便點來試試,外層的雞皮又薄又脆,入面啖啖雞肉,肉汁超多,蘸泰式雞醬更滋味。 繼續閱讀
(以上食評乃用戶個人意見 , 並不代表OpenRice之觀點。)
等級4 2023-12-10
579 瀏覽
特登過黎新界呢邊行下,發覺不知不覺間已經到左食飯時間,同朋友過到黎緊係要去搵下D特色食物啦😝經過見到之前食過既咖哩專門店,瞬間味蕾與食慾為之一振✨雞皮餃子 $38以酥脆的雞皮包裹著鮮嫩多汁的餡料,作為前菜的話其實挺不錯👏🏻蔬菜蝦卷 $38皮薄酥脆,將蔬菜和蝦仁捲在薄脆的春卷皮中,炸完之後,外表看上去酥脆,內裡則鮮甜多汁🤤金牌牛魔王咖喱牛大四囍飯 $118咖喱點了小辣,香濃的咖喱汁配了牛脷、牛腩、牛筋和牛肉,另外還送上兩片油酥餅🤗咖喱三黃雞飯 $57 三黃雞肉比較嫩滑,與平常食的咖喱雞稍微有點不同,而且咖哩汁不算太辣😉鹹檸碧 $25鹹檸碧為鹹檸檬和雪碧的組合,鹹檸檬又酸又鹹的感覺,但又帶點雪碧的甜味🤩紅豆冰 $25經典的飲品,紅豆都幾多下,表面仲加左椰汁,令到整杯紅豆冰更香更濃郁😏好味指數:8/10性價比指數:8/10餐廳名稱:天龍咖喱餐廳地址:元朗合益路17-53號合益中心地下23號舖電話:70743234 繼續閱讀
(以上食評乃用戶個人意見 , 並不代表OpenRice之觀點。)
今日由元朗西鐵過去市中心天橋行落去,由後街行到合益中心個邊見到地鋪有間天龍咖哩,門面天藍色,個招牌係加左暗色爆爆效果。而門口有個海報,寫住:人生就像吃咖哩,偶爾辛勤一陣子,不會辛苦一輩子; 咁精警既金句,即刻吸引左我入去。招牌咖哩菜式:🥘金牌牛魔王咖哩牛大四囍飯(附油酥餅兩塊) $112大四囍令我諗起愛回家🤣🤣依個咖哩四寶飯夠晒霸氣,牛腩、牛筋、滑牛肉同厚切牛脷都齊,一次過試晒天龍既牛牛。我既最愛係牛脷,外面食好少會厚切,口感絕對係更好; 滑牛真係好滑,一啖送飯咬落即溶~而牛腩、牛筋好正,前者肉質軟身重牛味,即使配濃味既咖哩都食得出; 而後者既筋已經煮到係勁冧身同黏性適中,可以為女士補充骨膠原。🥘咖哩牛仔骨飯(咖哩汁另上)我幾鍾意咖哩汁同肉類分開上,一開始可以先嘗嘗肉類原味。牛仔骨煎得剛好,又香,外皮脆身,肉質冧身,而且份量足料。咖哩汁唔會好辣,算係少辣既程度。最好係咖哩汁內有雜菜塊,唔係只食肉可解膩。小食🍗孜然羊架同蔬菜蝦卷都有驚喜,即叫即造,香脆同味道一流,適合配傷檸樂(檸檬青檸配可樂)💡鍾意食咖哩既朋友,下次可以食天龍既金牌牛魔王咖哩牛大四囍飯,包你有味蕾既驚喜! 繼續閱讀
(以上食評乃用戶個人意見 , 並不代表OpenRice之觀點。)
等級3 2024-05-15
0 瀏覽
今日去左元朗買野,突然心血來潮想食咖哩,咁就上網睇下有咩好食啦,發現附近正正就有間食咖哩嘅鋪頭,咁就一於過去試下。餐牌上面有個金牌牛龍王咖牛大四囍飯,咁叫得金牌就點都要試啦,第一次嚟食又驚太辣,所以叫多個唔辣嘅惹爆慈油三黃雞飯,另外叫多個小食天龍雞皮卷同香芋魚肉餅,應該夠哂滿足喇啩。先講講個咖哩,牛肉煮得十分入味而唔會過老,每一片都十分腍滿,而個牛腩炆得好淋,一絲絲咁完全唔黐牙,牛根亦都十分之淋。重點嘅咖哩,食到十分重嘅香料味,超級正,而且個汁充滿洋蔥碎,食起上嚟甜中帶辣,十分好送飯。仲配左兩件簿餅,牛油味香,配埋個汁食一流呀。除左咖哩,個蔥油三黃雞一樣出色,啖啖肉,每一件都充滿蔥油嘅味道,配飯食就剛剛好了。雞皮卷外皮十分爽脆,入口帶油雞油嘅香味,而雞肉內餡仍然保持鮮嫩多汁。香芋魚肉餅口感獨特,除左食到香芋嘅軟糯同時食得魚肉嘅鮮甜,真係值得一試。再飲埋椰子冰同柚子梳打,大滿足呀。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-05-14
0 瀏覽
聽朋友介紹,元朗有間滋味咖喱小店,在鬧市中被門口標語「人生就像吃咖喱,偶爾辛辣一陣子,不會辛苦一輩子」吸引。我地叫左兩個飯,一個係咖哩青衣柳飯。青衣魚柳是一種肉質雪白而結實的健康有益的魚柳,配上以印巴傳統大量洋蔥及蕃茄淆製而成的咖喱,惹味香口。咖喱汁是另上,適合唔係好食得辣的朋友,照顧十分周到。另外我叫左個金牌牛魔王牛大四喜飯,有齊牛筋,滑牛肉,厚切牛利同牛腩,仲配有2塊油酥餅,十分豐富,咖喱汁伴飯一流,份量多得驚人!小食方面亦相當出色,蔬菜蝦卷賣相精緻,鲜蝦十分彈牙,蔬菜新鮮爽口,芋頭魚肉餅芋香濃郁,芋頭魚肉絕配,好味到停唔到口! 繼續閱讀
(以上食評乃用戶個人意見 , 並不代表OpenRice之觀點。)