影片
港鐵西灣河站 B 出口, 步行約2分鐘
繼續閱讀
營業時間
*最後落單時間: 23:00
星期一至日
11:00 - 01:00
以上資料只供參考, 請與餐廳確認詳情
好差的一頓晚餐。聽聞它攞到米之蓮，所以今晚跟朋友去試一試，整晚菜式只有一個字鹹。今晚點的菜式包括有：燒腩肉、枝竹炆龍躉、梅菜扣肉丶椒鹽鮮魷及招排雞等等..第一道菜燒腩肉，比我感覺係一大堆鹽放入口中。第二道菜椒鹽鮮魷，其實鮮魷都好新鮮，無需要放咁多鹽去烹調。第三道菜梅菜扣肉，見到個賣相已經唔好，不論顏色同味道；跟罐頭冇分別。同經理反映，他完全沒有反應，好似意料之內，平日我對食沒有太多要求，但今次是我人生中食過最難食的一頓飯。
繼續閱讀
媽媽的跳舞朋友推介這店，我們便來試試，我們沒有訂位，約於8:30 walk-in 剛好有枱。行上一層，見到整店人山人海，九成半滿。店員推介我們食套餐，但我們決定散叫。想點燒腩仔、义燒、紅燒乳鴿等全都售罄，想必是因爲冬至各人提早做節關係。先來彈牙鮮墨魚餅，一碟六件，熱到辣口，証明由廚房到上菜的速度很快。墨魚餅厚身，彈牙！高水準。再來咖喱香茅豬扒煲，咖喱是港式的，不過不失。勝在大煲，鑊氣足。最後是啫啫芥蘭煲，應該是加了咸魚和咸酸菜，味極濃，偏咸，一定要佐飯。連加一埋單三百多元，茶芥每位$10。
繼續閱讀
提早做冬訂左個晚市套餐，只有龍蝦伊麵係比較好食，係用新鮮龍蝦，蒸鮮鮑魚仔無鮮味之餘仲要過晒火候，套餐外加燒乳豬，乳豬肉質不錯，可惜師傅功力淺，皮唔脆都算，兼仲有濃濃的『豬廚』，整體味道水準不會再幫襯
繼續閱讀
話晒容記係深水埗四大小炒王之一，又見佢新開同響深水埗同太子都有食過有保證咪打算去捧下場！點知去到完全唔對版，員工不足可以理解，但係唔代表服務質素可以差囉！一入到去都覺得係焗焗地，不過見天氣凍凍地可能係開細左都算啦，點知有客搵鄧姓經理問可唔可以開大少少冷氣時，果位不知所謂既經理居然反過來叫個客熱就除衫啦！我都係第一次見經理會咁講野，不過事不關己就算啦，反正我都係黎食野架啫！到我落單時果位經理d 服務質素我都唔想再提，佢極度不滿又落漏單！上菜既時候，佢地d餸仲要係凍既，話晒容記都係四大小炒王呀！上枱既時候個小炒王居然係凍既，真係同以前間容記好大出入！所以就算去深水埗遠d 都要去食番其他果三間小炒王算啦！容記從此沒落了！
繼續閱讀
所謂一不離二.....二不離三, 今日又再次大排筵席了, 一班為食友活動完畢, 搵左呢間以食燒鵝及脆皮燒腩出名的榕記小菜王擦餐勁先散band。一般酒樓格局佢地最出名係燒味, 叫.叫.叫!大路酒樓食品貴妃雞 呢隻雞大家一致認為....好食, 雖然唔係新鮮雞, 層脂肪又厚咗少少, 隻雞郤浸到剛剛熟, 雞肉嫩滑, 佢調較個雞汁帶少許微辣, 夠惹味, 好食。極品燒鵝王（$368/隻）燒鵝上枱好靚仔, 燒鵝皮唔係太多脂肪, 望落真係好正, 令人流口水, 點知大家夾第一嚿入口.....即刻有啲藐嘴, 何解？凍的！連少少暖都冇！失敗之作！其實燒鵝/叉燒/糕點/蛋撻等...呢類食物, 如果唔熱已經即時扣咗三分, 幾好食都吾會令人回味的, 燒鵝整體味道其實係不錯的, 皮脆肉又嫩, 只可惜凍冰冰之麻！脆皮燒腩仔佢哋冇呃你, 燒豬肉皮真係脆卜卜的, 仲係用五花腩燒成, 燒腩仔都係一層肥一層瘦, 夠油香先好食, yummy。蜜汁叉燒皇叉燒反而又熱喎, 夠熱香味即時提昇不少, 叉燒肉夠腍, 佢個叉燒汁味道又真系不錯, 夠曬香甜。小菜小菜方面最愛佢個臘味炒芥蘭, 臘味有齊潤腸臘腸臘肉, 三樣都好食, 唔係一味鹹爛爛嗰種貨色。炒粉麵飯都係一般酒樓嘅大路野，基本上炒粉麵飯我唔系會點食的， 咁飽肚.....食碗飯, 飽曬啦, 仲使食其他嘢！點心 大大話話叫咗20幾籠, 整體食味都可以, 最like 系佢哋嘅奶黃包, 真係勁流勁香, 有個朋友一咬.....即刻嘔奶皇, 笑爆嘴！呢度冇嘢好.....最好係平, 食味尚可, 一班人擦餐勁, 飽到上心口出門都係每人 $125, 一班人柴娃娃搶食, 開心就係咁簡單。
繼續閱讀