影片
港鐵堅尼地城站 B 出口, 步行約4分鐘
繼續閱讀
營業時間
星期一至日
07:00 - 16:00
17:30 - 00:00
以上資料只供參考, 請與餐廳確認詳情
食物資素我不能評論，因為根本無食到。態度十分趕客。The attitude of the waitress drives customers away. We ordered a combination of promotional dim sum and was told one time was sold out. We would like to change the order and was told no change can be made because of already input in the system. You can only do it their way. Be prepared for the attitude.
繼續閱讀
一行六人，二人先去搵位，有兩小孩，一個三歲以下，一個五歲， 去到有六人枱，經理寫了四個茶位沒有寫茶便走了， 之後另一位經理問我多少人我說六個， 但他只放了四套餐具， 我再說六個人，他竟然話張單寫四位 我就哪四位餐具啦(如果係咁佢又何須問我呢？)， 我說可能因為有四大人兩小孩他不計， 跟住佢仲話你呢個五歲都要收茶位冇理由唔計， 其實張單係佢同事寫四位我沒有說過五歲不要計錢， 再者我說另一小孩兩歲要bb座椅，他說三歲才計茶錢 結果他加了兩個位， 計我六個茶位很不老實，態度有惡劣！ 走廊內有四個經理我叫了三個也沒有人給我bb座椅，其中一樣還質疑我是畀五歲的小朋友坐， 結果我還是叫了第四個人是傳菜的姐姐才給我一張椅， 服務實在不周！ 如果沒有bb椅也需要交代一聲，但結果原來是有bb椅的。埋單時我當然沒有給那多了一個的茶位，叫我他改單時門口經理竟然還怪我們當初應該要同他們同事說不是六位是有一小孩，原來呢間舖頭的人做事只會賴顧客， 我説是你同事自己夾硬加到六個， 跟住佢冇聲出，真的令人一肚氣！那裏地下沒有鋪地氈，地下很多垃圾而且很多人跌爛碗碟在地上又有碎片環境惡劣， 這裏轉手好幾次今次算是最差了 ，以後也不會再來！
繼續閱讀
623 瀏覽
「容記小菜王」扎根深水埗多年，多年前曾經光顧，只記得地方擠迫、用餐環境麻麻地，但味道相當不錯，又有點大排檔風味，值得推薦。兩年多前老闆決定退休，原址就另外開了一間新店，據講由樓面以至廚房班底都係原班人馬，不過未試過光顧新店，唔知道質素如何。「容記」老闆可能唔甘於太早退休，亦可能抵受不住其他人的慫恿，隔了不夠一年，重出江湖；亦有傳聞飲食業搞手只是借他的名氣及「容記」的招牌，「容記」老闆並沒有直接參與重生的「容記」的日常營運。無論事實到底如何，「容記」重現於太子 ⋯⋯ 再隔了一年左右，已火速開多三間分店。之前同一班朋友光顧太子店，覺得味道不錯兼抵食（但忘記拍照，沒有寫下食評），所以今晚揀了西環分店同阿媽提早團年。門口及餐廳內各有一組生猛海鮮魚缸，不過上面所列出的多款海鮮其實都沒不能夠在魚缸內找到，是否可稱為貨不對辦？（一笑）。裝修陳設簡單，典型街坊酒樓格局。員工態度亦很差，有點愛理不理，同樣是街坊酒樓風格。沒有正式餐牌，只有一張 A3 大小、兩面印刷的過膠菜牌，又是另一個街坊酒樓的典型慳儉作風，餐牌的印刷成本也省卻；另外還有一張是日精選海鮮推介及街坊酒樓不能缺少的海鮮孖寶。結婚前同屋企人出街食飯，唔知點解好鍾意粟米雞蓉羹（$128）或者雞茸魚肚羹，所以，結婚後同媽打的家庭飯局也有這個習慣。粟米及雞肉的份量很少；味道好鹹，亦唔似係鮮雞及金華火腿熬煮的上湯湯底，除了鹹之外，唔係好覺得有其他味道。紅燒脆皮乳鴿（$58）唔算大隻，不過亦唔係迷你版 BB 乳鴿，總算有厚薄適中的鴿胸肉，而且定價亦合理。炸得過了火位，鴿皮有點乾身，尤其是鴿翼及下脾，更加明顯地炸燶了，咬落去又乾又硬。鴿胸肉好一些，肉質只是因為炸過火而稍為硬了一點，仍然有肉汁、未算太乾。「容記」太子店去年拿到《米芝蓮 香港澳門版》車胎人推介的其中一道重點菜色馳名國際燒肉（細）($128）當然不能錯過。講賣相，肯定及不上酒店中菜廳或星級粵菜酒樓；每件燒肉切得大細不一、又不是整整齊齊的正方體，亦黏連著一小截近燒腩骨的深啡色豬腩肉，唔夠精緻；雖然也隱約見到間花的深淺色豬肉及脂肪，但脂肪層看起來太薄。再講味道，只是微暖，而且偏鹹；燒肉皮亦唔夠脆卜卜。整體質素雖然已經較很多港式燒味店及粵菜酒樓好吃，但記憶中及不不上太子店的出品，有比較之下（還要是同一間餐廳）很難給予高分數。海鮮孖寶（$598）揀了上湯焗生猛龍蝦伊麵底及砵酒焗美國桶蠔。上湯焗生猛龍蝦伊麵底（原價 $438）非常抵食，有兩隻開邊生猛加拿大龍蝦，開邊龍蝦表面淋上了適量上湯芡汁，龍蝦肉又夠結實、彈牙、清甜，好味道。墊底的伊麵份量非常多，四個人分享也綽綽有餘。伊麵爽身彈牙、又有少少煙韌，如果可以再多一點上湯芡汁會更加好食。砵酒焗美國桶蠔（原價 $188）又有偏鹹的情況，只是砵酒焗蠔本身就是濃味道菜式，可以接受。一煲有六大隻美國蠔，隻隻巨型。剛剛熟透，咬落爽脆、又有少少 creamy；砵酒的甜味及淡淡酒香滲透入蠔肉內，比起其他中式烹調方法如酥炸或薑蔥焗更好味 ⋯⋯ 佢今晚最佳菜式之一。比較起來，薑蔥粉絲中蝦煲（$168）不及砵酒焗美國桶蠔抵食。中蝦唔夠班，太細隻了；不過都夠鮮甜爽口，甚至可能是游水海蝦。薑蔥夠多、亦夠味，但粉絲份量就少得可憐，表面一條都見不到，要抄到煲底才有一些粉絲，還要不是大大箸。其實粉絲只是平價食材，卻可盡吸湯汁，可以非常美味，唔明白廚師點解會吝嗇？彈牙墨魚餅（$108）夠厚身，咬落彈牙爽口，只不過表皮有點煙韌，少了幾分應有的香口。墨魚餅只有搞成了漿的墨魚膠，缺少了切粒墨魚，口感未算最佳；亦相信加了很多麵粉，墨魚鮮味稍差。味道適中，沒有之前幾道菜式那麼重手，但有一點點「嗱口」，可能加入了一些食物添加劑以增加墨魚餅的彈性，但卻影響了味道。豆苗是冬季時令蔬菜、也是上價菜；見到這一碟蒜蓉炒豆苗（$118）的份量及多嫰葉少莖的質素，已覺得非常抵食，這就是街坊菜館優勝的地方。 雖然不是更加高價的豆胚，但由於豆莖少，亦相當嫰滑，最緊要冇渣。今年，「容記」四間分店沒有一間獲得《米芝蓮》青睞，這個光環就只維持了一年光景。姑勿論《米芝蓮》評價中菜的認受性如何，某程度上也反映了短時間內開設多間分店對出品的負面影響，而事實上西環分店的質素又的確較太子總店差了一截（根據筆者去年中光顧太子總店的經驗），「容記」的現任老闆在擴將版圖的同時，必須同時兼顧出品水準。
繼續閱讀
致：容記小炒王 老細儘量叫d伙記唔好圍攻同一個客，係咁要人買年糕同籮白糕，已經買左⋯又再叫人買，飲餐茶啫，咁大壓力！咁下次仲點黎⋯其實d野食唔差又唔貴，有d伙記都好勤力做野
繼續閱讀
7點59分點菜， 八點九先至嚟第一個。 最後九點十五分先至全部上齊菜。 叉燒又貴又硬。128蚊 只得10块。 周圍嘅人都投訴。 有人一碟聖子寫明四隻隻係嚟咗三隻。 不老實 服務不好
繼續閱讀